ZAKINIU 32:30 - BAIBEL (BSI)

³⁰ Kishi puzu qhethonhe lakhiye milakhino leluve, qhethonhe chighiye mikinino leluve kya? AMPEU, pano Lhou ye pano qhive; pano wu akumto Lhou ye panoqo tsupuwuve.

Sumi Naga CL (Re-edited) Bible (BSI)

³⁰ Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

ZAKINIU 32:30 Referans Kwoze

ACHINE 26:8

nongu mipunguno timi 100 haleluve nani eno nongu 100 no timi 10,000 haleluve nani.

JOSHUA 23:10

Nongu dolo lakhinomu timi 1000 havelu nani kughengu piqhipua ketoi AMPEU Alhou no nongu ghenguno aghushitsu ani.

ISAIAH 30:17

Kughou nonguno aghumi ghushimi lakhi ithuluni keno nongu qhethonhe kutolono pove nani eno nongu kumtsu pelo koha povepe nike aghumi ghushimi pungu likhi lumkhake. Atoghilo amchiphi shopuakeu likhi thono nowu ghushimi lakhimu ghumove nani!

LESHELE 31:8

Ikehu ighumi ulo nono iphesu tsumoe, Ino khilawuni keno nono ipelo wulupeke.

LESHELE 44:12

Nono olikhi owu timiqo ame kimkhe lono jeveke, eno owu timiqoye ame kuhakeshi kumsuke.

ISAIAH 52:3

AMPEU no pawu timiqo vilo pi, “Kughou nonguno aquaxemi shiuve keno nongu ghenguno pisa tsupe puamoe; tipaphi lono nongu kuqho phevekeulo ghi kiumu ame tsumo nanike.

YEKIKITHI AKINIU 24:24

Siriyami ghushimi ye aghulo likhi ikemu AMPEU no panoqo pelo Judami ghushimi kutomo keu shou toluve pe, tiye timiqono pa qhiveke ghenguno, AMPEU panoqo puasu Lhou panonguno qhiveke. Hitoi shipuzu Akukau Joas ye ghimeqhive.

XAKUTHAMI 3:8

Tileno AMPEU no Israilmi lau ighono amlo ideveno Mesopotamia lo akukau Kushan Rishathayim pelo panongu leluvepe. Panongu ye ampe tache kutolo paqholo acheuve.

ISAIAH 50:1

AMPEU no pi, “Niye timi lakhino pa nipu jumuve ketoi iwu timiqo puwuve kughashi nonguye kumsu ani kesha? Tishiaye, jumu kilevekeu kaku khile ani kya? Nonguno kumsukeuye niye timi lakhino pa tianuli aquaxe shi penike jevekeshi nongu akughu shikeulo jepuwuve kughashi ani kesha? Moe, nonguno akughu shiwuve keuye nongu xineqo ghengu noke; Nonguno heqhi buqhikeu ghenguno nonguye hapuwuveke.

JOB 11:10

Pano vechesu wuche puzu, okughape akughushi eno atsa kukughalo sawunamu khuno pa hakha kulupu kya?

XAKUTHAMI 2:14

Tighenguno AMPEU no Israilmi lau ighono axu ideveno suxakuchumi pelo le ighipe no panongu kuakini lipuwuve pe. Pano ghumiqo pelono panongu qhasuluvepeno Israilmi ye kiunomu panongu sushokulupu shimove.

MATTHEW 18:25

Timi tipauno papi lomla kehu, pano api puakeu mipeuno pa vilo ishi ahza tsu, Api love kepushi no ngo onipu, onuli eno nono aghikeu kumtsu jevelo.

JOB 16:11

Alhou no ikughape kuthakughami tsuvae, kusakughami ulo itukulu suvetsue.

ACHINE 26:7

Nonguye noghumiqo shou tokulu shiluve nani;

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

SAMUEL ATUGHIU 2:2

‘Khunomu AMPEU toi akimthe kuhae; khumu pa toikeu kuhae, ningu Lhou toi sushokuluu kuhae.’

YEKIKITHI ATUGHIU 12:14

Gad laghalo hipaqo khamino kijemi gholo akichiu timi 1,000 shou ahza kutsuu eno kutamino ayitiu kijemi timi 100 shou ahza kutsuue.

KUKAMI ATUGHIU 14:16

AMPEU no Israil qhive nani, Jeroboam no axine shiveno Israilmi axinelo sailovetsu ke.”

KUKAMI AKINIU 7:5

Ikehu, zughughui akelono panonguye ithuveno Siriyami ghazulo wuve, ikemu panonguno tipa alo ighikelo, khuumu ithumla.