ZAKINIU 9:7 - BAIBEL (BSI)

⁷ “Asayeqhalo nongu no kishi AMPEU nongu lhou loghu kighidevetsu keno tipau khilemu kumsuma kevilo. Nonguno Ijip qhiveke tsala lono nonguno hila ighike tsala kutolo nonguno pa hebide achenike.

Sumi Naga CL (Re-edited) Bible (BSI)

⁷ Asayeqha lo nongu no kishi Ampeu nongu Lhou loghu xukutho keno kümsülu lo. Egypt qhiveke tsalani no a-a hipau lo ighi moke kutolo, nongu ye Ampeu hebide ighivae.

ZAKINIU 9:7 Referans Kwoze

AKIKIHI 21:5

no Alhou ngo Muse pama shou atsa kumo piuve. Panonguno ishi muchho, “Noye kushiye Ijip lono ningu saipeghi puzu asayeqha hipaulo achuqupu momu azu ghi kuhakeu alono thivepe niye ani kya? Ninguye achuqupu lhoksa hipau chughi ngopushu mlae!”

IPEKULU 16:2

Asayeqha tilehi panongu kumtsu no Muse ngo Aron pama vilo muchhou khave

IPEKULU 14:11

Panonguno Muse vilo pi, “Ijip lo akumoki kuhave kesheno noye hilau asayeqha lono ningu sawo pithi niye shi kya? Nono Ijip lono ningu saipeghikeu lono kiu shive ani keno julo!

AKIKIHI 25:2

Khilehi Muab lo lhou mllache keno tilehi lhoxu heqhi kuchukusho shikeu alo totimi hipaqono Israilmi kusuuve. Israilmino achuqupu tipaqo chu eno Peor lo Baal

AKIKIHI 11:4

Israilmi gholo inami ghi izu che. Panonguye ashi mine kutu keu ae eno Israilmi dolo ghi muchho keu ae eno ishi pi: “Ninguye ashi hami likhimu ithuluke ayela!

Ephesiami 2:11

Tighenguno nongu aji lono Judakumomi shiaghikeqo, aphimpilo achineyeh michi shipuake ghenguno, Judami aphighuyiko ghathakemino nongu pesu “aphighuyiko ghamokemi” ipi kuchekeqo, nonguye puzuuye kiutoi achekeno kumsululo.

1 Kor. 15:9

Kughengu niye apostolmi gholo anipau ke eno apostolmi kepi ku kuzupu ghi kumoe, kughengu niye Alhou kukuhou shikighime cheke.

EZEKEL 36:31

Nonguno nokumla lhoksa ngo achipikumo mlapuakeu kumsu chilelu nani eno noxineqo eno kuchhube kumla shipuakeulo nolikhi nojupe aphimuqhuve nani.

EZEKEL 20:43

Tithiuno nonguno kujomza kepu jeli khije shichekeno eno kishi nolikhi nokitiqeve chekeno nonguno kumsu chilelu nani. Nonguno alhoksa jeli kumtsu shikeu ghenguno nolikhi nongu jupesu niqhunilai keu shive nani.

ZAKINIU 31:27

Panonguye kiutoi kuthovi eno hekibidemi keno ino ithi anike. Panonguno ino xuakelo AMPEU hebide cheke eno ino thive kethiuye tinguno alaushi hebide nanike.

ZAKINIU 8:2

Wovekeu mpe hi lhobidi kutolo AMPEU nongu Lhou no nongu sasu asayeqha vechewo ado kushuwa itsuchekeu kumsululo, tishi chekelo nongu pejunike shiluksa puwu cheke tishianguno nonguno kiu shiniye kumsupu ani keno pano ithinike eno nonguye pano ahza tsukeu papelu nani kemo keno ithiniyeke.

IPEKULU 17:2

Panonguno Muse shou muchhouve puzu pi, “Yekepushi azu nitsulo.” Muse no khochile pi, “Nonguye kushiye muchho ani kya? Kushiye AMPEU ghukeju ani kya?”

IPEKULU 14:10

Akukau ngo pawu ghushi miqono Israilmi kudau kuhapo chekeu ithulukelo timiqoye msakhokho shive eno AMPEU vilo kuphu lopi ighamuku ighae.

IPEKULU 23:21

Pa jukutolo eno pa gho lulo. Pa shou hebide kevilo kughengu ino pa puwu anike eno paye hebidekeu kipimi qhitsumo nani.

AKIKIHI 14:22

timi hipaqo lakhimu ayeghi hupaulo ilokulupushi xu alumo nani. Panonguye ino sa akeu saghu saghui keu kuvu ithuluvae eno Ijip lo ngo asayeqhalo ino akichiqhipu kumla shikeu ithuluvae ikemu panonguno anguno anguno iwu kutuukulu ghukejuke eno ihebide auveke.

AKIKIHI 17:10

AMPEU no Muse vilo pi, “Aron wu akusu ikhichile suwo Puloshoqhi Bohu zulo qhilo. Tiye hekibidemi Israilmi lau shikimchi keu lakhi shi qhipuatsulo, tishi anguno panonguno muchho chekeu tavemoaye panongu ye thive nani.”

ZAKINIU 9:4

“AMPEU nongu Lhou no nongu ghenguno panoqo halepheve kethiu, no likhi no vilo ayeghi hipau amheghipu shilu penike pano nongu sailoghi keuye nonguno ithulu kuzupu shi aghi kehu kepi pikevilo. Moe, AMPEU no nongu ghenguno timi hipaqo halepheveniye akeuye panonguno lhoksa kughami ke hue.

ZAKINIU 9:24

Ino nongu ithi kelono itehi kutolo nonguye AMPEU hebide achenike.

ISAIAH 48:8

Ino ithianike noye pukhube kumlami ke, alhokuthulo noye hekibidemi kepi ithi achekemike. Ikehu noye hipau khilemu chilu chemoke, kha-ghinomu hipatsa okinilo ighimphike.”

JEREMIYA 11:10

Panonguye pano puasu xinelo idewove ani, tipaqoye ino pikeu shini ke miliveke; panonguye kutau lhouqo mllauveke. Israil ngo Juda kuma kinikujo ino pano puasu sasu puloshoqhi shikeu kubovae.

JEREMIYA 32:30

Inahu abothu xughili lonomu Israil lo timiqo ngo Juda lo timiqono kiu mulaqhi keno tipauno imlo shikighide acheni iloshipusu achenike.

EZEKEL 20:8

Ikemu panonguno ihebideke eno itsa initsumoe. Panonguye panowu kuchhube kutsula su-atu julho peivemoe momu Ijipmi lhouqo phevemoke. Ijip lono panoqo pelo iloghu kighide kumgha pupeniye kutoveke.

JEREMIYA 44:9

Nopuasuqono eno Juda lo kukami eno panoqo nipu eno nongu eno nongu nipuqono Jerusalem laghilalo eno Juda lo taun akeqolo kixikila lhoksa kumla kumtsu shikeu nonguye kumsumave akesha?

EZEKEL 20:13

Ikemu timi kughuna moke-alo ghi panonguno ihebideke. Panonguno iyezah kuboleve eno ino ahza tsukeu khunono tipaqo pelu nikeno akuxupu sughi chekeu panonguno milive. Panonguno Sabat pinye shipixi khavetsu. Timi kughuna moke-alo ino panoqo pelo iloghu kighide kumgha pupeniye kutove eno panoqo kutsaveni keu shive.