ZAKINIU 33:7 - BAIBEL (BSI)

⁷ Juda lagha ghili pano hi pi: “AMPEU, panoqono kuphu lepi ighamuku keu initsulo; Alagha kutami gholo itaghi panoqo sukuqhalu pelo. Panoqo ghenguno aghu shitsulo, AMPEU, Pano ghumi sasu shiakeulo kuphulo.”

Sumi Naga CL (Re-edited) Bible (BSI)

⁷ Judah ghenguno pa no pi: “O Ampeu, Judah sütsa ini tsülo, Paw timi gholo pa sachile ighilo. O u pesü pa ghenguno mla tsüno pa ghümi launo kuphu tsülo.”

ZAKINIU 33:7 Referans Kwoze

IBRIMI 7:14

NiMpeu ye mutsuqheyino Juda laghamike; eno Muse no achinemi vehu pipuakeulo paye hipano lagha jekupe puamoe.

1 Kor. 15:25

Kughengu Alhou no aghumi kumtsu leluveno pa pukhu qholo qhitsumoke kutolo Khristo no ayehpe masae.

Luke 19:27

Ipuzu itehiye, ighumi khipaqono ipelo panongu shou ayehpe penishimo keno hilau saghilo eno izu lono panongu ghiqhivelo.’ ”

ISAIAH 9:17

Tighenguno AMPEU ye lhothemi lakhimu pokawulu peni chemoe eno paye chimemi ngo mighimgha lakhi shoumu amlo ighiqhiyikeu anichemoe, kughengu timi kumtsu Alhou mthakemi eno kixikilami eno panonguno pikeu thwokha alhoksake. Tishivemu AMPEU loghu taveni chemoe ikemu ghimeqhinike pau chhopuwo achephike.

LESHELE 146:5

Khunono Jakob Lhou pelo pa kuphu peni keno tipano lokivipue,

LESHELE 21:8

Akukauno pa ghumi kumtsu phuluve nani; okumtono oghumi kughalukhave nani.

LESHELE 20:2

Pa kimthe-a lono akukuphu olau puwutsu peni, Zion toghi launo okuphu peni.

MICAH 5:2

AMPEU no pi, “O Bethlehem Efrata, noye Juda lo taun aghulou lakhike, ikemu okudauno Israil ghenguno ino ayehkipeu lakhi saghi nani, pa kibolomi iko ighikeuye mulho ghulokilo idewo ani.”

LESHELE 78:70

Pano pa qeu David kishelu; Pano khilehi atsuaqu jukutokhe achekeno,

LESHELE 78:68

Tipaqo zuqhulo paye Juda lagha kishelu pano kimiyeqhiyi chekeu Zion toghi kishelu.

LESHELE 21:1

O AMPEU, nono akumto pa tsu keulo; Akukauye alokivishi ani. Okukuphu lono tolu kehu pano alovi ani.

YEKIKITHI ATUGHIU 12:22

Tsalakipe tsulo timi akithe theno David ghushimi gholo iloghi chewuve, tighenguno pawu ghushimi alau alau ikowove.

SAMUEL AKINIU 5:24

Kughou nonguno asubo tsuqauno ala che chekeu sutsa chiluni keno tithiuno panongu lelo kughengu tipau kiqiye ino nongu zuu shino Filistiyami theqhiluve penike checheae pi ithilo.”

SAMUEL AKINIU 5:19

David no AMPEU vilo iniju. “Tsala ino Filistiyami le aye noye tokulu itsunima?” AMPEU no khochile, “Iyei, panongu lelo, ino tokulu otsu nani.”

SAMUEL AKINIU 5:1

Tipathiu Israil lo ashiayeh kumtsu no Hebron lo David lau wuno pa vilo pi, “Ninguye osholokumi olaghami ke.

SAMUEL AKINIU 3:1

Saul lagha kuphukemi loji ngo David sakuphumi ado kushuwa dolo kichighi kumjoche. David ye akumto shikithe wove ikemu pa hekibidemiye miqemileyi kithe wove.

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

AKIKIHI 34:19

AMPEU no timi hipaqo kishetsu: Alagha Sakiphemi Juda Jefune nu Kaleb Simon Amihud nu Shelumiel Benjamin Khislon nu Elidad Dan Jogli nu Buki Manase Efod nu Haniel Efraim Shiptan nu Kemuel Zebulun Parnak nu Elizafan Isakhar Azan nu Paltiel Asher Shelomi nu Ahihud Naftali Amihud nu Pedahel

JOSHUA 15:20

Tihino Juda shiyeh kibo wu amheghi shive.

LESHELE 89:24

Niye pa kimiye nani eno pa qhoqhu ache nani; niye pa pelo alhokuthu tolu chepe nani.