ZAKINIU 4:39 - BAIBEL (BSI)

³⁹ ishi tsala kumsululo eno khilemu hi kumsuma kevilo: AMPEU ye kungughalo eno ayeghilo Alhou ke. Alhou kutami kuhake.

Sumi Naga CL (Re-edited) Bible (BSI)

³⁹ Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

ZAKINIU 4:39 Referans Kwoze

JOSHUA 2:11

Nino ti chiluke mtsa, nongu ghenguno ni mlo hauve. AMPEU noLhou huno kungugha eno ayeghilomi Lhou ke.

ZAKINIU 4:35

AMPEU no hipau nongu piyekeuye pa likhino Alhou eno kutami kuhakeu michive tsuniyeke.

LESHELE 135:6

Kungughalo, ayeghilo, azughilo eno aqhou akuthokulo pano kiu shinishi keno shi acheni.

YEKIKITHI AKINIU 20:6

eno ighamuku akighini shi, “O AMPEU, nipuasuqo Lhou, nono kungugha lono ayeghiqha lo shiyeh kumtsu shou ayeh pe ani. Noye akuka kumtou eno akughushuu ke, timi khumu omujochile mlake.

YEKIKITHI ATUGHIU 29:11

Noye kije eno akumtou, ajukuvupu, saghusaghui keu eno akukau ke. Atsutsulo eno ayeghilo thime kumtsu owue eno noye akukaue, kumtsu shou ayehkipeu ke.

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

HOSIYA 7:2

Niye alhoksa hipaqo kumtsu kumsuchilelu nanike pi panonguye kumsumlae; ikemu axineno panongu suhope akeu niye tipaqo ithumlavemoe.”

DANIEL 4:35

Ayeghilo timiqo jukelo ame kuhaghi ithulu acheni, Kungughalo kungumi eno ayeghi lo timi kumtsu pa ghakusu qholo acheni. Khunomu pa mujochile mla, pano kiu shive keno kiu shiye tishi vekea ipi iniju chile mla.

ZAKINIU 32:29

Panonguye kushiye leluvepe keno tipau ithumla, Panonguye kiu shive keno tipau vethamlae.

ISAIAH 5:12

Nonguno shichu shisho kelo akighi lebo ngo turtur lebo ngo fulili eno atsayiji peitha cheni. Ikemu AMPEU ye kiu shiani kela nonguye vethalu chemoe,

LESHELE 115:3

Ni Lhou ye kungughalo ani; pano kiu shinishi keno tipau shicheni.

ISAIAH 1:3

Pichepighi ghi pano pighiu ithi ani eno gadaha ghi panoqo mpeuno khilehino panoqo achuqupu tsu cheni keno ithi ani, ikemu Israilmi iwu timiye ni ithi chemoe.”

1 Kor. 8:4

Tishiaye, Alhou nguno ajulho kutau mllavekeu chuqupu chukeu ninguno ithi akeuno Alhou nguno ajulho kutau shipe qhikeqo hu kuchouno achenike kumoke, Alhou ye lakhi likhi kethono kutau kuhae.

1 Kor. 8:6

tishimu ningu ghenguye Alhou lakhi likhi ani, paye Apu ke, thwokha pa launo ighi eno pa ghenguno ninguye xuaghiluke; eno Ampeu lakhi likhi akeuye Jisu Khristo ke, pa vechewo thwokha ighi eno pa ghenguno ninguye xuaghiluke.

IPEKULU 8:10

Ikelo akukauno pi, “Ighenguno thoghiu inikhu tsulo.” Muse no ishi pi, “Nono khu akeu toi ino tishi tsuni, tileno nono ithi nanike niLhou AMPEU toi kemi alhou kutau kuhae.

ZAKINIU 6:4

“Israil, hipau kumsululo! AMPEU ningu Lhou likhino Alhou ke!

ZAKINIU 7:9

AMPEU nongu Lhou likhino Alhou kepi kumsululo eno paye amikuchoke. Paye puloshoqhi phevemo nanike eno pa qhuivu eno Pano ahza tsukeu papelu kemiqo lau tiqheli 1000 kutolo pawu iqemokeu kikimiye piye chenike.

ZAKINIU 32:12

AMPEU likhino inami lhou kukuphu sumono pawu timiqo sawuluve.

ISAIAH 44:8

Iwu timiqo, msakevilo! Nonguno ithianike khaghi ghuloki lono itehi kutolo kiu shini cheni keno kumtsu ino ashe azushi pike, eno nonguno iwu thopimiqoke. Kutau lhou ani kesha? Ino chimla aphi keu lhou akumtou khami ani kesha?”

SAMUEL ATUGHIU 2:2

‘Khunomu AMPEU toi akimthe kuhae; khumu pa toikeu kuhae, ningu Lhou toi sushokuluu kuhae.’

SAMUEL AKINIU 7:22

Noye kiutoi kije kya? Akughushu MPEU otoi keu khuumu kuhae; ninguno alhokupuju lono olikhino Alhou kepi ithi acheni.

YEKIKITHI ATUGHIU 17:20

AMPEU, otoikeu kutami kuhae; alhokuthu ninguno olikhino Alhou ipi ithi anie.

LESHELE 100:3

AMPEU ye Alhou kepi khilemu kumsuma kevilo. Pano ni Lhoke eno ninguye pawu ke; ninguye pawu timi eno pawu bheri lojiqoke.

ISAIAH 43:10

“Israilmiqo, nonguye iwu thopimi qoke; iqeu shipenike ino nongu kisheluke, tishianguno nonguye ni ithi eno ilau pulube peniyeke eno ilikhino Alhou kepi vetha lu peniyeke. Inguno kutau lhou kiumu kuhake; puzuu nomu kuha eno khilemu kuha nanike.