ZEFANIA 1:12 - BAIBEL (BSI)

¹² “Tipa ghulokilo ino akuluqhe lakhi pepuzu Jerusalem lheju nani. Khunoqono pano likhi pano ghapiqi eno pano pukhupe acheni, khunoqono pano likhi pano vilo, ‘AMPEU ye akivimu alhoksa mu shimo nanike’ ipi picheni keno, ino timi tipaqo ghimeqhi nani.

Sumi Naga CL (Re-edited) Bible (BSI)

¹² Tipa ghuloki lo I no akulu pesü Jerusalem phuju nani, eno khunono akuchhoma shini, eno amlo lono, ‘Ampeu ye akivi mu alhoksa mu shimo nani’ ipini keno I no panoqo ghime nani,

ZEFANIA 1:12 Referans Kwoze

AMUS 6:1

Khunoqono Zion lo akuchhoma shi xuakhani eno Samaria tokujolo ililayi akhani keno tipaqo ghenguno ahasapuke, nongu, Israil shiayeh kije hipaulo kijemiqo; timiqono nongu kukuphu phuighi chekemiqo!

JEREMIYA 48:11

AMPEU no pike, “Muab ye pulhapujulo kupuna mono xuacheni eno khilemu hapupovekeu shimphike. Muab ye atsayiji toi bukuqumono qhiveke eno abohu lakhi lono lakhiulo lekiqevekeu shimoke. Tipau xo ye khilemu shipusa mphike eno tipauye alhokuthulo michekivi shi achenike.

EZEKEL 8:12

Alhou no ivilo ishi iniju, “Thinikuau timio, Israilmi sakiphemino kusuuno kiu shiani keno noye ithulu anima? Panongu kumtsu achebo lakhilo ajulho chhitoi akeulo mlla anike. Panoqono jekukivi shiakeuye: ‘AMPEU ye ningu ithulu amoe! Paye aghakhu qhive ake.’ ”

EZEKEL 9:9

Alhou no ishi khochile, “Israil ngo Juda lo akemiqoye axine kuthoshi kuquvae. Panonguno aghakhu kumtsulo timi ghiqhi puakhani eno ghiqhi heqhi keuno Jerusalem chhitoivae. Panonguno pikeuno ni, AMPEU no pano ghakhu qhive eno niye panoqo jumovae pike.

LESHELE 94:7

Panonguno pi, “AMPEU ye ni ithuluamoe; Israilmi Lhou ye ithini chemoe.”

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

2 Peter 3:4

eno ishi pinani, “Paye ighi nani kepi pichekeu hu khilave akya? Nipuasu qoye thikhavae, ikemu ayeghiqha lhophe kelono thwokha kiutoi aghi keno itehi kutolo titoi aphike!”

Obadiah 1:6

Esao laghamiqo, nokini pekutsu pua keu xulepuwuvae.

JEREMIYA 10:5

Asu atu julho tipaqoye akukalilo aluthu toike tipaqoye atsa pichemoe; tipaqoye ala chemlake ghenguno xapu nani. Tipaqo jumsa kevilo: tipaqoye kiumu nongu shipsa mlae, tipaqoye kiumu nongu kivipu shimlake.”

ISAIAH 5:19

Nonguno ishi pike, “AMPEU pelo pano kiu shiniepi pikeno tipau mtazu shipelo, tishianguno ninguno tipau junike. Israilmi Lhou akimtheu pelo pano pughu akeu pepimhe pelo; paye kiu kumsupu ani keno ninguno junike!”

LESHELE 14:1

Kughuzumino pa mlolo ishi picheni, “Alhou kuhae.” Panongu kumtsu shikupusake eno kuchhube kepu kumla shi ani; milakhimu achipiu shikemi khumu kuhae.

JOB 21:15

Tuchomujo kutsuu ye khuu keno ninguye pa qe ania? Eno pa vilo inikhu anguno kiu heshelu kepu ania?

EZEKEL 9:4

“Jerusalem phughi kumtsulo wuno aphughi tipaulo kuchhube kutsula jeli shiakeulo timi khunoqono amlo kughuta shi ani eno amlo kupuna ani keno timi tipaqo kishelo amichipu shipukuvelo.”

MALAKI 2:17

Nongu tsa kuzano AMPEU ye angaghaive apeke. Ikeghi nonguno ishi inijuke, “Ninguye kishi puzu pa ngaghaivepe kya?” Ishi pikeu lonoke: “Aqokitikhi MPEU ye alhoksa kumlami kumtsu akivi kepi kumsu cheni; kuchouno paye panoqo lau alokivishi acheni.” Momu ishi pikeu lonoke: “Alhou amikuchou kepi chekeu huye khile ani kya?”

LESHELE 10:4

Kixikilamino pagi kumobeyive puzu AMPEU phujumoe, pano kukumsulo Alhou sumomithe.