ZAKINIU 28:18 - BAIBEL (BSI)

¹⁸ “AMPEU no nongu shou musuini keu lono atianuli aghulo likhi punu, tuxatini akivi shimo eno amshi ngo bheri aghulo likhive pe nani.

Sumi Naga CL (Re-edited) Bible (BSI)

¹⁸ Nongu polo ikighi tianuli, alu lo tüxatini, atsüaqu tikughuko, eno pichepighi loji lo ati kümtsü müsüinive nani.

ZAKINIU 28:18 Referans Kwoze

ACHINE 26:26

Nonguno achuqupu sughichekeu la ino hekha vetsu nani, tishi kehu totimi chighino asho khije aghikeno tipau shunike amiphoki lakhi likhi avehupu shinani. Panonguno tipau aphiphi shi ghi kije nani eno nonguno tipau chukhave pinamu nonguye muzuthi aniaphi.

HABAKUK 3:17

Khughuthibono athi pithinike pu-move namu eno atsayibolo atsayithi ipeghimo namu, Oliv lothi pithimove namu eno alulo athi ipeghimove namu bheriqo kumtsu thikhave namu eno amshikilo amshi kuhave namu,

AKUMLO 2:20

Julo, O AMPEU! nono ghimeqhi akeqo julo! Topumino panonguno kupuqhiyi tuchomujo chekeu tianuliqo shi chuani! Achinemi ngo tungkupmiqo Achineki lono ghiqhive ani!

ZAKINIU 28:4

“AMPEU no atianuli kutomo, tuxatini kumzapu eno amshi ngo bheri kutomo pesu nongu kumghatsu nanike.

ZAKINIU 5:9

Asu-atu Ajulho lau itsaiqi momu tipau mllakevilo, kughengu niye nongu Lhou AMPEU ke eno niye isasu kusuxani kemi lau kutuu mlae. Imithiche kemi shou eno pano polo kughukomi tiqheli akuthuu abidiu kutolo ino aghime sughi cheni.

MALAKI 2:3

Ino nongu tianuli ghimeqhi nani eno nonguno aghashi mllakeu bazulo nongu gi kuxupho tsu nani eno nonguye abazu gholo pewuve nani.

ZAKINIU 28:16

“AMPEU no nowu taunqo eno aluqa musuinive tsu nani.

ZAKINIU 28:19

“Nonguno mla ithakeu thwokhalo AMPEU no musuinive nani.