ZAKINIU 18:15 - BAIBEL (BSI)

¹⁵ Tipa zuqhulo, nowu timiqo gholono tungkupu itoikeu lakhi pano nongu lau puwu nani eno nonguye pa gholu masake.

Sumi Naga CL (Re-edited) Bible (BSI)

¹⁵ “Ampeu nongu Lhou no I toike tungkupu lakhi nongu athiküzümi lau puwu nani, nongu ye pa gholu masae.

ZAKINIU 18:15 Referans Kwoze

Apostolmi 7:37

Israilmi vilo ishi pikeu hu Muse noke, ‘Alhou no nongu ghenguno tungkupu lakhi pano isaputhu kehutoi nongu gholo ipeghipe nani.’

John 1:45

Filip no Nathana-el sasu kusho eno pa vilo ishipi, “Muse no Ayezah kakulo khuu ghili yepuakeno eno tungkupumino khuu ghili yeh ishikeno timi tipau ninguno phuluvae. Paye Nazaret noghami Josef nu Jisu ke.”

Luke 9:35

Khungkusu lono asutsa lakhi ighi, “Hiye iNu ino Kishelukeu; pa tsa inilo!”

MATTHEW 17:5

Pano pi aphi lono, vuqayikeu hu khungkusu lakhino panoqo kuzupholuve eno khungkusu lono asutsa lakhino ishi pi; “Hiye ino kimiyechekeu nuke, pa lau ilokiqi acheni, pa tsa inilo.”

1 Tim. 2:5

Kughengu Alhou ye lakhike eno Alhou ngo timi dolo alashikutsuuye lakhi, tiye timi Khristo Jisu ke.

John 6:29

Jisu no khochile, “Alhou no nongu pelo hipau shipenishi ani: pano khuu puwu puani keno nonguye tipau shou pulubelo.”

Luke 24:19

“Kiu keno?” ipi pano iniju. “Nazeret noghami Jisu kiu shivekela wa,” ipi pamano khochile. “Timi hipauye tungkupmi lakhike, Alhou zulo eno timi kumtsu zulo paye atsalo pina akumlalo pimu mishisheyi kemie.

1 John 3:23

Pano ahza tsukeuye hike ninguye paNu Jisu Khristo jelo pulube kepue eno lakhino lakhi kimiyekile kepue.

John 1:25

Panonguno Johan vilopi, “Noye Khristo mu kumo, Elija mu kumo, momu tungkupu mu kumo aye noye kushiye baptiz shitsu cheni kya?”

Luke 10:16

Jisu no pa khopemi vilo pi, “Khuno nongu tsa chiluni keno itsa chilu anie, eno khuno nongu miliveni keno imilive ani eno khuno imiliveni keno ipuwukeu milive anie.”

ZAKINIU 34:10

Israil lo Muse toi keu tungkupmi khilemu kuha aphike; AMPEU no agi kinheqheno pa sasu kuptsake.

John 1:21

“Tishiaye noye khuu kya? Noye Elija kesha?” ipi panonguno pa iniju. Pano pi. “Niye tikumoe.” “Noye tungkupu hu kesha?” ipi panonguno iniju. “Moe” ipi pano khochile.

ZAKINIU 5:5

Ino tipa ghulokilo nongu eno AMPEU dolo puthughono pano kiu pikeno nongu vilo pike kughengu nonguye ami musaveke eno naghutolo ikumoveke. “AMPEU no pike,

Luke 2:32

Akuvu lakhi hi Judakumomi pephepiye anike, Eno ajukuvu owu Israilmi tsunike.”

MATTHEW 21:11

Timi tile chekeqono ishi khochile, “Huye Galil bocholo Nazaret noghami tungkupu Jisu huke.”

Luke 2:25

Jerusalem lo timi lakhi ache, pa jeye Simon; timi hipauye akivimi, Alhou sukumsami, Israil lokughunotsu nikeu tsala huqhe ache eno Aghungu Kimthe no pa shou ae.

Luke 7:16

Panongu kumtsu akuighuno chhitoive, eno panonguno Alhou sheqhe gh0i pi: “Tungkupu kije lakhi ningu gholo ipeghivae!” eno “Alhou no pawu timi xalunike ighi anie!”

John 4:19

Tileno totimi huno pi, “Akijeu, ino juakelo noye tungkupmi lakhie.

John 9:17

Tighenguno Farisimino itaghi anhethi kighicheu vilo inijukithe, “Pano onhethi xuqhovetsuake noye paye kiutoi kemi kepi nani kya?” Timi huno khochile, “Paye tungkupu lakhi.”

AKIKIHI 12:6

eno AMPEU no pi, “Ino kiu pini keno inijulo! Tungkupumi nongu gholo ake ghulokilo ino kungunhetsu lono ikutoshino panongu nhepithe eno asamouno putsa cheni.

AKIKIHI 12:8

Tighenguno niye pa vilo aholeuno pimono agi kinheqhe no mutsumishei putsa cheni; paye ikoghe ghi ithulu apeke! Nokujoye kishi puzu ighumono iqeu Muse piputha anikya?”

HOSIYA 12:14

Israilmino AMPEU mlo shishe shikighideve tsue; panoqo kumla lhoksa ghenguno panonguye thive kuzupuke. Panonguno AMPEU shikukujo keu sughike ghenguno paye panoqo ghimeqhi nani.