ZEFANIA 3:4 - BAIBEL (BSI)

⁴ Tungkupumino lahilazake eno akupulupu kuhake; achinemino akimthe kitiqevetsu cheni eno pano kivipu shianiaye Alhou yezah suchighive cheni.

Sumi Naga CL (Re-edited) Bible (BSI)

⁴ Liw tungkupmi ye lhelheshi, pishikiqhimi ke; achinemi no akimthe pesü kitiqe; eno ayezah hexa cheni.

ZEFANIA 3:4 Referans Kwoze

EZEKEL 22:26

Achinemiqono iyezah kuboleve eno akimthe jeli panonguye sumsakeu kuhae. Panonguye akimthe ngo mithe kumo dolo kutuqukeu kuhae. Panonguye muqhamiqhiyi keu ngo muqhamiqhiyi mokeu dolo kututa shi akeu shikapiye chemoke eno panonguye Sabat pinye kughuchove cheni. Tishi keu lono Israilmiye isumsa chemoe.

MALAKI 2:8

“Ikemu nongu achinemiye alaghi achipiu vezuvae. Nongu kukutsu lono timi kutomo pelo akumou laghilo wuveapeke. Nonguye ino puloshoqhi nongu sasu shikeu kubolevae.

HOSIYA 9:7

Aghime sholu kepu ghuloki ighivae; timiqono kiu ithulu kuzupu shiani keno tipau ithulu kepu ghuloki shivae. Kughono tishini keno tileno Israil lo akemino ithi ani! Nonguno picheni, “Tungkupu hipauye kughuzumike. Timi mlolo pisutsu chekemi hipauye izupho kicheyivae.” Nonguno shishe ijumithi keuye nongu xineye kumzapu kehue.

AKUMLO 2:14

Nowu tungkupmino akimki tsa likhi thono nongu vilo kiumu pimoke; Pano shekushuno nongu pishiqhive puzu khilemu nongu xine lhephe tsumoke. Panonguno nonguye xaide kepu avehupu shiamo kepi nongu pelo kumsuvepe.

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

ISAIAH 9:15

Muchomi timino gihuche keqono akutsuke eno tungkupmi miki chekeqono ashomhike!

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.

1 John 4:1

Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,

2 Kor. 11:13

Kughengu timi titoi keqoye kichileu apostolmiqo ke, pishikiqhimi akumlamiqo eno Khristo wu apostolmi kena ipi peniye muqumughashi ighikeqo ke.

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

MICAH 2:11

“Timi hipaqoye tungkupmi khunoqono akimki ngo pishikiqhino chhitoi xapusu iqho iqi cheni keno tikithipu lunishi cheni. Tungkupuuno ishi picheni, ‘Ino tungkuptsa pitsu anike atsayiji eno akuptsu tsayi jino nongu ghengu qole qolei nani.’ ”

JEREMIYA 23:32

Ni, AMPEU no kiu piani keno inilo! Niye tungkupmi khunoqono pano samo picheni eno tiye akimkino chhitoikeu pi acheni keno tipaqo shou ino moepi anike! Panonguno asamo tipaqo pipuzu panoqo kimki ngo panoqo qhekuza pesu iwu timiqo sakughuzuke. Niye panoqo puwumoke momu panoqo vilo wulo pimoke eno timiqo kiumu kuphulu anike kumoe. Ni, AMPEU no piqhivae.”

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

SAMUEL ATUGHIU 2:22

Eli ye ighono muchomi shive. Panu pamano Israilmi lau mlachekeu kumtsu eno tilikhi kumono panu pamano totimi khunoqo Akumllaki kulaghilo mlachekeno tipaqo sasu zukeu ghili ghi chiluche.

XAKUTHAMI 9:4

Panonguno BaalBerit chineki lono tsandiyi lhotsuni pesu pa tsu eno tipau pisa pesu avehu kuhamitheno achekeqo piqeno pa gholo chewuvepe.

JEREMIYA 34:19

Ikemu panonguno puloshoqhi kubove eno tipaulo shi nikeu shi akeu pemoveke. Tighenguno panonguno amshitsu pesu kishi shikeno ino timi hipaqo shou shi nani.

EZEKEL 44:23

“Achinemiqono kiuno akimthe eno kiuno mithekumo keno eno kiuno chinikeulo mithe akeu eno kiuno mithemo keno kutuqu akeu pesu iwu timiqo vilo shikani.

MALAKI 1:6

Aqokitikhi MPEU no achinemi vilo pi,”Anu lakhiye papu gihu cheni eno aqemi lakhiye pa mipeu gihu cheni. Niye nongu papuke, nonguye kushiye igihumo kya? Niye nongu mipeu ke nonguye kushiye igihumo kya? Nonguno ijumithi cheni eno tishi keghi nonguno ishi inijuke, ‘Ninguye khileno ojumithi cheni kya?’

MALAKI 2:7

Achinemi kumlapu sajeye Alhou kighithi kuchou pesu timi shikapiye peniyeke. Timiqoye panoqo lau wuno ipulou shikalu kepue, kughengu panonguye Aqokitikhi MPEU ghinikishimiqoke.

EZEKEL 22:6

Israil lo sakiphemi kumtsuno pano likhi pano kuka kumto shou pukhubeke eno timi ghiqhi cheni.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.