ZEFANIA 2:15 - BAIBEL (BSI)

¹⁵ Aphughi khipauno pakuka kumtolo shishe qheza eno tipau shou kiumu shi mlakepi kumsu acheni keno tipau shou shi nani. Tipaulo akemiqono ayeghilo panoqo phughino akijeu kepi kumsu cheni. Kiutoi kughukughalei keu phughi lakhi shive nani kela! Tughashino ngokeu-a lakhi shiniake! Tipau vechewu kemi kumtsuno thughuyi kelauno tsughuchile ighi nani.

Sumi Naga CL (Re-edited) Bible (BSI)

¹⁵ Hi no alokivi eno sükusho akeu mishighüna, li mlo lono piche, “Ni thono kütami ye khumu kühae.” Li ye kiutoi küghüküghaleive akelae, tüghashi kungo-a shivae! Khunoqo no li hechesü wu keno atuthu kuloghi sheqhi eno au sükumqo luve ke.

ZEFANIA 2:15 Referans Kwoze

EZEKEL 28:2

“Thinikuau timio, Tur lo ayehkipeu vilo ni, Akughushu MPEU no pa vilo kiu pianikeno tipau pesu pilo: Aqhekuzashi tsutsungojuve puzu noye alhou lakhi kepi piwuveke. Nono pikeuno noye alhou lakhi toi azughino vehopesu akuka lakhulo iqa. Noye alhou lakhi kepi tipau kishishi shiaghiluvi, ikemu noye thinikuami kethono alhou kumoe.

NAHUM 3:19

Nono izapusu akeu shipivilu kepu kuhae eno oghuzakuye vimlavae. Okutsaleve keu sutsa chilukemi kumtsuno alokivi launo pano ukukhu ani. Nono ashekha kuha pughuqhi chekeu lono khualano polu kesha?

ISAIAH 22:2

Aphughi kumtsu muqhumza keuno chhitoi ani. Nowu timi hipau ghushi lono thikeqoye aghushi akelono thike kumoe.

EZEKEL 28:9

Kughou panonguno oghiqhiveniye ighi kelo noye tikutolo alhou lakhi kepi nani keniake? Oghiqhikemi sasu kusholu kelo noye akithi shive nani eno alhou ipikeu tsa kuhave nani.

AKUMLO 2:15

Aphughi vechewu chekemino thaigha ghi nongu shou jupukuke. Jerusalem ixapinyi akeulo panongu kutsu kungu eno junuqhi - “Jukighilepu phughi huye hikesha?” “Hiye ayeghiqhano akijivilo chekeu kesha?”

AKUMLO 1:1

Ghuthu lakhiye timi chhitoi achekeu phughi Jerusalem ye kughukughaleivae! Ghuthu lakhiye ayeghiqhano gihu cheke, itehi liye chimemi toivae; Aphughiqo gholo akiqheu huye aquaxelo ikiqi ilovae.

JEREMIYA 19:8

Ino aphughi hipau shou kutsapiniyi keu akuighupushi sughi nani kehu tipau vechewu chekemi kumtsuno juighu kelauno kutuxoxo akichiqhive nani.

MATTHEW 27:39

Tipau vechesu wuchekemino panongu kutsu kungughi Jisu thaighakeu tsa ishipi:

EZEKEL 29:3

Ishi pilo ike Akughushu MPEU no Ijip lo akukau vilo kiu piani keno tiye hike: No akha ngushu aghokilo zuakeu, niye oghumike. Nono pikeuno Nayil ghokiye owu eno nono tipau shipuani pike.

EZEKEL 27:36

Noye chevae, alhokupuju chevae eno ayeghiqha kumtsulo alhokupuju chevae eno ayeghiqha kumtsulo alhikishimiqoye musa thughuivae eno panonguye oshou kishive keno tipau sholunikeu musa auvae.”

AKUMLO 2:1

AMPEU no pa mlokighide launo akuzu pesu Zion nhave. Israil qhivutsuniyi akeu pano kunguuno aqhou kutolo hexapinyive. Pa mlokighide tsalalo pa Achine ki ghi pano qhive.

ISAIAH 32:9

Nongu, totimi khunoqono ililaike kuxu xucheni eno kiumu amlo kusa kuhano acheni keno ino kiu piani keno inijulo.

JOB 27:23

Tino pa shou au boboshi kukhu nani, eno tino tipa-a shou jiji shi nani.

JOB 16:4

Tsala ningu a-a kililuke aye, nighi nongu toi thwokha pilunike; Ino atsa kime-kime pesu nongu shou piqanike, eno nongu jupe ikutsu kunguni ke.

ISAIAH 32:11

Nonguye akuxu ililai eno amloksa kiumu kuhano achenike; ikemu itehiye musa khokho shi alo! Nongu phimini xalevelo eno aphinhe pesu nongu po khapulo.

ISAIAH 32:14

Kukamiki ghi qhive nani eno aphughi ghi qhoi pheve nani. Aki ngo aliwo khipaqono panoqo khe pesu ache keno alhokupujulo ixapinyive nani. Tughalo gadahano tilehi iqho iqi nani eno bheriqono tilehi achumuza kepu ithulu nani.

JEREMIYA 18:16

Panonguno hipau yeghi pesu jukichi kepu eno pulhapujulo jukimthipu shive tsuake. Tipau veche wuchekemi kumtsuno jukichipe kutuxoxoke. Panonguno akumzaqhiyi kelauno akutsu kunguke.

ISAIAH 47:10

“Olhoksalo noye olikhi opesu achipiu shiache; khuumu ojuthulumo nani kepi nono kumsucheke. Okighithi ngo olokutsuno osabideveke, eno nono olikhi ovilo pike, ‘Ino Alhou ke milakhimu itoikeu kuhake.’

JEREMIYA 50:13

Imlo kighide ghenguno milakhimu Babilon lo ngomove nani; hiye ixapinyi qhive nani eno tipau vechewu chekemi kumtsuno thughui eno akumzaqhiyive nani.

DANIEL 4:27

Tishiaye, akiqheu, ino okutsu keu tsa inilo eno axine shikithe akevino kiuno achipi keno tipau shilo eno kumlhomi kimiyelo, tishi keuno okuxu akivipu shilu nani.”

HABAKUK 1:7

Panonguye akumsa eno ichivekeu pekulha cheni eno pano qhekuza launo panono kiu yezah penishi keno pano gho shive nani.