ZEFANIA 3:15 - BAIBEL (BSI)

¹⁵ AMPEU no nono aghimeshi akeu kishekhave tsuae; oghumi kumtsu pano ikhive tsuake. AMPEU, Israil lo Akukauye ogholo ani; itehiye musa akepu akiqi kuhake.

Sumi Naga CL (Re-edited) Bible (BSI)

¹⁵ Ampeu no o launo küghakütha pewuve tsüae; Pa no o ghümiqo haleve tsüae. Israel Kükau, Ampeu no o gholo anike no ye khilemu alhoksa msakithe moae.

ZEFANIA 3:15 Referans Kwoze

ISAIAH 51:22

AMPEU oLhou no osuhope ani eno piani, “Ino iloghu lono nongu tsukeu jukhu niye ikhiluve ani. Nongu pelo hevulalaive pekeu itaghi nonguye itsayiji shokithepemo nanike.

EZEKEL 39:29

Ino Israil lo akemiqo shou ighungu lepuku nani eno niye khilemu panoqo launo itaghi tsughusu wuvemo nanike. Ni, Akughushu MPEU no pivae.”

ZEFANIA 3:5

Ikemu AMPEU ye aphughilo aphike; paye kiuno achipi keno tipau shicheni eno achipi kumou khilemu shichemoe. Ina atsu-tsu pawu timiqo lau pano kuchou xakutha sughi cheni. Tishi keghi tilehi achipi kumomino akumou shi acheni eno kujochemoe.

AMUS 9:15

Ino ayeghi iwu timiqo tsukeulo panoqo shosu nani, eno panonguye itaghi nhuvemo nani.” AMPEU nongu Lhou no piqhivae.

John 1:49

“Kutsuchekeu, noye Alhou Nue! Nono Israilmi kukaue!” ipi Nathana-el no Jisu khochile.

ZEKHARIA 14:11

Timi qoye akupuna kuhaveno tilehi ngolu nani, shikupsa no panoqo shikichiqhimono ngoluve nani.

ZEKHARIA 12:3

Ikemu tipa tsalanilo ashiayehqo ghenguno ino Jerusalem pesu atuqu kimishi lakhi toi shitsu nani. Ashiayeh khuuno tipau peqheju niye pukaputsani keno pano likhi pano ghuzave nani. Ayeghiqhalo ashiayeh kumtsu kuqhano li lenike ighi nani.

ISAIAH 60:18

Ghiqhi heqhikeu sutsa chilu kithe move nani; Shikupsaye noyeghi kubole kithe mo nani. Ino aliwo lakhi toi nongu putu eno nongu susholu nani; Ino nongu xalukeu ghenguno nonguye isheqhe nani.”

ISAIAH 33:22

AMPEU ye nishou kughakuthau, paye niyehkipeu, paye nikukau; pano nixalu nani.

LESHELE 85:3

Panongu lau axuide chekeu tishimove eno aloghu kighide panongu launo suchileveke.

Piyeküsü 12:10

Tileno kungughalo asutsa kuloghi lakhi ishi pikeu ino chilu, “Itehiye Alhou wu xakulupu kuka eno pa kukaqha ighivae! Itehiye pawu Mesiya kuka kumto ighivae! Kughengu Alhou zulo puthugho puzu putho pucho nithikuzumi lhoksa pesu ngukuchekeu huye kungugha lono halephevae.

Piyeküsü 7:15

Tighenguno panonguye Alhou kuka lakhu zulo puthughono pa chinekilo putho pucho pa huthu anike. Akuka lakhulo iqa akeuno panongu susholu nani.

John 19:19

Pilat no piputokeu kaku lakhi yepesu kros shou qhi. Ishi yepe pua, “Nazaret no ghami Jisu, Judami shou Akukau.”

John 12:15

“O Zion phughi, msakevilo! Julo, okukau olau chenie, gadaha lakhi shou iqano chenie.”

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

ZEFANIA 3:17

AMPEU oLhou ye ogholo ani; pa kukano tokulu otsuke. AMPEU no oshou azukuvu shi nani, eno pa kikimiye lono pano akuxu kithe otsu nani. Pano ojupe alephe alokivi shive nani, timino tiqhetini tsalalo alovi akeshi nani.”

HABAKUK 2:17

Nonguno Libanon ghasu yeqhiveke; itehiye noyeqhive nani. Nonguno tipaulo lhoxu akeqo pithiveke; itehiye lhoxuno nongu shikumsa nani. Hipau shi nani kughengu nonguno timi ghiqhi puanike eno nonguno ayeghiqhalo akemiqo eno panoqo phughi shou a-ubeke.

MICAH 7:10

Tile nighumi qono tipau ithulu puzu kujove nani, ti nighumi, ni-cheqhi puzu nivilo, “No Lhou AMPEU ye khile ani kya?” ipi inijue. Panoqo shou toluvekeu eno panoqoye alaghilalo aniba toi neda qodakeu nino ithulu nani.

JOYIL 3:17

“Tishiaye, O Israil, niye nongu Lhou AMPEU kepi nonguno ithi nani. Niye ikimthe toghi Zion lo acheni. Jerusalem ye akimthe phughi lakhi shi nani; inaghamiye khilemu tipau itaghi lelumo nani.

EZEKEL 48:35

Aphughi puwupuakeu atupikiye ako bidi kujolo akushu lau khitohi keno pekuqhaju keulo tiye miter 9,000 ke. Hinguno hilau aphughi tipau jeye “AMPEU ye hile ani!”

ISAIAH 65:19

Ni ampi ghi Jerusalem eno tile akemiqo ghenguno alokivi shi nani. Tilehi qamlokeu kuha nani eno kuphulepi ighakeu sutsa kuha nani.

ISAIAH 54:14

Kuchou xakutha ngo achipiu pesu nongu mutotoi shitsu nani. Shikumsakeu, qodaqhikeu lono nongu xaluve nani.

ISAIAH 25:8

AMPEU Alhou no alhokupuju ghenguno akithi kutsavetsu nani! Pano timi kumtsu nhethi lono anhezu isuvetsu nani eno pawu timiqono ayeghiqha zulo kujo muzakepushi imeachekeu ikhipe wuvetsu nani. AMPEU ampino pi ani!

BOTHUBO 30:23

Lino mishiluveno anu lakhi punue. Tile lino pi, “Timi no ijukunatha keu Alhou no ikhipewuve tsuae.”

Piyeküsü 19:16

Pano chijebobo phi uchekeu eno pa pukhulo aje hipau yepukupe pua: “Kukami shou Akukau eno ampimi shou Ampeu.”

HABAKUK 2:8

Nonguno ashiayeh kutomo xulepuwuke ikemu tipaqo gholo puxupe puaghi keqono nongu xulepuwu nani, kughengu nonguno timi ghiqhileke eno nonguno ayeghiqhalo akemiqo eno panoqo phughi shou a-ubeke.

ISAIAH 35:10

Panonguno alokivishi Jerusalem tolu nani. Panonguye alhokupuju alokivishive nani, amlo ghime eno amlo ghuju lono alhokupujulo khaqhi pheve nani.

John 5:30

“Ika-agho loye niye kiumu shimla; Apuh no ivilo pikeulo likhino ino kughathatsu cheni, ikehu ino kughatha keuye achipi, kughengu niye ighoapulou kumono ipuwupuakeu gho apulou shiniyeke.

Piyeküsü 18:20

O kungugha! li kutsapiniyive keu ghenguno alovilo! Akimthemi eno apostolmi ngo tungkupumiqo alokivi shilo! Kughengu lino nongu lau kiu shikeno tipau ghenguno Alhou no li shou kughathabevae!

LESHELE 19:9

AMPEU sumsakeuye aloe; tiye alhokupujulo ache nani. AMPEU wu kughakuthaye achipi; tiye thwokhalo achipi ke.

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

EZEKEL 35:10

“Ni AMPEU no nongu Lhou keghi nonguno pikeuno Juda ngo Israil shiayeh kinikujo eno pano ghakhu kinikujo nowu kepi eno nonguno luvenie pike.

LESHELE 149:2

Amlokiqi shilo Israil, kughengu oLhokutsuu anike; Alovilo, Zion lo timiqo, kughengu nongu kukau anike!

ISAIAH 52:9

Jerusalem xalepinyipe akeqo, alokivi ghugha ighaphelo! AMPEU no pa phughi lekholu nani eno pawu timi lokughunotsu nanike.

JEREMIYA 8:19

Inijulo! Aghakhuqha kuchopulo iwu timiqono ishi igha akeu chilu ani, “AMPEU ye Zion lo ngo chemovea kesha? Zion kukauye tilehi kuhavea kesha?” AMPEU, panoqo kukauno khochile, “Kushiye nonguye asu-atu mllakeu lono eno nowu inaghami lhouqo lau itsaiqi mllakeu lono iloghu shikighideve kya?”

EZEKEL 36:15

Aghakhuye ashiayehqono tipau thaighakeu hinguno hilauye ini kepu shimo nani momu timiqono tipau phimo akeu ithulu kepu shimo nani. Aghakhuye ashiayeh tianuli luvekeu shimove nani. Ni, Akughushu MPEU no pivae.”