ZAKINIU 30:7 - BAIBEL (BSI)

⁷ Pano musuini keu hipaqo kumtsu noghumi no mithino noqoda chekemi shou xupukuve tsu nani

Sumi Naga CL (Re-edited) Bible (BSI)

⁷ Ampeu nongu Lhou no hi müsüini keu kümtsü no ghümi khunono nongu ghime keno, tipaqo shou pukuve tsü nani.

ZAKINIU 30:7 Referans Kwoze

ZAKINIU 7:15

AMPEU no kusukini kumtsu launo nongu susholu nani eno nonguno Ijip lo ithulu puakeu kusu lhoksa lakhimu paye nongu shou pukutsumo nani, ikemu tipaqo kumtsu noghumiqo shou pukuvetsu nanike.

ISAIAH 10:12

Ikemu AMPEU no pike, “Kughou Zion toghi lau eno Jerusalem lau ino kiu shitsu ani keno tipau shitave puzu Asiriya kukauno pa qhekuzashi akuchhoma shikeu ghenguno ino pa ghimeqhi nani.”

AKIKIHI 24:14

Balam no Balak vilo pi, “Itehi niye niwu timiqo lau idewove niake ikemu ino wumphi lono Israilmino ighinikeu lo nowu timiqo shou kiu shinani keno ino okutughuve tsunike.”

ZEKHARIA 12:3

Ikemu tipa tsalanilo ashiayehqo ghenguno ino Jerusalem pesu atuqu kimishi lakhi toi shitsu nani. Ashiayeh khuuno tipau peqheju niye pukaputsani keno pano likhi pano ghuzave nani. Ayeghiqhalo ashiayeh kumtsu kuqhano li lenike ighi nani.

Obadiah 1:10

“Nonguno nothikuzumi, Jakob laghamiqo pukaqhi eno ghiqhi ke ghenguno, nonguye alhokupujulo akukujopu shi nani eno nongu kutsa- leve nani.

AMUS 1:13

AMPEU no pi, “Amun lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno alughi alau ikowoniaye aghu shikeulo panonguye Gilead lo totimi mishipu aghikemi po ghilevetsuke.

AMUS 1:11

AMPEU no pi, “Edom lo kuamiye anguno anguno axine shi acheni eno tipau ghenguno niye mutsuqheino panoqo ghimeqhi nani. Panonguno panoqo thikuzumi Israilmi ashi hakeshi haqhike eno kitilamu panoqo shou kupukeu kuhake. Panongu mulo kighideye ashekha kuha eno khilemu tipau hauve pemoe.

AMUS 1:9

AMPEU no pi, “Tur lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ashiayeh lakhilo timi lhoxu kumtsu Edom yeghilo piyighiuve peke eno visho shipuakeu pemoveke.

AMUS 1:6

AMPEU no pi, “Gaza lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ashiayeh lakhilo timi kumtsu sawuve eno Edom lo akemi quaxemi shipe nike panoqo jesuveke.

AMUS 1:3

AMPEU no pi, “Damaska lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ayikusu pesu Gilead lo kuamiqo peithake.

EZEKEL 25:15

Akughushu MPEU no pike, “Filisityamino khaghino pano ghumi shi achekemi shou amkhu kulu alhoksapushi luke eno panonguno kimthikile kelauno tipaqo kutsaleveke.

EZEKEL 25:12

Akughushu MPEU no pike, “Edom lo akemiqono Juda shou amkhu lhoksa luke eno tipau mukhu lukeu huno Edom shou ado kushuwa kutolo kuqu auvae.

EZEKEL 25:8

Akughushu MPEU no pike, “Muab no Juda ye ashiayeh kutami kumtsu toikepi pike ghenguno,

EZEKEL 25:6

“Akughushu MPEU no kiu pianikeno tiye hike: Nonguno alokivi launo au kukhu eno ilheku ilheiqike. Nonguno Israil ghakhu jumithike.

EZEKEL 25:3

Amunmi vilo ni, Akughushu MPEU no kiu piani keno inilo pilo: Nonguye ichineki shipixivekeulo, Israilmi ghakhu kutsalevekeu ithulu kelo eno Juda lo akemiqo haphe pupovekeu ithulukeulo nonguye alokivishi ani.

JEREMIYA 25:29

Aphughi lono ino kutsaleve nikeu kumla huthuni cheni. Panonguye ghimeqhimoveno wuluve nani kepi kumsu ani kesha? Moe, panonguye ghimeqhi nani, kughengu ayeghilo akemi kumtsu shou ino aghukishi puwuni cheni. Ni, Aqokitikhi MPEU no piqhiveake.

IPEKULU 23:22

Ikemu nonguno pa gholu eno ino ahza tsukeu lu aye ino noghumi kumtsu sasu aghu shive tsu nani.

ZAKINIU 30:8

eno nonguno itaghi pa gholu kitheve nani eno pano ahza tsukeu ishi tsalalo ino nongu tsuakeu kumtsu pelu nani.

AKIKIHI 24:9

Shiyeh hiye abongushu kumgha lakhi toike; Tipauno zu akelo khunomu tipau kudaputhu msake. Khunono Israil shou kumghatsuni keno kukumgha shinani.”

JEREMIYA 30:16

Ikemu itehiye, nongu tsukuchumi kumtsu tsuchukhave nani, eno noghumi kumtsu akughumi shi sawuve nani. Nongu qoda chekemi kumtsu qoda qhive nani, nongu xulepu wuve kemiqo kumtsu xulepu wuve nani.