ZAKINIU 32:10 - BAIBEL (BSI)

¹⁰ ‘Panonguno asayeqha lo itsuche kelono pano panoqo phulu, tiye kughukughalei amlhuno fuchighikeu sayeqhae. Pano panoqo susholu eno tucho hejuluve tiye pa likhi pa susholu akeshie.

Sumi Naga CL (Re-edited) Bible (BSI)

¹⁰ “Pa no asayeqha lono Jacob phulu, asayeqha lo küghüküghalei keu lono phulue; Pa no pa boluve no pa tuchomjoe, pa pesü Pa mlo kuchuu shie.

ZAKINIU 32:10 Referans Kwoze

HOSIYA 13:5

Asayeqha qhaikeu yeghilo ino nongu tuchohijuke.

ZEKHARIA 2:8

Khukhumu nongu hekeuye ino kiukela akughupushi achekeu he anike.” Tighenguno Aqokitikhi MPEU no ashiayeh khipaqono pawu timiqo xulepuwuvekeno tipaqo lau asutsa hipau pewu penike ipuwuke:

LESHELE 17:8

Onhekiyighi shi ijukuto tsulo, kixikilamino ishipusaniye akeulo. Akithipu ghumi no suhope iha akeulo, ochishibo yekukhu qholo ikughutshuvelo.

JEREMIYA 2:6

Panonguye Ijip lono ino xaphe saghi keghi panonguno niye khuu kela mthake; ino timi kughunamoke alo panoqo sapiye: asayeqha eno balu saye toghi yeghilo, qhayikeu eno akumsapu yeghilo, timi khuumu ngochemokeu alo eno khiu nomu kicheghuzu shichemokeu alo.

ALE KIMCHI 8:5

Asayeqha kudau li lomi mungupesu chechekeu hupauye khuu kya? Pukhothibo qholo ino okudaputhuke, tileno ozano opunu niye ihi ake, tipa alono opunuke.

AHOLE 7:2

Ino ovilo kiu pikeno tipau shilo eno noye xulu nani. Onhethi sushope qhiketoi ino shika keu kutokupui papelo.

Rommi 2:18

Alhou pulou kiu keno noye ithi ani eno ayezah lono kiuno achipi keno kishelukepu shikalue.

ZAKINIU 4:36

Pano nongu pelo kungughauno pa sutsa ighikeu chilupeke tishianguno pano nongu kutsupiye niyeke; eno ayeghi hilau nongu pelo pa mi-kimthe ithulupeke eno pano tipau lono nongu putsake.

Rommi 3:2

Ala thwokha lono heshekulu ani. Atughiu no, Alhou no pa sutsa pesu Judamiqo lau pichetsue.

ZAKINIU 1:19

“AMPEU ni Lhou no ahza kiu nitsu keno ninguno tipau shike. Ninguno Sinai Toghi qhiveno aghaghi eno kumsa kimshipu sayeqha katha susu Amarimi naghuto la kudau wuke. Ninguno Kades Barnea tokelo,

ZAKINIU 1:31

Apuno panu xapu keshi pano kishi nongu xaphe sasu hipa alo saghi keno ithuluvae.’

LESHELE 107:40

AMPEU no nedaqoda chekemiqo jukuchhubeve cheni, eno ala kuhakeu sayeqhalo hakughutsuve cheni.

ISAIAH 63:9

Hiye kungumi lakhinoke kumoe ikemu AMPEU ampino panoqo xaluke. Pa kikimiye, amlo ighiqhiyikeu lono panoqo xapheluke. Paye wovekeu tsalalo pulhapuju panoqo tuchohijuche,

JEREMIYA 2:17

Israil, olikhi nono oshou hipau sughike! Ni nongu Lhou AMPEU hu, ala kupujulo ino nongu sachekeghi nonguno ipheveke.

JEREMIYA 13:11

Chhekhaphino achita lo tsu-tsu khapulu keshi Israil ngo Juda lo akemi pelo ilau tsuqukhoilu peni shikeu kumsupu ake. Ino hipau shikeuye panonguye iwu timi shiche peni eno akishe agigihu ilau sughi peniyeke, ikemu panonguno igholumoke.”

EZEKEL 16:5

Khunomu anhethimu ojumoke eno okimiye kepi hipaqo vehu lakhimu shitsuni kemi kuhake. Opunu kelo khunomu okimiyemoke eno noye khalau ikhipe vepheveke.

EZEKEL 20:36

Ino Sinai Sayeqhalo nongu papunoqo ghushove keshi itehino ino nongu ghusho nani,” ipi Akughushu MPEU no pianike.

HOSIYA 11:3

Tishimu, Israil pelo ala chelu pekeu huye ino shikapiye. Ino iwu timiqo i-u pesu khapelue, ikemu ino panongu tuchomujo kepi ithitsumoe. Ino qhuivulaikeu ngo kikimiye pesu panoqo ikudau saighie.

ESTHER 6:13

Haman ye tipa tsalalo kiu shive keno pa nipu Zeres eno pa kusamiqo vilo pikelo panonguno ishi pa khochile, “Mordekai no Judami shi aghiaye noye pa shou kumu shilumo nanie, ikemu noye pa zulo ikiqiveni putsae.”

ZEKHARIA 2:12

Itaghi Juda ye AMPEU yeghi kimthe-alo pa mheghipu akimchiu shiluve nani eno Jerusalem ye pano kumtsu nguno shishe kimiye chekeu phughi shiluve nani.