ZAKINIU 4:7 - BAIBEL (BSI)

⁷ “Ashiayeh kutamino pinamu AMPEU niLhou no nino avehupu shikelo kupunukhoi akeu toi khuno lhou mu kuhake. Paye ningu kuphu lepi kukelo nikhochile chenike.

Sumi Naga CL (Re-edited) Bible (BSI)

⁷ Kughengu Ampeu ni Lhou no kugho kughomu nino kukelo ni phivilo aketoi khuno shiye kije no alhou titoi ke ani kea?

ZAKINIU 4:7 Referans Kwoze

LESHELE 145:18

Khunono amlo mutsumishei pa ku ighini keno tipano punukhoi ani.

LESHELE 34:18

AMPEU ye amlo ghujumi kupunukhoi ani; Lajupu puhave kemi pano xalu cheni;

LESHELE 73:28

Ikemu ighenguye Alhou punukhoi akeu huye shishe akumzapu ke, AMPEU Alhou pesu ino ijehkepu shiluveake, pano mlakeu kumtsu asheshu tsuni cheni.

SAMUEL AKINIU 7:23

Ayeghiqhalo khuno shiayehmu Israilmi toike kuha. Owu timi shiniye nono aquaxe lono panongu khaqhipheluve. Nono panongu ghenguno kije eno akumzapu mlatsu keu huno ayeghiqha kumtsulo ojekipi kughakuchho wove. Nono shiyeh kutami eno panongu lhouqo owu timiqono ighikithishi halevetsu, Ijipmi kughu lono owu shiniye panongu khaqhiphevetsu.

James 4:8

Alhou lau kupunu ighilo eno paye nongu kupunu ighi nani. Nongu axinemiqo, nongu-u shikimthevelo! Nongu amlo kini puchekemiqo, nongu mlo qhukimthevelo!

ISAIAH 55:6

AMPEU phuighilo, pa phulukepushi ake lono pano kupunu aphilono pa kuluvelo.

LESHELE 46:1

Alhou ye nino ijehlu chekeu eno nikumto, shiluksa do kumtsulo kuphu tsunike kutope ani.

LESHELE 148:14

Pano pa shiayeh akumto shitsuke, ikehu pawu timi, Israil lo timiqo pano kupuqhiyi chekemi kumtsuno pa sheqhe. AMPEU sheqhelo!

ISAIAH 43:4

Niye okuxu xalunike ashiayeh kumtsu pheve nani, kughengu noye ighenguno akughupuke eno ino okimiye kehu agigihu otsuke.

ZAKINIU 5:26

Akuxupu Lhou no ami lono putsakeu chilukelo timi khuala xulu puani kesha?

AKIKIHI 23:21

Tithiu Israilmi ghenguno ino juchho puwo ithulu akeuye angukusapu momu akupuna kiumu li lau sughini chemoe. AMPEU panongu Lhou ye panoqo gholo anie; Paye panoqo kukau kepi panonguno asheshu cheni.

AKIKIHI 23:9

Qhemghai keu tuqu lono ino panoqo ithulu ani; Atoghiqo lono ino panoqo jukuto lucheni. Panonguye lomo shi xu achekeu shiyeh lakhi; Panonguye shiyeh kutami nguno kukumghau kepi panoqo ithi ani.

Apostolmi 17:27

tiye panongu pelo Alhou phuju penike, eno pa sasu kutshu-kime lunani kepi lajukeu lono pa phulu peni kehue. Ikeghi Alhou ye ningu milakhikhi launo putou anike kumoe.

ZAKINIU 4:32

“Wovekeu tsalaqo lhejulo, nongu punu mphilo tsalaqo, Alhou no ayeghilo timi lhoqhikeu tsala ghuloki kutolo lhekidejulo. Ayeghiqha lhejulo. Puzuu khileala hikithipu toikeu khualano chilu akesha?

ZAKINIU 26:19

Pano ashiayeh lhoqhi puakeqo kumtsu nguno nongu pesu akijeu shitsu nani eno nonguno akishe ngo agigihu pa jelo sughi nani. Pano tushoqhive ketoi nonguye pawu timiqo shi nanike.”

LESHELE 34:17

Amikuchomino AMPEU kucheni eno pano initsu cheni; panongu shiluksa lono pano panoqo xapheluve cheni.

LESHELE 85:9

Kuchouno khunoqono pa gihuni keno paye tipaqo xalunikeu kutope ani, eno niyeghilo pawu xalu ache nani.

LESHELE 147:20

Paye ashiayeh kutami ghenguye hipau shipuamoe; panoqoye pa yezah mthake. AMPEU sheqhelo!

ZAKINIU 33:29

Israil, noye kiu toi alokivipu kela Otoikemi milakhimu kuhae AMPEU no xalukeu shiayeh lakhie. AMPEU ampino ozuto eno ozuta, osusho eno tokulu otsunikeue. Oghumi qono kimiyekutu tsulopi oqhuiniju ighi nani, nono panoqo nedaqoda nani.