ZAKINIU 7:7 - BAIBEL (BSI)

⁷ “AMPEU no nongu kimiye eno nongu kishelu keuye nonguno kutami nguno kutomo keghenguno kumoe; nonguye ayeghilo ashiayeh aghulou ke.

Sumi Naga CL (Re-edited) Bible (BSI)

⁷ Nongu no kütami nguno kutomo kehu Ampeu no nongu kimiye eno kishelu ke kumoe, kughengu nongu ye ashiayeqo kümtsü dolo aghuloue.

ZAKINIU 7:7 Referans Kwoze

ZAKINIU 10:22

Nopuasuno Ijip lo iqi kelo pano lhotsuni likhi ke ikemu itehiye AMPEU nongu Lhou no nongu pesu atsutsulo ayepu jejehi shivetsu ake.”

Rommi 11:6

Alhou no kishelukeu huye pano qhuivulayikeu shou anike thono panonguno shilukeu shou bepeamoe. Kughengu Alhou no kishelukeu hu timino shilukeu shou bepe ani aye Alhou wu qhuivulayi keuye kuchou shi qhuivulayikeu kumovae.

1 John 4:10

Kikimiye ye hipauke: ninguno Alhou kimiyeke kumoe ikemu pa no ningu kimiyeke eno pa Nu puwu puzu ningu xine pevetsu nike ghenguno aghakishiu shivepeke.

Rommi 9:21

Alikishiuye pa gho pulou shi-ghi aghani peitha cheni eno ayeghi muqo lakhi kughapesu ali kini mlapheno ali lakhino jukivi aghilepushi mlaphe eno lakhiye inapugha peitha kepushi mlaphe ishi cheni.

LESHELE 115:1

Olau likhi, O AMPEU, nilau kumono olau likhino akimthe jekipi tsumasae tiye owu iqemokeu kikimiye eno amikucho ghengunoke.

Rommi 9:18

Ikehu pano khunoqo qhuivulayi keno tipaqo qhuivulayi cheni, eno pano pulokeu hutoi khami mulo shikumkavetsu cheni.

Luke 12:32

“Nongu amsa loji! Musakevilo Ayehkipeqha pesu nongu tsu nikeu nongu paPuh mlo kiqie.

MATTHEW 7:14

Ikemu aliwo kibikhoyikeu eno ala sholokutu keuno akuxupulo sawu cheni eno timi aghulono tipala phulu cheni.

ISAIAH 51:2

Nongu pasu Abraham kumsujulo eno nongu iko ighikeu Sara kumsujulo. Kughou ino Abraham kulukeno tilehi paye atianuli kuhake, ikemu ino atianuliqo pa kumghatsu; Ino pa polo kughukomi pelo kihi khamla kepu shitsuke.

1 John 3:1

Apuno kishi shishe ningu kimiyeve akeno julo. Pa kikimiye ighono kije ke ninguye Alhou nuliqo kepi kuluvae, eno kuchouno ninguye tike. Highenguno ayeghilomino ningu mtha eno Alhou mtha ishike.

ZAKINIU 1:10

AMPEU nongu Lhou no nongu pelo atsutsulo ayepuqo jejehi kutomo shivetsu ae.

ZAKINIU 4:37

Pano nongu puasuqo kimiyeke ghenguno nongu kisheluke eno pa kuka kije pesu pa ampino Ijip lono nongu saipeghike.

YEKIKITHI ATUGHIU 16:19

Alhou wu timiqoye akikihi aghulo likhi, panonguye Kanan yeghilo inamiqoe.

LESHELE 44:3

Owu timiqoye pano ghunanu pesu ayeghi hu leluke kumoe; momu pano kumto pesu toluke kumoe; ikemu okuka, okumto eno nono panoqo gholo akeu lonoke; tiye panoqo lau nono okikimiye piyekehue.

LESHELE 105:12

Alhou wu timiqoye timi aghulo likhi, Kanan yeghilo inamike,

ISAIAH 63:9

Hiye kungumi lakhinoke kumoe ikemu AMPEU ampino panoqo xaluke. Pa kikimiye, amlo ighiqhiyikeu lono panoqo xapheluke. Paye wovekeu tsalalo pulhapuju panoqo tuchohijuche,

EZEKEL 36:22

“Tighenguno, ni Akughushu MPEU no Israilmi ghenguno atsape kiu ani keno tipau pesu panoqo tsulo: Ino kiu shini cheni keno tiye nongu Israilmi je ghenguno kumoe ikemu ije kimthepu ghenguno shinike, nonguno wupuakeu ghakhu kumtsulo aje tipau pipusaveke.

ZAKINIU 14:2

Nonguye AMPEU nongu Lhou wu timiqoke; ayeghilo timi xuakemi gholono pawu timi shipenike pano nongu kisheluke.

LESHELE 105:6

O Abraham laghami, pa qemiqo Jakob nuliqo, pano kisheluve kemiqo!

EZEKEL 20:5

Ino kiu piani keno tipau panoqo vilo pilo. Kughou ino Israil kishelu keno ino panoqo lau tushokiqhi lakhi shike. Ijip lo akelo ino panoqo lau ni ampino pephepiye eno panoqo vilo pike: Niye nongu Lhou AMPEU ke.