ZAKINIU 5:26 - BAIBEL (BSI)

²⁶ Akuxupu Lhou no ami lono putsakeu chilukelo timi khuala xulu puani kesha?

Sumi Naga CL (Re-edited) Bible (BSI)

²⁶ Kughengu aküxüpu Lhou no ami lono pütsa keu chilu kelo, timi khuana xülu püani keshea?

ZAKINIU 5:26 Referans Kwoze

ZAKINIU 4:33

Nongu lau shike toikeu khileala timi khunoala lau alhou lakhino ami lono panoqo putsakeu chilu kethiu ghi xu aghikeu anima?

Rommi 3:20

Kughengu Ayezah vechewo timi pelo paye axine shivaepi ithipe cheni kethono, Ayezahlo shilo pi puakeu shilukeu lono timi khumu Alhou zulo achipi kalukeu shimlae.

1 Thes. 1:9

Timi tipaqo ampino ninguno nongu lau ighikelo nonguno kishi ni ikhilukeno piakhani; eno nonguye kuchou eno xuakeu Lhou qenike ghenguno ajulho mllakeu qhiveno Alhou lau ideighivekeu piakhani,

2 Kor. 6:16

Alhou chineki ngo asu-atu ajulho pama kiu lono pulokile kepu ani kya? Kughengu ninguye xuakeu Lhou chineki ke, Alhou no ishi piveke toi: “Ino panoqo lolo xuni eno panoqo gholo acheuveni; Ino panoqo Lhou shini eno panonguye iwu timi shiveni.”

Apostolmi 14:15

eno ishi igha. “O nongu timiqo, nonguye hiye kiu shi ani kya? Ningu ghi nongu toi timi ke, eno ninguye atsakiviu nongu lau asheshu anike, tishianguno nongu pelo hi avehu kuhamithekeu lono nonguno akuxupu Lhou lau ideghi peniyeke. Akuxupu Lhou no atsutsu, ayeghi, azughi eno tile akeu kumtsu mlake.

MATTHEW 26:63

Ikemu Jisu no inaqhoi auve. Achinetouno itaghi pa vilo pi, “Xuakeu Lhou je lono ino ovilo tushoqhi ghi iniju anike, noye Alhou Nu Mesiya kemo kela ningu vilo pitsulo!”

DANIEL 6:26

Ikukaqhalo timi kumtsuno Danel Lhou musa penike eno gihu penike ino ahza tsu ani. Paye akuxupu Lhou, pano ashekha kuha ayehpe nani. Pa kukaqha khilemu shipusamo nani. pa kukaye ashekha shive mla nani.

JEREMIYA 10:10

Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

ISAIAH 40:6

Asutsa lakhino igha piani, “Atsape lakhi pesu asheshulo!” “Ivilo kiu tsape asheshulo pikya?” ipi ino iniju. “Asheshulo, tiye timi kumtsu atsuni toike; panonguye aghalo xamunu tohimu ngo chemoe.

LESHELE 84:2

Niye tile anishi ke! Niye AMPEU chinekilo anishiqhiyi achenike. Iphimpi kuchopuno akuxupu Lhou lau alokivishi alepheke.

LESHELE 42:2

Niye tughuthi keshi akuxupu Lhou phucheni, niye kughono Alhou zulo wuno pa mlla ngolu nani kya pilae?

JOSHUA 3:10

Joshua no pi, “Nonguno chewukelo pano Kananmi, Hatimi, Havimi, Perizimi eno Jebusimi qo haphevetsuni putsae.

BOTHUBO 6:12

Alhou no ayeghiqha jukelo ti shikupsapu shive, kughengu ayeghilo timi kumtsu pututa shelo shikupsapu shiwoveke.

IPEKULU 20:22

Israilmi vilo pipenike AMPEU no Muse vilo ishi ahza tsu; “Ni, AMPEU no kungugha kudauno kishi oputsa keno nono ithuluvae.

ZAKINIU 5:27

Muse, nono idewolo eno AMPEU niLhou no pikeu kumtsu inilo. Tithiuno ideghi puzu pano ovilo pikeu nivilo pilo. Ningu no initsunike eno pape nike.’

XAKUTHAMI 13:22

Manoa no pa nipu vilo pi, “Nikujoye Alhou ithuluve akeke thiveni putsae!”

SAMUEL ATUGHIU 17:26

David no pa phivilo ngo akemi vilo iniju, “Filistiyami heqhiveno Israilmi thaigha akeu lono khaqhi phevetsuni kelo timi tipauye kiu ithulu nani kya? Hi ayekumthau Filistiyami pa khuukeno xukuau Lhou ghushimi shiptha shikukujo anikya?”

BOTHUBO 32:31

Pano Peniel qhiveno wuche kelo tsukinhe ipeghive eno pa yiku ghenguno khulu khuluve.

LESHELE 42:3

Putho pucho anhezuno ikhuna shike; ado kumtsulo ighumino ivilo ishipi, “OLhou khile ani kya?”