ZAKINIU 17:16 - BAIBEL (BSI)

¹⁶ Akukauye pawu ghushimi ghenguno khurshi kutomo qhikevilo eno khurshi qhupenike paye Ijip lo timi puwu kevilo, kughengu AMPEU no pive ake pawu timiqoye khilemu tilau idewo kepu kumoke.

Sumi Naga CL (Re-edited) Bible (BSI)

¹⁶ Akükau ye khurshi kutomo pa sala qhimoni, momu khurshi qhünike Egypt lo paw timi pelo idewo pemoni, kughengu Ampeu no ishi nongu vilo pivae, ‘Nongu ye khilemu tipa laghi lo idewo moae.’

ZAKINIU 17:16 Referans Kwoze

EZEKEL 17:15

Ikemu Juda kukauno hebideve eno khurshi ngo aghushimi saghinike alachemi Ijip lo puwuke. Paye tolu nani kesha? Paye tikithipu shipuzu pokulupu kesha? Paye visho kuboleve puzu aghime sholumove nani kesha?”

ZAKINIU 28:68

AMPEU no ashukaki lono Ijip lo nongu saide puwuve nani, pano nonguye tilau itaghi khilemu wukithemo nani kepi pivea kemu. Tilau nonguno noghumi lau aqemi shinike nolikhi nojesuniye pukaputsa nani ikemu khuunomu nongu qhulu nishimo nani.”

HOSIYA 11:5

“Panonguye ilau ideighi mopike, tighenguno panonguye Ijip lau idewu masae eno Asiriya no panoqo shou ayeh pe nani.

LESHELE 20:7

Timi khamiye aghushilo peithakeu khurkulu pukhupe qheza cheni eno khamino khurshi pukhu cheni, ikemu ninguye AMPEU ningu Lhou je pukhupe acheni.

KUKAMI ATUGHIU 4:26

Solomon ye pawu khurkulu sunhekeu khurshi tsu 40,000 eno khurshi kusami 12,000 ishi ache.

IPEKULU 13:17

Kughou Ijip lo akukauno timiqo pelo wuvepe keno, AMPEU ye azughi kumxa lo Filistiya kudau wukeu laghi lono Israilmi sawumoke, tipalano akughukhou la shia kemu. Alhou no ishi kumsuve, “Niye timiqo pelo panonguye aghushi kepushive keu ithulu kelo amlo kiliveno Ijip lo xaidewove penishi moe”

KUKAMI ATUGHIU 1:5

Itehi David ngo Haggit pama nu Adonija no pa likhi pa putsaghi pi, “Ino akukau shiluveni;” eno pa kutoshino khurkulu eno khurshi kusami gholo timi lhopungu kutolo kutono pa zulo pojupe.

IPEKULU 14:13

Muse no ishi khochile, “Musaichi kevilo! Nonguno khile anikeno ithakevilo eno nonguno ishi tsalalo AMPEU no nongu xalunike kiu shinikeno ithulu nanike, nonguye Ijipmi hipaqo khilemu ithulu kithe move nanike.

HOSIYA 14:3

Asiriya ye khilemu nixamlake, aghushi khurshiye nisushomlake. Ninguye khilemu nino ajulho shipe qhikeu vilo panonguye niLhou kepi itaghi pikithemoake. O AMPEU, khunoqono khuu laumu tsughuwu kepu kuhakeno tipaqo shou okikimiye piyetsulo.”

SAMUEL AKINIU 8:4

Tileno David no pawu khurshi kipemi 1700 eno aghukishimi pano 20,000 kutolo leluvetsu. Pano khurkulu 100 ghenguno lukumkhashi khurshi qhiluveno achiliye kumtsu apukhu kighichevetsu.

SAMUEL ATUGHIU 8:11

Samuel no kishe kulushi pi, “Nongu kukauno hitoi nongu peitha nani, pano nongu nuli pesu ghushimi shi nani; panongu gholo khami no pawu khurshi lo sakicheu shipe nani, khamino khurshi lono ghushimi shipe nani eno kutamiqoye pau khurkulu zuu chewu keu shipe nani.

YEKIKITHI AKINIU 9:25

Akukau Solomon ye khurkulu ngo khurshi ghenguno ghi aki chebo 4,000 ake eno aghushilo peitha chekeu khurshi 12,000 hamiye Jerusalem lo qhipua che ikemu kutau qoye aphughi kutauqolo qhipua che.

IPEKULU 13:18

Tipa zuqhulo, pano panoqo sasu asayeqha vechewo ala veho muxa keu la lono Akuhu Zughi kudau sawuke. Israilmiye Ijipmi yeghi lono aghushi kepushi aghunanu kutopesu wuke.

YEKIKITHI AKINIU 1:16

Akukau ghinimiqono Musri ngo Kilikio lono khurshi jepuwu nikeu lakhave eno Ijip lono khurkulu jepuwunikeu lakhave.

ISAIAH 2:7

Panongu yeghiye tsandiyi ngo shunayino chhivae eno panoqo wu akini pekutsukeu-aye ashekha kuhamithevae. Panoqo yeghiye khurshino chhivae eno panoqo wu khurkulu kumzapushi qhevae.

JEREMIYA 42:19

Tileno ino itaghi pi, “Nongu Juda lo ghupe puaghikemi vilo AMPEU no Ijip lo wukevilo pi pivae. Ike itehino ino nongu vilo kutughuve anike

MICAH 5:10

AMPEU no pi, “Tipa ghuloki lono ino nowu khurshiqo luvetsu nani eno nowu khurkulu kutsa khavetsu nani.

KUKAMI ATUGHIU 5:6

Tighenguno owu timiqo Libanon lo puwuno ighenguno Kedar subo yeqhitsulo. Iwu timiqo no owu timiqo sasu kuqhano mla nani eno ino kiu kiumu owu xakutha kiqi lono ajume panongu tsuni. Kughengu nono ithi anike, ninguye Sidonmi toi tokta ghatha thikemi kuhae.”