ZAKINIU 6:7 - BAIBEL (BSI)

⁷ Hipaqo pesu notianuli shikapiyelo. Nonguno akilo akelo, nonguno khalau chekelo, nonguno akulho qhi akelo nonguno akumla shi akelo hipaqo pikide kithe alo.

Sumi Naga CL (Re-edited) Bible (BSI)

⁷ Hipaqo pesü amlo tsüqhiyi no tianuli shikalo, nongu no aki lo akelo, khalau chekelo, akulhoqhi eno mlaitha kelo hipaqo pesü pialo.

ZAKINIU 6:7 Referans Kwoze

ZAKINIU 11:19

Tipaqo pesu nongu tianuliqo shikalo. Nonguno akilo ngo akelo eno khalau chekelo, akulho qhi akelo eno akumla shi akelo tipaqo ghili kuptsa alo,

Ephesiami 6:4

Apu-azanoqo, nongu tianuli mlo shikighide tsukevilo, ikemu Khristomino qophechekeu eno kutsuchekeu ghola lono panongu saputhulo.

1 Peter 3:15

Ikemu nongu mlolo Khristo sukumsa qhilo eno paye Ampeu kepi gihulo. Nongu lolo lajupu akeu lhepiyelopi khualano nongu vilo iniju aye tipau khochile kepushi pulhapuju kutokupuyi pesu alo, tishimu akumtsha lono eno Alhou sumsakeu nongu mlolo xapughi tishilo.

ZAKINIU 6:2

Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

Ephesiami 4:29

Shipusakile kepu tsa nongu kichi lono piphe kevilo, ikemu pikuzupu eno xaqhekulupu akivi likhi pilo, tishianguno otsa iniakemi pelo kumghakeu ithulupenike.

BOTHUBO 18:19

Kughengu ino pa ithi ani, ike pano pa nuliqo eno pa lagha ahza tsu keu shilu nani, panonguno AMPEU laghi pelu nani eno amikucho ngo achipiu lono kughatha keu shi nani. Tishianguno AMPEU no pa ghenguno piqhipuakeu Abraham shou pano shikuputsu nani.”

AHOLE 6:22

Panoqono kutsupiyekeuno aghuzulalo osache nani, putholo osusho nani eno puchou okutsupiye nani.

Luke 6:45

Akivimiye pa mlolo akivi pekutsu puakeu lono akivi ikhiphe cheni; eno timi lhoksami ye pa mlolo alhoksa pekutsu puakeu lono alhoksa ikhiphe cheni. Kughengu timino amlolo nibonilei akeu akichi lono piphe acheni.

MATTHEW 12:35

Timi kivimino pawu akivi pekutsupuakeu alono akivi ikhiphe cheni, eno timi lhoksamino pawu alhoksa pekutsu puakeu-a lono alhoksa ikhiphe chenie.

Kolosiami 4:6

Nongu tsapilo pulhapuju mutshaminheyi eno jumughayi shilo, eno nongu vilo inijukemi lakhikhi vilo khokichile achipiu kishi tsukepu keno ithimasae.

AHOLE 15:7

Akighithiye alokutsumino vekuphawolu cheni kethono kughuzumino kumoe.

AHOLE 10:21

Timi kivimi tsaye timi kutomo vehupu kighishe tsu cheni ikemu mbomzuno olikhi opithive kepu shi nani.

MALAKI 3:16

Tileno timi khunoqono AMPEU sumsa cheni keno tipaqo lakhino lakhi putsa cheni eno AMPEU no panonguno kiu pi keno tipau inia puzu chiluve cheni. Pa zulo kaku lakhilo yepe qhipuani, khunoqono AMPEU sumsa eno pa gihu cheni keno tipanoqo ghili yepuani.

AHOLE 15:2

Alokutsumi tsapilo akighithi aloqhi peitha cheni ikemu mbomzumi kichi lono aghuzu tsa piphe cheni.

LESHELE 129:8

Tipau vechewu chekemi khunomu panoqo vilo, “AMPEU no okumghatsu peni! ninguno AMPEU jelono okumghatsu ani!” ipi khilemu pimo nanike.

LESHELE 119:46

Niye kukami vilo ozahkutsu pithiwo nani, eno niye kujovemoke.

RUTH 4:11

Timi qono pi, “Iye ningu no thopi ake.” Muchomiqo no pi, “AMPEU pelo okilo ighiniye akeu totimi hipau pesu Rachel ngo Lia pamano ati-anuli kutomo punutsuke toi shilu peni. Noye Efrata lo kinimi shilu peni eno Bethlehem lo aje kughushu shilupeni.

LESHELE 37:30

Timi kivimi kichilo alokutsu piqhi cheni, eno paye achipiu piqhi cheni.

RUTH 2:12

Nono mulavekeu lo AMPEU pelo olochile peni. Eno Israilmi MPEU Alhou chishibo qholo oshokhalu penike ghengu ighini keulo ojume tsupeni!”

RUTH 2:4

Ikelauye Boaz ghi Bethlehem lono ighi eno aghikulumi vilo pi, “AMPEU nongu gholo apelo.” Panonguno “AMPEU no okumgha tsupeniu” ipi khochile.

LESHELE 71:17

O Alhou, ino lhothemi shiaphi lono nono ishikapiyeke, ino okumzapu kumla piani aphie.

ISAIAH 38:19

Kuxumino osheqhelu cheni, itehi ino osheqhe akeu toi. Apuhno anuliqo vilo noye kiutoi amikucho keno picheni.

JOB 8:10

Wovekeu tiqhelimi pelo okutsu eno ovilo pipelo, eno pano lokutsu piju pelo.

LESHELE 119:13

Nono ayezah tsukeu kumtsu ino vekipighi pikithe nani.