ZEFANIA 3:2 - BAIBEL (BSI)

² Hiye AMPEU tsa ini tsumoe momu shikithe tsukeu ikhilutsumoe. Hiye AMPEU shou pukhukeu kuhae momu pa kukuphu mu khumoe.

Sumi Naga CL (Re-edited) Bible (BSI)

² Li ye khuu sütsa mu ini chemo; eno shikithekütsü ikhilu chemoe. Li ye Ampeu pükhübe chemo; eno Alhou kupunu ighi chemoe.

ZEFANIA 3:2 Referans Kwoze

JEREMIYA 22:21

Nono kinikulu shi acheke lono AMPEU no oputsake, ikemu nonguno initsumoveke. Tiye nongu kuxu kupujulo tipau mla acheni; nonguye khilemu AMPEU gholu chemoke.

JEREMIYA 5:3

Kuchouno AMPEU ye amikucho shikeu phuju cheni. Pano nongu kuzaqhi ikemu nonguye amloksa kuhae; Pano nongu chinedaqhi kemu nonguno shikithetsu keu ikhilu tsumoe. Nonguye kuthovilo kemiqoke eno nongu xine launo tsughusu wuvemoe.

JEREMIYA 32:33

Panonguno azupo ilau kughopuwo veke eno ino panoqo shika piye apulaghi panonguno initsumo eno ithulumoke.

JEREMIYA 2:30

Ino nongu ghimeqhiju kemu kiumu akivipu shimlake; nonguye ipelo nongu achipiulo shikithetsu pemoke. Abongushu loghu toi, nonguno nowu tungkupumi ghiqhiveke.

ISAIAH 43:22

AMPEU no pi; ‘Ikemu Israil, nonguye iju anga ghaiveke; nonguno imllamoveke.

ISAIAH 29:13

AMPEU no pike, “Timi hipaqono akichiloye ikupunu imlla cheni ikemu panongu tsaqoye akiqi kuhae eno panongu mloye khile anikela mthake. Panoqo chineyeh ye timino shikeu yeh eno pe kishe chekeu yeh panonguno mlokite shipusu akeu kethono kiumu kuhae.

AHOLE 5:12

eno noye ishi pinani, “Kushiye niye puzuuno shikaluvemo kela! Kushiye niye kutami pelo ishi kumzu pemo kela!

LESHELE 78:22

Kughengu panonguye pa shou akupulu kuhake eno panoqo xaluve nani kepi panonguye pulumoke.

LESHELE 73:28

Ikemu ighenguye Alhou punukhoi akeu huye shishe akumzapu ke, AMPEU Alhou pesu ino ijehkepu shiluveake, pano mlakeu kumtsu asheshu tsuni cheni.

LESHELE 50:17

Nonguno ipelo nongu shikithepiye pemoe; nonguno iyezah qo leveke.

LESHELE 10:4

Kixikilamino pagi kumobeyive puzu AMPEU phujumoe, pano kukumsulo Alhou sumomithe.

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

IBRIMI 10:22

ninguno amlo-pu puzu mutsuqheyi keu kupulu shino alhoksa-lotsuh launo ningu mlo shikimtheve eno azu kimthe pesu ningu phi-ashi qhuveno Alhou lau kupununi nolo.

EZEKEL 24:13

Jerusalem, okimthekumo kumlaqono oshipixivae. Ino pukaputsa othakimtheju akemu noye kitiqe pesu auvae. Noye iloghu kighide muqhamiqhiyi keu shimlano anani.

JEREMIYA 35:17

Ike, ni Aqokitikhi MPEU, Israil Lhou no itehiye nongu Juda ngo Jerusalem lo akemiqo shou kutsaleveni keu ino tushoqhi puakeu kumtsu sughini cheni. Ino hipau shinikeu shiani kughengu ino nongu putsa keulo nonguno itsa initsumoke, ino nongu kukelo nonguye ikhochilemoke.”

JEREMIYA 35:13

“Ni, AMPEU no nongu vilo iniju anike nonguye kushiye itsa inimopi eno ino akukutsu tsukeu papemo pikya?

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 1:5

Kushiepi nongu ghimeqhi anipe kya? Nonguye kushiye hebide auve cheni kya? Itaghi alaushi nongu ghimeqhi peniye kesha? Israilmio, nongu kutsuye azakuno nhaluvae eno nongu mlo phomoyivae.

AHOLE 1:7

AMPEU sukumsano akighithi hukuthuke. Mbomzumino alokutsu ngo akukutsu phimo gihumo cheni.

2 Tim. 3:16

Kughengu Kuchoyesu kumtsu Alhou no muzuphetsu keuke eno kuchou kutsupiyeni keu, akumou shiaghikelo alomipi nikeu, shipimikeulo shikithe nikeu eno achipishi xupenike akukutsu tsu nikeu, tipaqo kumtsulo peithakulupue,

JEREMIYA 13:25

Hipauno nongu saje shinikeu pano pike. Pano nongu pesu hi kithipu shinikeushi kughathavae kughengu nonguno pa kumsumove eno kichileu lhouqo shou pulubeke.

EZEKEL 22:24

“Thinikuau timio, Israilmi vilo pilo, ike panoqo yeghiye mithemoke ihehu ino iloghu kighide lono tipau ghimeqhi anike.

ISAIAH 9:12

Kipelauno Siriya eno kulolauno Filistiya no Israil tsuchuve nike panoqo baxa mukupe ani.Tishimu AMPEU loghu ye ashekha shi mphike; ghimeqhi nike pau chhopesu achephike.

ZEFANIA 1:6

Khunoqo no ilauno idewove eno ipapemoveni eno khunoqono ilau ighimoni momu panoqo sapiyelo pi inijumoni keno ino tipaqo kutsa leve nani.”