ZAKINIU 4:12 - BAIBEL (BSI)

¹² AMPEU no ami lono kishi nongu putsa eno nongu putsa keuye chilu kemu paye kiu julho koghe keno piyemo, tipau pesu nongu tianuli vilo pilo.

Sumi Naga CL (Re-edited) Bible (BSI)

¹² Tileno Ampeu no ami lono nongu pütsae. Nongu no atsa ye chilu kemu koghe ye ithumlae; tile asütsa likhi chilue.

ZAKINIU 4:12 Referans Kwoze

ZAKINIU 5:22

“Ahza hipaqo kumtsu nonguno naghuto phivilo kumqo ake lono AMPEU no tsuveake. Pano ami eno khungkusu zuchiyikeu lono asutsa kuloghi shi putsa ghi ahza hipaqo tsuke eno kutau kumoe. Tipathiu pano atu pha kini shou tipaqo yepukuno itsuke.

ZAKINIU 5:4

Naghuto tileno AMPEU no agi kinheqheno ami lono nongu putsake.

ZAKINIU 4:15

“Sinai Toghilo AMPEU no ami lono nongu putsa kelo nonguye kiu koghemu ithumlae. Tishiaye, no likhi no kivipu ghenguno mutsuqhei ithilo,

MATTHEW 3:17

Tile kungugha launo asutsa lakhino ishipi. “Hiye iNu ino qhuyivulayi chekeuke, pa shou imlokiqi acheni.”

ZAKINIU 4:36

Pano nongu pelo kungughauno pa sutsa ighikeu chilupeke tishianguno pano nongu kutsupiye niyeke; eno ayeghi hilau nongu pelo pa mi-kimthe ithulupeke eno pano tipau lono nongu putsake.

ZAKINIU 4:33

Nongu lau shike toikeu khileala timi khunoala lau alhou lakhino ami lono panoqo putsakeu chilu kethiu ghi xu aghikeu anima?

Kolosiami 1:15

Khristo ye ithukumlau Lhou jukimihi ke. Paye lhophe puakeu kumtsu gholo anoghiuke.

MATTHEW 3:3

Isaya tungkupuno puzuuno ishi pipuakeu huye Johan vehu pipuanike: “Khukelano timi kughunamo keu-a lono ishi asheshu anie, ‘Ampeu laghi kutope qhilo, pano wuniye akeu laghi mzuchoyi shitsulo.’ ”

ISAIAH 40:18

Kiuno Alhou sasu kimghi kulupu kya? Paye kiutoi kela kishi lhekulupu kya?

ISAIAH 40:6

Asutsa lakhino igha piani, “Atsape lakhi pesu asheshulo!” “Ivilo kiu tsape asheshulo pikya?” ipi ino iniju. “Asheshulo, tiye timi kumtsu atsuni toike; panonguye aghalo xamunu tohimu ngo chemoe.

ISAIAH 40:3

Asutsa lakhino igha pia ani; “AMPEU ghenguno kughunamoke alo alaghi lakhi kutolo! NiLhou ghenguno asayeqhalo ala shikimthelo!

ISAIAH 30:21

Nonguno alaghi lono ajeu momu piyiu tsughu wuveaye nongu thikhau pa sutsa ishi pikeu chilu nani, “Ala hilake, hila che chelo!”

IPEKULU 20:22

Israilmi vilo pipenike AMPEU no Muse vilo ishi ahza tsu; “Ni, AMPEU no kungugha kudauno kishi oputsa keno nono ithuluvae.

MATTHEW 17:5

Pano pi aphi lono, vuqayikeu hu khungkusu lakhino panoqo kuzupholuve eno khungkusu lono asutsa lakhino ishi pi; “Hiye ino kimiyechekeu nuke, pa lau ilokiqi acheni, pa tsa inilo.”

AKIKIHI 12:8

Tighenguno niye pa vilo aholeuno pimono agi kinheqhe no mutsumishei putsa cheni; paye ikoghe ghi ithulu apeke! Nokujoye kishi puzu ighumono iqeu Muse piputha anikya?”

IBRIMI 12:19

Tilehi afuko ghugha eno atsapi sutsa timiqono chilukelo atsapi itaghi panongu putsa pemonike ghenguno qhuiniju.

IPEKULU 19:9

AMPEU no Muse vilo pi, “Ino khungkusu zuchiyi keu lono olau ighini tishi anguno ino oputsa akeu timiqo pelo chilupenike eno hinguno hilauye opululu penike.” Muse no AMPEU vilo timiqono kiu khochile keno tipau pesu pi,

ZAKINIU 4:11

Nongu tianuli vilo zumoikeu michhino khungkusu phozumoi eno atsutsu kutolo ami iqukeuno kuzupholuve keu naghuto pukhu kuxalo nonguye kishi wupuzu puthugho keno tipau pilo.

ZAKINIU 4:13

Pano nongu vilo kiu shilopi keno pivae, nongu sasu puloshoqhi shivekeu pechelo pike, nonguye Ahza Chighi khikhi pano atupha kini shou yepukuve tsukeno tipau pelu masake.

ZAKINIU 9:10

Tileno AMPEU no atu pha kuma itsuke, tiye nonguno naghuto phivilo kumqo ake tsalalo pano ami lono kiu nongu vilo pikeno tipaqo pauno yepuku puake.

ZAKINIU 10:4

Tile AMPEU no atughiulo pano kiu tsa yepuku keno tipatho atu pha kumalo yepuku, Ahza Chighi nongu tsukeu huke, tiye nonguno naghuto phivilo kumqoke tsalalo pano ami lono pikeu tsake. AMPEU no atu pha pesu itsuve,