ZAKINIU 32:8 - BAIBEL (BSI)

⁸ Shishe Akiqheuno ashiayehqo pututa yeghi kutotsuwo; timiqoye khile akepu keno pano kughutsu. Pano Israil shiayeh lakhi khi lau alhou lakhi kutotsu,

Sumi Naga CL (Re-edited) Bible (BSI)

⁸ Shishe Akiqheu no shiyeqo pütüta mheghi kutotsü kelo, Pa no timiqo kijetha kelo, Pa no Alhou nuliqo kikihi kiqi lono ashiayeqo lughi shotsü.

ZAKINIU 32:8 Referans Kwoze

Apostolmi 17:26

Timi milakhi lau huno pano timi ashiayeh kumtsu lho, eno tipaqo pelo ayeghiqha kuchopu shou kughunalupeke. Panongu pelo ado khikuto akepu eno alughi khipa kutolo kughunakepu keno pa ampino azuuno kughuthavae,

DANIEL 4:17

Hiye tsukhu tsuvai, kutokupui keu kungumi huno xakutha shitsu keu tsake. Tishi pive keu vechewo ayeghi qhalo timi kumtsu pelo akuka kua Lhou ye timi kukaphu shou ghi akuka ani kena ipi ithipeniye ke eno khuu pelo akukau shipeni keno pa gho lono akhoto kumomi shi aghi pimu kishe cheni.

LESHELE 115:16

Kughughaye AMPEU wu likhike, ikemu ayeghiye pano timi tsuke.

LESHELE 92:8

ikemu panonguye qhoi kutsapinyive nani, kughengu AMPEU no thwokha shou ayehkipeuke.

LESHELE 91:1

Timi khunono Shishe Akiqheu kicheqholo acheni. khuno Akughushuu sukusholo acheni keno,

BOTHUBO 10:25

Ibri ye anu kini shie, lakhi jeno Peleg, kughengu pano xuacheke lono ayeghilo timiqo kijetha wove kehu. Pathikuzuu jeno Joktan.

BOTHUBO 10:15

Kanan nu akichiu Sidon, eno Het ngo

Apostolmi 7:48

Ikeghi, Alhou Akiqheuye timi uno shikeu kilo ngochemoe, tungkupuno ishi pike toi,

DANIEL 5:18

Akughushu Lhou no opu Nebukadnezar kughape akukau shitsuke eno angu agha akiqheu tsuke.

ISAIAH 14:14

Nono pikeuno noye khungkusu kutsuqa shou mili iku puzu Akughushuu toi shiniye shike.

LESHELE 82:6

‘Nonguye alhouqoke’ ino piani; ‘Nongu kumtsu shishe Akiqheu nuliqoke.’

LESHELE 50:14

Shikimthi keu pesu Alhou lau aghashipe mllalo, eno Akughushuu lau piqhivekeu hu kumtsu shilo.

LESHELE 7:17

Ino AMPEU shikimthini kughengu pano achipi lono xathake; AMPEU, shishe Akiqheu je ino sheqhe shipilini.

AKIKIHI 24:16

Alhou no kiu pi anikeno chilukemi ke Shishe Akiqheu launo ighikeu kighithi ithulu cheni Zuxo lakhi lono anhethi sukuqumono Akughushu Lhou launo ino kungu nhetsu lakhi ithulu.

AKIKIHI 23:9

Qhemghai keu tuqu lono ino panoqo ithulu ani; Atoghiqo lono ino panoqo jukuto lucheni. Panonguye lomo shi xu achekeu shiyeh lakhi; Panonguye shiyeh kutami nguno kukumghau kepi panoqo ithi ani.

ZAKINIU 33:28

Tighenguno Jakob polo kughukomiye iqughai xulu cheni, athi eno atsasyi-ji chhitoi akeu yeghilo ithamo, tipau loye atsutsulo atsuzuno ayeghi putsatsu cheni.

LESHELE 74:17

Nono ayeghi shekichi kutotsuke; nono mutsutsala eno susutsala lhotsuke.

MICAH 2:5

Tighenguno kughou ayeghi pesu AMPEU wu timiqo tsuchilekepu ghulokilo nongu khuu sajemu kuha nani.

BOTHUBO 10:5

Panonguye azughi philo eno zudoyeghilo kughuna kemi puasu ke. Hipaqono Jafet nuliqo, pututa yeghilo pututaw timi gholo, pututa tsa pi ghi xuchekeqo ke.

YEKIKITHI ATUGHIU 16:18

“Ino Kanan yeghi pe otsuve nani,” ipi pano pi, “Hiye omheghi shive nani.”

JOB 15:19

Panongu lau likhi ayeghi tsupe puani eno inaghaumi panongu gholo kitekungo ngomoe.)