ZEFANIA 3:14 - BAIBEL (BSI)

¹⁴ Israil lo akemiqo, alokivi launo shipili ighalo! Jerusalem, omlo kuchopu pe alovilo!

Sumi Naga CL (Re-edited) Bible (BSI)

¹⁴ Igha ale phelo, O Zion limi; ighalo, O Israel! Alovilo eno o mlo kuchopu süno ilhe alovilo, O Jerusalem limi!

ZEFANIA 3:14 Referans Kwoze

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

MICAH 4:8

No, Jerusalem khilehi Alhou no bherikheu lakhi toi pawu timiqo jukhe acheni keno noye itaghi akukaqha, ti owu kehu tipau phughitou shive nani.

ISAIAH 54:1

Jerusalem, noye totimi anu hami lakhi toi acheke, ikemu itehi noye alokivi launo ighamuku alephelu nani. Noye totimi akimino khilemu phe mokeu nguno alaushi itehiye atianuli shilu nani!

ISAIAH 51:11

Nono khunoqo lekholuvea keno tipaqono alokivishi Jerusalem tolu nani, alokivi launo ighamuku alephesu tonani. Panonguye alhokupuju alokivishi nani, pulhapuju ghenguno amlo kusa eno amlo ghime lono kuqho pheve nani.

ISAIAH 40:9

O Jerusalem, naghuto kiqhelo ikulo eno lokivi sutsa pesu asheshulo! O Zion, asutsa kuloghi lono igha mukulo; atsakiviu pesu asheshulo! Piwolo eno musaichi kevilo. Juda lo taunqo vilo panongu Lhou chenike julo pilo!

ISAIAH 35:2

Asayeqhano alokivi launo ighamuku alephe nani; tiye Libanon naghuto toi jukivi shinani eno Karmel ngo Sharon luqa toi aghuma anani. Milakhi khino AMPEU jukuvu ngo pa kuka kije ithulu nani.

MATTHEW 21:9

Timi kumzapu Jisu zuu eno pa thiu chechekeqono ishi ighamuku, “David nu Sheqhelo! Ampeu je lono chekeu Alhou no pa kumghatsu pelo! Kungughalo Alhou sheqhelo!”

LESHELE 14:7

O Zion lono Israilmi lau xakulupu ighilupeke aye! Kughou AMPEU no akumgha pawu timiqo lau suchile sughi tsuni keno. Jakob no alovi nani, Israilmino amlokiqi shilu nani.

NEHEMIA 12:43

Tipa tsalani aghakishi kutomo pesu tsuke eno timi qono alokivino chhitoi ake kughengu Alhou no panongu loshipivi tsu ake. Totimi ngo atinuliqo ghi tipau pinye lo sukuqha no asutsa mubumughu ake hu putou ghi panoqo sutsa chiluke.

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

JEREMIYA 31:13

Tileno ilimiqono ilhe puzu alokivi shi nani, kiptimi lhothemi ngo mucho-mino alovi nani. Ino panoqo lokughunotsu nani eno panoqo mlo kughujuye alokivi shikitheve nani, pano mloksaye amlo kiqi shive nani.

JEREMIYA 30:19

Timi khunoqono tilehi xuacheni keno shekiqhe lephe nani; Panonguno alokivi launo igha asheshu nani. Ikukumgha vechewo panonguye timi lhoxu ikowoluve nani; ikukumghano agigihupu panoqo lau sughitsu nani.

LESHELE 97:8

Zion lo akemino alovi, eno Juda lo aphughi akeqono alokivishi kughengu owu kughakutha ghenguno, O AMPEU.

ISAIAH 37:22

AMPEU no pa kughape kishiveni cheni keno tipau tsa hipau piani: “Jerusalem phughino ojunu ani eno omithi ani, O Senakerib.

ISAIAH 40:1

Ningu Lhou no piani, “Iwu timiqo lokughuno tsulo! Panoqo lokughunotsulo!

LESHELE 149:2

Amlokiqi shilo Israil, kughengu oLhokutsuu anike; Alovilo, Zion lo timiqo, kughengu nongu kukau anike!

ISAIAH 29:19

Kumlhomi ngo aqhokighemiye AMPEU Israil Lhou akimtheuno tsukeu lokivi itaghi ghuthu lakhiye phulu nani.

ISAIAH 52:9

Jerusalem xalepinyipe akeqo, alokivi ghugha ighaphelo! AMPEU no pa phughi lekholu nani eno pawu timi lokughunotsu nanike.

JOYIL 2:23

“O Zion lo akemiqo, amlo kiqishilo, AMPEU nongu Lhou no nongu ghenguno kiu shivetsu akeno tipaulo alovilo. Pano ghile tsala tsutsughu achipiu pe nongu tsuke; Pano nongu lau susu tsutsughu ghuqhi tsuke eno puzuu toi ghixu tsutsughu tsuke.