ZEFANIA 1:16 - BAIBEL (BSI)

¹⁶ Aghushilo ighakeu fuko sutsano chhitoikeu eno aliwo qogheqo shipuakeu ngo qhemghaikeu ghukhu-a shipua keu phughi leakelo aghushimino aghule kukeu tsalake.

Sumi Naga CL (Re-edited) Bible (BSI)

¹⁶ aliwo kumto eno qhemghaike qoghe akeu mishighünaqo shou afuko igha eno aghüle kukeu tsalae.

ZEFANIA 1:16 Referans Kwoze

AMUS 3:6

Aphughi lakhilo afuko kuyighakeulo timiqoye musa ichimoveni kesha? AMPEU no puwumo keloye aphughilo shikupsa ighini kesha?

HOSIYA 8:1

AMPEU no pi, “Kutughukeu sutsa shilo! Aghumino aluqu toi iyeghilo tsuiqighi ani! Iwu timiqoye ino panoqo sasu puloshoqhi shikeu kuboleve eno ino kutsupiye keu shou kumjo anie.

ISAIAH 32:14

Kukamiki ghi qhive nani eno aphughi ghi qhoi pheve nani. Aki ngo aliwo khipaqono panoqo khe pesu ache keno alhokupujulo ixapinyive nani. Tughalo gadahano tilehi iqho iqi nani eno bheriqono tilehi achumuza kepu ithulu nani.

HABAKUK 3:6

Kughou pano ngoveni keno ayeghino sukinike; pano jupuwo kelo ashi ayehqono khokhoshive. Alhokupuju achekeu naghutoqono ipopinyive; alhokupuju achekeu toghiqono ipa-ilove, kha-ghi pano khilehi chewuchekeno tipa toghiqoke.

HOSIYA 5:8

Gibea lo afuko kuyighalo! Rama lo kutughukeu sutsa shilo! Bethel lo aghule kulo! Aghulo wulo, Benjamin lo timiqo!

JEREMIYA 8:16

Ni ghumiye Dan phughilo iloghivae; panoqo wu khurshi no khur khur shi igha keu ninguno chilu ani. Kughou panoqo-u khurshi ighi keno aluzaqha kumtsuno itha ani. Nighumino niyeghi eno tile aghikeu kumtsu eno niphughi ngo tile timi akeqo kumtsu kutsave nike ighi ani.”

JEREMIYA 6:1

Benjamin lo akemiqo, xulukepu shi polulo! Jerusalem launo polulo! Tekoa lo afuko kuyighalo eno Bet Hakherem lo amichipushi ami shilo. Kutsakungokeu eno hepho pinyikeuye ahuuno ighiniye kuto ani.

ISAIAH 59:10

ninguno anhethi kighichemi toi kukajupuha cheni. Putholo toi puchou ghi ninguno kupuxaluke, ninguye kithighalo zumoikeulo akeshiveke.

ZAKINIU 28:52

Panonguno AMPEU Alhou no nongu tsuakeu yeghilo taun akeqo kumtsu leighi nani eno nonguno pukhupe akeu aliwo qhemghai putu puakeqo kumtsu ikiqive nani.

ISAIAH 27:13

Tipa tsalalo, Asiriya lo ngo Ijip lo Israilmi khije halepuwu puakhani keno tipaqo kuchilekeu shi ghi afuko lakhi kuyigha nani. Panonguno ighino Jerusalem lo, pa kimthe toghilo AMPEU mlla nani.

JOYIL 2:1

Alhou kimthe toghi Zion lo afuko kuyighalo, kutughukeu sutsa shilo. Juda lo akemiqo, msa khokhoshilo! AMPEU tsalaye itheno chenike.

JOSHUA 6:20

Achinemi qono afuko igha. Timi qono ti chilu kemtsa iqha ighu eno aliwo ye ilaqi ve. Tishino ghushimino vejoi ala chesu ato phughilo ighino tipau khasuno leluve.

EZEKEL 7:7

Nongu ayeghilo akemi ghengu ashekhaye cheake. Naghutolo achine-alo ahukulu ghugha shimove nikeu aghulokiye kupunuvae, muqhu-mzai keu likhi shiniake.