ZAKINIU 3:24 - BAIBEL (BSI)

²⁴ ‘O Akuka akumto Lhou, ino ithi anike, nono akumzapu kumla shiniye kuto akeu hukuthu likhi ipiye anike. Kungughalo na ayeghilo namu nono akughushu kumla shivekeu kiu lhou nomu tipau shimlake!

Sumi Naga CL (Re-edited) Bible (BSI)

²⁴ ‘O Ampeu Alhou, No ye itehi no O kighiche eno akumto pesü O qeu piyethu aphie. Kughengu Ow akümzapu kümla Nono shi aketoi kungugha lo eno ayeghi lo alhou khuu no shikulupu kea?

ZAKINIU 3:24 Referans Kwoze

IPEKULU 15:11

“AMPEU, alhouqo gholo otoikeu khuu ani kya? Akimtheno akumzapu ke, omihikeu khuu ani kya? Khuuno nono shikeu toi akumzapu kumla eno amichipu shiluni kya?

LESHELE 71:19

Omikuchoye atsutsu kutolo to ani, Alhou; nono thime kije shivetsuke, khumu otoikemi kuhae.

ZAKINIU 11:2

Pa gholo pujushijuve keu lono AMPEU ghili kiu ithive akeno ishi tsalalo tipau kumsululo. Nonguno AMPEU kughushu pa kuka pa kumto eno pano akumzapu kumla shikeu ithuluke.

LESHELE 86:8

O AMPEU, khumu otoikeu lhou kutau kuhae, nono kiu mlakeno khunomu ti shilu puamoe.

SAMUEL AKINIU 7:22

Noye kiutoi kije kya? Akughushu MPEU otoi keu khuumu kuhae; ninguno alhokupuju lono olikhino Alhou kepi ithi acheni.

DANIEL 3:29

“Ike itehi ino ahza tsu ani. Kiu kiu shiayeh shi aghi namu atsa ajeli kututa picheghi kemi pimu, Shadrak, Meshak eno Abednego pano kuthu Lhou thakeu tsa pikeqo phiau hechhepini pevetsuni eno paki hexapini puhave tsuni. Alhou kutauye hitoi xalukepu kuhae.”

JEREMIYA 10:6

AMPEU, otoikemi milakhimu kuhae; noye akuka kughushuke eno ojeye kije eno akuka ani.

ISAIAH 40:25

Khuuno akimthe Alhou sasu kimghi kulupu kya? pa toikeu kutau khuu ani kya?

LESHELE 145:6

Nono akughushu kumla shikeu timino piche nani, niye nono kishi kije keno asheshu nani.

LESHELE 106:2

Pano akumla kije mlakeu khuno piluni kya? khuno pa sheqhekha kulupu kya?

LESHELE 89:8

AMPEU Alhou Akughushuu, khumu otoi akughushu kuhae; thwokha thimelo noye amikuchoke O AMPEU.

LESHELE 89:6

Kungughalo otoikemi lakhimu kuhae, O AMPEU; kungughami khumu oqhemi kuhae.

LESHELE 35:10

Imlo kuchopu pesu AMPEU vilo pini: “O AMPEU, otoikeu khumu kuhae, nono akumtomi launo miqe mileikemi xapheluke, mukamihi kemi launo kumlhomi xapheluke.”

NEHEMIA 9:32

“O Alhou, noye kiu toi kije kela! Kishi akuighupu eno akuka kughushu kela! Noye akikhishi owu puloshoqhi shikeulo piqhive keu pelu achenike. Asiriya kukamino nedaqoda cheke ghuloki lono ishi kutolo ninguye shishe imeve ake! Niwu kukami, sakiphemi, achinemi eno tungkupmi, nipuasuqo eno niwu timi kumtsu aghime shivae. Ninguye kishi aghime shive akeno kumsulu tsulo!

ISAIAH 40:18

Kiuno Alhou sasu kimghi kulupu kya? Paye kiutoi kela kishi lhekulupu kya?

LESHELE 145:3

AMPEU ye kije eno akiqheu lono pa sheqhe kepue; paye kishi kijekeno phukulupu kumoe.

IPEKULU 8:10

Ikelo akukauno pi, “Ighenguno thoghiu inikhu tsulo.” Muse no ishi pi, “Nono khu akeu toi ino tishi tsuni, tileno nono ithi nanike niLhou AMPEU toi kemi alhou kutau kuhae.

IPEKULU 9:14

Ishiuloye owu kijemi ngo owu timiqo likhi kumono noghi ghimeqhinike, tishi anguno ayeghiqhalo itoikeu milakhimu kuhakeu nono ithi penike.

ZAKINIU 3:23

“Tipa ghulokilo ino tsaqui inikhuke,

ZAKINIU 32:3

Ino AMPEU je sheqhe nani, pawu timiqono paye kiu toi kije keno pi nani.

KUKAMI ATUGHIU 8:42

kughengu timiqono oje kije chilu nani eno owu kumgha eno owu xacho pesu akeu ghili chiluno akumllaki hipaulo ighino inikhu aye,

YEKIKITHI AKINIU 6:14

Pano ishi inikhu, “O Israilmi Lhou, AMPEU, kungughalo eno ayeghilo ghi otoike Lhou khuumu kuha. Noye oqemiqo lau puloshoqhi shikeu tamomitheno kikimiye pa gholuche kemi lau piye cheni.

LESHELE 150:2

Pano akughushu kumla shitsukeu ghenguno pa sheqhelo. Pano akiqheu lono kije shiakeu sheqhelo.

AKIKIHI 23:23

Kuduu gha momu atumu jeli kiumu peithano Israil shiyeh shou akumou shimla nani. Itehiye Israilmi ghili timiqono ishi pinani, Alhou no kiu shivetsu akeno julo!