ZAKINIU 29:1 - BAIBEL (BSI)

¹ Muab yeghilo akelo AMPEU no Muse vilo ahza tsupuzu Israilmi sasu puloshoqhi tsa kiqi hipaqo shipenikeu shie; hipaqo kumtsu AMPEU no panoqo sasu Sinai Toghi lono puloshoqhi shikeu gholo kuphatsu keu ke.

Sumi Naga CL (Re-edited) Bible (BSI)

¹ Horeb lono Ampeu no Israelmi sasü puloshoqhi shikeu gholo itaghi Moab yeghi lono Ampeu no Moses azah tsüno panoqo sasü puloshoqhi shikithe.

ZAKINIU 29:1 Referans Kwoze

IBRIMI 8:9

Tiye pano puasuno Ijip yeghilo akelo a-u lono ino sunhephe pesu ipeke tsalanino Ino panoqo sasu puloshoqhi shikeu toimo nani. Ino panoqo sasu puloshoqhi shikeulo panonguno pukhubekile moveke, ike ino panongu jukutomoveke, ipi Ampeu no pi:

JEREMIYA 31:32

Tipauye ino pano puasuqo au lono sunhepe puzu Ijip lono panoqo saipevekeu ghulokilo panoqo sasu puloshoqhi aqau shikeu toimo nanike. Niye panoqo kimi toi shiakemu panonguno puloshoqhi tipau pemoveke.

KUKAMI AKINIU 23:3

Pano atsukucho phivilo puthugho eno AMPEU ghokulu shinike pa lau puloshoqhi shilu, pa yezah eno ahza kutsuqo pa mlo eno angulho kuchopu suno pewo nikeu eno kakulo kiu yepuaghi keno akupulo shoqhilo sukuqhaghi akumla lono mlapiye wonikeu shoqhi shilu. Timi kumtsuno puloshoqhi pimhe wonike ghenguno tushoqhilu.

Apostolmi 3:25

Alhou shoqhi pawu tungkupumi vechewo akeu huye nongu salake, eno Alhou no nongu pu-asu sasu puloshoqhi shikeulo nongu ghi kusajekemie. Pano Abraham vilo pikeu toi,”Otikughukoqo vechewo ayeghilo timi kumtsu ino kumghatsunie.”

JEREMIYA 34:18

Juda ngo Jerusalem lo kijemiye akukau kilo kijemi akeqo achinemi eno sakiphemino kumtsa puzu isasu puloshoqhi lakhi shike, tiye panonguno amshitsu lakhi kini shi xaphape qhipuzu tikuma mta lono chewughi shike.

JEREMIYA 11:6

Tileno AMPEU no ivilo pi, “Juda lo aphughiqolo eno Jerusalem laghilalo wulo. Itsape pesu tilau asheshulo eno timiqo vilo puloshoqhilo akeu tsa inilo pilo eno tipaqo papelo pilo.

JEREMIYA 11:2

“Puloshoqhi akeu tsa inijulo eno Juda ngo Jerusalem lo akemi qo vilo pilo.

ZAKINIU 29:25

Tileno hitoi khochilekeu anani, ‘Tiye AMPEU wu timiqono pa sasu puloshoqhi shikeu panonguno kuboleveke, paye panoqo puasu Lhou eno pano Ijip lono panongu saipeghi kelono puloshoqhi shikeuke.

ZAKINIU 29:21

AMPEU no Israil laghami kumtsu gizulo pa kugha pesu kichekipiye lakhi shitsu nani eno AMPEU wu akukutsu kaku hipaulo yepua keu puloshoqhilo musuini jeli kiqi lono kutsakungo keu pa shou sughi nani.

ZAKINIU 29:12

AMPEU nongu Lhou no nongu sasu ishi tsala lono puloshoqhi hipau shinike eno tipaulo amakho akeu ikhilunike nonguye hile anie,

ZAKINIU 4:23

Mutsuqhei shilo ike nonguye AMPEU nongu Lhou no nongu sasu puloshoqhi shikeu pheve kevilo. Pa zah kutsu gholulo eno ajulho kiumu nosala shikevilo,

ZAKINIU 4:10

nonguno Sinai Toghilo AMPEU nongu Lhou zulo puthugho keu tsala ghili pesu pilo, tile pano pikeuno, ‘Timiqo kukumqolo. Ino kiu piniye ani keno panongu pelo chilu penishi anike, tishianguno panonguno xuake tivilo igho lunikeu shikalu nani eno panonguno isumsanikeu pano tianuliqo shikapiye nanike .’

ZAKINIU 4:13

Pano nongu vilo kiu shilopi keno pivae, nongu sasu puloshoqhi shivekeu pechelo pike, nonguye Ahza Chighi khikhi pano atupha kini shou yepukuve tsukeno tipau pelu masake.

ACHINE 26:46

Hipaqo kumtsu Israilmi ghenguno AMPEU no Sinai Toghi lono ayezah ngo ahza pesu Muse tsukeu ke.

ACHINE 27:34

Ahza hipaqoye Israilmi ghenguno AMPEU no Sinai Toghi lono Muse tsukeuke.

ZAKINIU 28:68

AMPEU no ashukaki lono Ijip lo nongu saide puwuve nani, pano nonguye tilau itaghi khilemu wukithemo nani kepi pivea kemu. Tilau nonguno noghumi lau aqemi shinike nolikhi nojesuniye pukaputsa nani ikemu khuunomu nongu qhulu nishimo nani.”

ZAKINIU 29:2

Muse no Israilmi kumtsu kukutsu puzu panoqo vilo pike, “AMPEU no Ijip lo akukau shou, pawu kijemi shou eno pa ghakhu shou kiu shive keno nongu ampino ithuluvae.

ZAKINIU 1:1

Kaku hipaulo Muse no Israilmi putsakeu tsa anike, tiye panonguno Jordan kipela kudau asayeqhalo akelono ke. Panonguye Sup phivilo Jordan khilalo ake, Paran taun no tuxau ae eno Tofel, Laban, Hazerot eno Dizahab no tuxau akeu dolo ake.

SAMUEL ATUGHIU 12:24

Nongu mlo kuchopu pesu AMPEU gholulo eno akivishi pa qelo. Pano nongu ghenguno thime kije mlavetsu keu kumsululo.

LESHELE 105:27

Pamano Alhou wu akichiqhi michipu shike eno akumzapu kumla Ijipmi yeghilo shike.