ZAKINIU 7:25 - BAIBEL (BSI)

²⁵ Panoqo su-atu julho pitivetsulo. Panoqo shuna momu tsandi pepu aghikeu jumine kevilo eno nosala tipau lukevilo. Nonguno tishi aye tipauno nongu meluve nani kughengu AMPEU ye ajulho mllakeu mithi chenike.

Sumi Naga CL (Re-edited) Bible (BSI)

²⁵ Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.

ZAKINIU 7:25 Referans Kwoze

IPEKULU 32:20

Pano amshitsu khipau panoqono shipe puakeno tipau ikhi pesu ayizu kumlave, mukhumunoshi kughulhovetsu eno azu lono tipau xukutshuveno Israilmi pelo tipau zu shopeke.

YEKIKITHI ATUGHIU 14:12

Kughou Filistiyami no kohavekeno panonguye achine julho qoghi qhikhave, eno David no tipaqo piti khave lopi ahza tsuve.

ZAKINIU 17:1

“Amshi ngo bheri tukutiye akeu pesu AMPEU nongu Lhou lau aghashi heqhitsu kevilo; paye tishikeu mithi chenike.”

JOSHUA 7:21

Ningu no khathaluve keqo dolo Babilon lo phi aloke lakhi, tsandiyi kilogram kini eno shunamqo kilogram tuxanguno akimshiu ishi ithuluno tipaqo lunishiveno ikhiluveke. Tipaqo ipusho alou chhuqho puani eno tsandiyino aqhoshi qhopuanie.

ZAKINIU 12:3

Pano wu akiptiaqo tulepiniyivelo eno chini chekeu tsukucho tu kubopinyive tsulo. Panongu lhou liu Ashera julho shikeu pitilevetsu eno panoqo suatu julho michevetsulo, tishianguno tipaqo alo itaghi tipanoqo mlla kithe pemo nike.

ISAIAH 30:22

Nongu tsandiyino ajulho shikeu ngo shunayi pesu ajulho kuzukeu ikhipesu tubatuzu toi ishi pi-ghi vepuwu peve nani, “Chevelo!”

JOSHUA 7:1

Israilmi lau AMPEU zah kutsu shikeuno Jerikho shipsa vekeu nguno alauye kumu lumoni pikeuhu agho lumove. Timi lakhi Akhan ipikeu no tipau zah lumove, tighenguno AMPEU no Israilmi shou aloghu pukuve. (Akhan ye Karmi nu eno pasuye Zabdi eno Juda shiyeh lo Zera lagha lono ighikemi.)

ZAKINIU 23:18

Tike kumono, hitoi shipuzu pisa qelukeuye shoqhi bekutha shikupukeu lakhi shinike AMPEU nongu Lhou kilo suloghi pekevilo. AMPEU no achinekilo kusalhami jumithi achenike.

ZAKINIU 7:5

Ike tighenguno panoqo kumlla kiptia xalevetsulo, panono chinichekeu tuqu khetsukucho kubolevetsulo, panoqo lhou-liu Ashera julho ghekuchove tsulo.

Piyeküsü 17:5

Li kishelo tuqhou kiqi lono aje lakhi yepe pua: “Babilon akijeu, salhashupumi eno ayeghilo aphikumqhupumi kumtsu paza.”

ZEFANIA 1:3

timi lhoxu kumtsu, ashi aghauqo eno akhaqo kutsaleveni. Ino kusakughami xale qhiveni. Ino timi jeli kumtsu kutsaleveni eno timi lakhimu ghupe qhimo nani. Ni AMPEU no piqhi ani.”

ZAKINIU 7:16

AMPEU nongu Lhou no ashiayeh khijehi nokuka qholo qhitsuni keno kumtsu kutsavelo eno panoqo kimiyeqhiyi keu shikevilo; momu panoqo lhouqo mlla kevilo kughengu tipauno nongu meluve nanike.

IPEKULU 8:26

Ikemu Muse no khochile pi, “Tiye achipi kumoe, kughengu ninguno AMPEU niLhou lau lhoxu heqhi mlla keuno Ijipmiqo mlo shipusave tsu nanike. Khilehino Ijipmiqono ningu ithulukeu a lono ninguno lhoxuqo heqhipe mlla anapiaye panonguno atu pesu niveqhive nanike.

IPEKULU 20:17

“Noye kutami ki-alu jumine kevilo; momu kutami nipu, paqemi, patsu-aqu, pawu gadaha momu pawu kiu kiu aghi pinamu jumine kevilo.”

ZAKINIU 13:16

Tilehi xuakemiqo nhemgha kumtsu pesu akumllagho lakhi AMPEU nongu Lhou mllalo. Tipau taunye alhokupujulo xalepe qhive masake eno khilemu itaghi shikithepuku kevilo.

KUKAMI AKINIU 23:14

Akukau Josia no atu tsukuchoqolo Ashera julho shisu puakeu eno khilehi timi saghino nhano qhopepuakeno tipau shou atu tsukucho susu puakeu kumtsu tulapiniyive eno kubo piniyivetsu.

ACHINE 13:52

Achineuno tipau pitivelo tiye phawokeu kughumho ke amino pitive masake.

ACHINE 19:4

“Iqhive puzu ajulho mlla kevilo; ayi pesu alhou julho shipuzu tipaqo mllakevilo. Niye nongu Lhou AMPEU ke.

ZAKINIU 27:15

“‘Timi khuuno asu atu momu ayi pesu ajulho shisuno tipau mllani keno Alhou no musuini keu pa shou ani; AMPEU ye ajulho mllakeu mithi chenike.’ Eno timi kumtsuno khochileni, ‘Amen!’

ISAIAH 41:24

Nonguye kiumu kumoe eno nongu kumlaye kiumu kuhae; khunono nongu mlla cheni keno aphikumqhupuke!