ZAKINIU 6:1 - BAIBEL (BSI)

¹ “Ayezah hipaqo kumtsu AMPEU Alhou no nongu shikapiye penike ahza itsuke. Nonguno ilono ngoluniye akeu ghakhulo tipaqo pelulo.

Sumi Naga CL (Re-edited) Bible (BSI)

¹ “Ampeu nongu Lhou no nongu shika penike akhuaye eno pimheye azah I tsü, hipaqo ye nongu no ilo pükhalu niye akeu yeghi lo pelu peniye ke,

ZAKINIU 6:1 Referans Kwoze

ZAKINIU 4:1

Tile Muse no timiqo vilo pike, “Ino nongu shikapiye akeu yezah kumtsu papelo tishiaye AMPEU nongu puasuqo Lhou no nongu tsukeu yeghilo xulu eno ngolu nanike.

ZAKINIU 12:1

“AMPEU nongu puasu Lhou no nongu tsuakeu yeghilo xuake tivilo nonguno pelu masa kepu yezah hipaqo anike. Tipaqo inilo!

ZAKINIU 4:45

Tiye panonguno Ijip lono ighive kethiunoke eno Jordan kipelau Bethpeor taun ghungulo akhilalo akelono pano ayezah hipaqo panongu tsuke. Hiye Amarimi kukau Sihon, Heshbon taunlo ayehpechekeu luzaqha loke. Muse ngo Israilmino Ijip lono ipeghi kelono Sihon leluveke.

ZAKINIU 5:31

Ikemu no Muse ye hilau igholo alo eno ino iyezah ngo ahza kumtsu otsu nanike. Ayehzaqo pesu timiqo shikalo tishianguno ino tsu akeu yeghilo panonguye tipaqo pelu kepu shipelo.’

ACHINE 27:34

Ahza hipaqoye Israilmi ghenguno AMPEU no Sinai Toghi lono Muse tsukeuke.

EZEKEL 37:24

Akukau lakhi iqeu David toikeuno panoqo kukau shive nani. Panongu kumtsu ayehkipeu lakhi qholono kuqhaluve nani eno amikucho shi iyezahqo papelu nani.

ZAKINIU 4:14

Nonguno leluno ngoluniye kuto akeu ghakhulo nongu pelo ayehza kumtsu papelu penike AMPEU no ivilo nongu shikalopike.

ZAKINIU 4:5

AMPEU iLhou no ivilo shilo pike toi ino ayezah kumtsu nongu shikapiyevae. Nonguno le-ilono ngoluniye akeu ghakhulo tipaqo pelulo .

AKIKIHI 36:13

Ayeh eno pekithiyeh hipaqoye AMPEU no Muse vechewo Israilmi tsuke eno tiye Jerikho kudauno Jordan katha ikukelo Muab ghakhuqa lono tsuke.

IPEKULU 21:1

“Israilmi gizulo noye ayezah hipaqo qhitsulo:

ZAKINIU 5:33

Tipaqo kumtsu pelulo tishianguno nongu lau thwokhalo akivishi alu penike eno tishi keu lono nonguno qhasuluniye akeu ghakhulo xu alukepu shinanike.”

ZAKINIU 6:2

Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

ZAKINIU 33:3

AMPEU no pawu timiqo qhuivulai eno pawu shiluve kemiqo susholue. Tighenguno ninguno pa pukhu phivilo itsaiqi eno pa zah kutsu gholue.

EZEKEL 20:19

Niye AMPEU nongu Lhou ke. Iyezah ngo ino ahza tsukeu pelulo.

IPEKULU 23:13

“Ni, AMPEU no nongu vilo pivekeu kumtsu inilo. Kutau lhouqo lau khuini kevilo; panoqo je pinamu jekukevilo.

ZAKINIU 3:18

“Tipamtsa ino kutsukeu tsa hipaqo pesu panoqo tsuke: ‘AMPEU ningu Lhou no nongu pelo ngolu penike ayeghi hipau Jordan kipela kudau akeu tsuve ake. Tighenguno aghu shikithimino ananu pipeno Jordan tuxatsau puwulo, eno Israil shiayeh kutamiqo zuu puwulo eno panoqo pelo pano yeghilo ngolupenike kuphulo.