ZEFANIA 3:3 - BAIBEL (BSI)

³ Tipaulo kijemi akeqoye abongushu igha akeu toike; tipaulo kughakuthami qoye muzuthi akeu tine lojino mihemuzakeu lono inaqhe tomphi lono aghi lakhimu qhimovekeu toike.

Sumi Naga CL (Re-edited) Bible (BSI)

³ Li qholo hiyampemi akeqo ye abongshuu toi keqoe; xaküthami no avela tüngtüghaqo, tsütho mono külhüve chekeqo.

ZEFANIA 3:3 Referans Kwoze

HABAKUK 1:8

“Pano wu khurshiqoye angushu nguno akumthuu, muzuthi akeu tine nguno ayikusauke. Pano wu khurshi shou ikuno ala kushuwa lono ighi ani; pano khurshiqono ayeghi pighe. Aluquno achuyi yiluni kelo toi panonguno fufushi iqighi cheni.”

JEREMIYA 5:6

Tighenguno aghasa lono abongushu qono panoqo tsuve nani. Asayeqhalo tungtughano panoqo sutha piniyive nani, eno angushuno pano phughilo miqe auve nani. Timi hupaqono khalau ipeghiaye panonguye kishitha pinyive nani, kughengu panoqo xineye kumzapuke eno panonguno tamono Alhou launo tsughu chilewuveke.

EZEKEL 22:6

Israil lo sakiphemi kumtsuno pano likhi pano kuka kumto shou pukhubeke eno timi ghiqhi cheni.

JEREMIYA 22:17

Ikemu noye olikhi osala phukeu lo likhi amlo tsuke; kiumu pimimokemi nono pithive cheni eno owu timiqo heqhi buqhi qoda cheni. AMPEU no piveake.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

AHOLE 28:15

Kumlhomiye kixikilami ayehkipemi shou kiumu shimlano auve cheni, paye abongushu yikusano ighakeshi momu ava ghugha toi acheni.

ISAIAH 5:29

Ghushimiqoye abongushu toi igha eno tipauno lhoxu tsuqhiluve puzu khunomu tipau panoqo launo hachilemla kepushi pewuvekeu toike.

JEREMIYA 34:19

Ikemu panonguno puloshoqhi kubove eno tipaulo shi nikeu shi akeu pemoveke. Tighenguno panonguno amshitsu pesu kishi shikeno ino timi hipaqo shou shi nani.

EZEKEL 33:26

Nonguno nowu azutakihi pukhu cheni. Nongu kumlaye aphi kumqhupuke. Kumtsu ghano shupu salhake. Kiu lono ayeghiye nongu wu kepi kumsu kepushi ani kya?

JEREMIYA 23:11

AMPEU no piani, “Tungkupmi ngo achinemiqoye Alhou kumthamike panonguno Achinekilo alhoksa shiaghi kelono ino tsuquluvae.