ZAKINIU 4:9 - BAIBEL (BSI)

⁹ Nonguno jukutokugholulo! No likhi no nhethino kiu ithuluve akeno nonguno xuake tivilo kumsumamonike mutsumishei shilo. No tianuli eno notilimi vilo

Sumi Naga CL (Re-edited) Bible (BSI)

⁹ “Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

ZAKINIU 4:9 Referans Kwoze

ZAKINIU 6:7

Hipaqo pesu notianuli shikapiyelo. Nonguno akilo akelo, nonguno khalau chekelo, nonguno akulho qhi akelo nonguno akumla shi akelo hipaqo pikide kithe alo.

ZAKINIU 11:19

Tipaqo pesu nongu tianuliqo shikalo. Nonguno akilo ngo akelo eno khalau chekelo, akulho qhi akelo eno akumla shi akelo tipaqo ghili kuptsa alo,

BOTHUBO 18:19

Kughengu ino pa ithi ani, ike pano pa nuliqo eno pa lagha ahza tsu keu shilu nani, panonguno AMPEU laghi pelu nani eno amikucho ngo achipiu lono kughatha keu shi nani. Tishianguno AMPEU no pa ghenguno piqhipuakeu Abraham shou pano shikuputsu nani.”

ZAKINIU 32:46

Muse no pi, “Mutsuqheino nonguye ishi tsalalo ino ahza hipaqo nongu tsukeu papelu masa kene. Nongu tianuli vilo hipaqo pikichichilo, tishianguno panongu pelo amikucho shi Alhou no kutsukeu kumtsu papelu pelo.

Ephesiami 6:4

Apu-azanoqo, nongu tianuli mlo shikighide tsukevilo, ikemu Khristomino qophechekeu eno kutsuchekeu ghola lono panongu saputhulo.

ZAKINIU 29:29

“AMPEU ningu Lhou no kusupe puakeu thime hami anike; ikemu paye pa yezah pephepiyevae eno ningu eno nipolo kughukomiqoye alhokupujulo tipau gholu masake.”

AHOLE 23:26

Anu, amlo tsuqhiyi shilo eno ikuxuno okichekipiye shipelo.

Piyeküsü 3:3

Tishiaye, kiu oshikave akeno eno nono kiu chiluve akeno kumsuchilelulo; tipau pechelo eno oxine launo xaideghilo. Nono idathughimo aye, niye kupukami lakhi toi ighi nani, eno ino kiu tuqhudo lono olau ighini cheni keno noye mtha nani.

AHOLE 1:8

Inu, opu ngo oza pamano kiu ovilo pini keno tipaulo amlo tsuqhiyi shilo.

LESHELE 71:18

Tihutoi kitemi eno asa mpave namu pianiaphi, O Alhou, ipheve kevilo! Tiqhelimi kumtsu vilo okuka kumto ghili piakelo igholo chelo.

IBRIMI 2:1

Tighenguno ningu kuchou jeli khije chiluve akeno tipaqo amlo tsuqhiyi kumsukutoju masae, tishianguno ninguye putosupe wuvemo nanike.

AHOLE 3:21

Inu, olokutsu eno jupilikulu tsuqululo. Panoqo pelo khilemu olauno wuvepe kevilo.

LESHELE 119:11

Ohekibide xine shimonike ino otsa imlolo kusuluvae.

JOSHUA 4:21

pano Israilmi vilo ishi pi,” Hithiu noti nulino hi atuqoye kiu mchipu kea pi aye,

AHOLE 7:1

Inu, ino kiu pikeno kumsupulo eno ino ovilo shilo pikeu khilemu kumsuma kevilo.

IBRIMI 2:3

Tishiaye, ninguno xakulupu kije hikithipu kughuchove aye ninguye kishipuzu polu nani kya? Ampeu pa ampino atughushi xakulupu hipau pesu asheshuke eno tipashelo khunoqono pa launo chilukeno tipaqono nivilo tipau huye kuchou kepi mutsu qheyi shive tsuae.

ISAIAH 38:19

Kuxumino osheqhelu cheni, itehi ino osheqhe akeu toi. Apuhno anuliqo vilo noye kiutoi amikucho keno picheni.

ZAKINIU 4:23

Mutsuqhei shilo ike nonguye AMPEU nongu Lhou no nongu sasu puloshoqhi shikeu pheve kevilo. Pa zah kutsu gholulo eno ajulho kiumu nosala shikevilo,

James 2:22

Noye tijulo, pa kupulu ngo pa kumla kumtsa mlakuqhae; pa kumla vechewo pa kupulu shikuputsuke.

ZAKINIU 31:19

“Itehiye ale hipau yepe qhilo. Hipau pesu Israilmi shikalo tishianguno hipauno panoqo shou thopi shipenike.

Luke 8:18

Tishiaye, noye kishi ini ani kela kutokupuilo; kughengu khuno ani keno alau pesu tsu nani, eno kuhakeu launo pano kiu aniepi kumsu ani keno tighi ikhisuwuve nani.”

JOSHUA 1:18

Khuno oyezah kutsu ghechileni keno eno oyezah lakhimu lumo nikeno pithiveni. Mtotoilo eno amlo kuloghilo.”

ZAKINIU 4:15

“Sinai Toghilo AMPEU no ami lono nongu putsa kelo nonguye kiu koghemu ithumlae. Tishiaye, no likhi no kivipu ghenguno mutsuqhei ithilo,

IPEKULU 10:2

Tishi anguno nonguno ngongu nuli eno notilimiqo vilo ino kishi Ijipmiqo qokughuzu eno panoqo gholo kiu akumzapu michi shikeno tipaqo vilo pipeniyeke. Tishianguno niye AMPEU kepi nonguno ithi peniyeke.”

IPEKULU 23:13

“Ni, AMPEU no nongu vilo pivekeu kumtsu inilo. Kutau lhouqo lau khuini kevilo; panoqo je pinamu jekukevilo.

ZAKINIU 4:10

nonguno Sinai Toghilo AMPEU nongu Lhou zulo puthugho keu tsala ghili pesu pilo, tile pano pikeuno, ‘Timiqo kukumqolo. Ino kiu piniye ani keno panongu pelo chilu penishi anike, tishianguno panonguno xuake tivilo igho lunikeu shikalu nani eno panonguno isumsanikeu pano tianuliqo shikapiye nanike .’

ZAKINIU 6:2

Nonguno xu ake tivilo nongu ghi nongu polo kughukomi kumtsu AMPEU nongu Lhou gihulo eno pa yezah ino nongu tsuakeu kumtsu pelulo, tishikeu lono nonguye tipau ghakhulo axu shulu nanike.

ZAKINIU 6:12

AMPEU khuno Ijip khilehi nonguye aqemi shi ache keno, tipau lono nongu xaphelu keno pa phevemo kepushi mutsumishei shilulo.

ZAKINIU 6:20

“Ighinikeu tsalalo nongu tianulino nongu vilo iniju nani, ‘AMPEU ningu Lhou ye kushiye nivilo ayezah hipaqo kumtsu pelulo pi ahza tsu kya?’

ZAKINIU 8:11

“AMPEU nongu Lhou phevemo nike kutokupui shilo; ishi tsalalo pa yezah ino nongu tsu akeu lakhimu pemovekeu shikevilo.

ZAKINIU 8:14

aqhekuza shiveno AMPEU Alhou no nonguno Ijip lo aquaxemi shiache kelono xaphelukeu hu pheve nosake.

ZAKINIU 12:1

“AMPEU nongu puasu Lhou no nongu tsuakeu yeghilo xuake tivilo nonguno pelu masa kepu yezah hipaqo anike. Tipaqo inilo!

ZAKINIU 16:3

Nonguno tipau ghulhu chukelo kholaqhi sukeu sho chukevilo. Atsala tsuni dolo nonguye kholaqhi sumono asho shikeu chulo nonguno zuleno Ijip qhive kelo toi shilo. Asho tipau chulo, tiye aghichhe ghime sho ipi kunanike, tishianguno nonguno xu ake thaqhulo nonguno Ijip lono ipeghive keu tsala kumsulu nanike, tiye aghichhe ghime-a lakhike.

ZAKINIU 17:19

Paye kaku tipau pa phivilo qhipaulo eno pa kuxu tivilo tipau lono philo tishianguno paye AMPEU gihuni keu ithi nani eno tipaulo ahza tsupuakeu kumtsu amikucho shi pelu kepu ithilu nani.

XAKUTHAMI 3:7

Israilmiye AMPEU panongu Lhou kumsumaveno pa lau axine shive puzu Baal eno Ashera lhou mllauve.

XAKUTHAMI 8:34

ipuzu AMPEU panongu Lhou ye qemove, khuuno aghumino panongu homxa pesu achekeu lono panoqo xaphe saghikeno tipau huthumove.

JEREMIYA 17:21

Panoqo vilo pilo, ike pano likhi pano kuxu kimiye cheni napiaye panonguye Sabat pinyenilo akho pukepu kumoe,

JOSHUA 23:11

Tishiaye AMPEU Alhou qhuivu nike kutokupuilo.

ISAIAH 42:20

Israil, noye kumzapushi ithulu puani, ikemu noye tipaqo kiu kiqi kepi ithi ani kya? Noye chilukepu kini puani, ikemu noye kuchouno kiu chilu akya?’