ZAKINIU 16:19 - BAIBEL (BSI)

¹⁹ Panonguye kughatha keulo amikuchokumo momu agi kuju shikevilo; panonguye kulugho lukevilo kughengu aghotsu keuno alokutsumi eno amikuchomi nhethi ghi kighichevetsu cheni eno panoqo pelo akumou xakutha tsuve chenipeke.

Sumi Naga CL (Re-edited) Bible (BSI)

¹⁹ Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

ZAKINIU 16:19 Referans Kwoze

ACHINE 19:15

“Atsakugha kepulo kughono xakutha tsunikeno amikucho eno achipiu shilo; kumlhomi lau xadakevilo momu kinimi musave kevilo.

IPEKULU 23:2

Aqo akichiu shi aghinamu panoqono akumou shi aghi aye tipaqo papewu kevilo momu kuchou xakutha suchighiveni keulo ashepe shitsu kevilo;

AHOLE 17:23

Kusakugha kughakuthami qono tuqho tughouno kulugho tsukeu luveno kuchou xakutha shitsu chemoe.

HABAKUK 1:4

Ayezah miqemilei eno adou shiauvae eno kuchou xakutha shitsukeu kuhae. Alhoksamino amikuchomi kopuhavae eno tishikehu kuchou xakuthaye shichighivae.

ZAKINIU 24:17

“Inaghami ngo mighimgha chipiu ikhiluvetsu kevilo eno topu chimemi lakhino pisa nalukeu ghenguno tipau thelilo aphimini qhipuaghini keu lukevilo.

ZAKINIU 10:17

AMPEU nongu Lhou ye kutau lhouqo eno akuka kutauqo kumtsu nguno akiqheuke. Paye kije eno akumtou ke eno pa sumsa kepu ke. paye agi juchemoe eno kulugho luchemoke.

ISAIAH 1:17

achipiu shini keu shikalulo. Achipi lono xathakeu phulo, nedaqoda vekemiqo xaqhelo, mighimghaqo saphulo eno chimemi susholo.”

YETSAPIU 7:7

Kughono alokutsumino kutami pishiqhini keno paye mbomzumi lakhi toi shianike. Nono kulugho luaye ow ghusho ghili shipusave ani.

AHOLE 24:23

Alokutsumino hipaqo ghi pipe puatsuake: Kughakuthami lakhino agi jukeuye alomoe.

ZAKINIU 27:19

‘Timi khuuno inaghami ngo mighimgha eno chimemiqo chipiu shipuhave tsuni keno Alhou no musuini keu pa shou ani.’ Eno timi kumtsuno khochileni,’Amen!’

Apostolmi 23:3

Ikelo Paul no pa vilo pi, “No ashou likhi metsughoi nudapusu akeu tozu! Alhou no oghaqhi nanike. Noye Ayehtsa kiqi lono ishou kughathabeniye tile iqa pula-ghi Ayehtsa hebideghi panoqo vilo ihelo pi ahza tsu ani!”

Apostolmi 16:37

Ikemu Paul no kijemi vilo pi, “Nino kiumu kuqu mokemu panonguno mishi zulono ni hepuani, eno ninguye Rom ghakhumi ke! Ikeghi akughukilo ni khathave ishike. Ipuzu panonguye itehiye tuqhouno ni phepuwuveni pi ani kesha? Khilemu tishimlae! Rom kuka yehkipemiqo ampino hila ighieno ni ikhiphe masae.”

Apostolmi 10:34

Pitor no ishi pithu: “Kuchouno ino jupililu akeuno Alhou ye timi kumtsu aphi-phi lono peitha cheni.

MICAH 7:3

Panongu kumtsu alhoksa shinikeulo shitsake. Kijemi ngo kughakuthamino kulugho khu cheni. Kijemiqono panoqo vilo pano mlolo shinishi akeu picheni ikehu panongu kumtsano akukughu shi cheni.

EZEKEL 22:12

Nowu timi khamiye atha ajume ithuluniye timi ghiqhi cheni; khamiye pano kusami Israilmi lau punakeulo akighishe khulu cheni eno tipaqo shou akumo akukuhau shikeu lono kinikulu shiluve cheni. Panonguye ikumsumaveke.” Akughushu MPEU no piveake.

JEREMIYA 5:28

Panonguye aqu leleshi chhiboyi anike panonguno alhoksa kumla shikeulo tavae pikeu kuhae. Panonguye mighimghaqo pelo pano chipiu ithulupe chemoe momu neda qodape akeqo lau kuchou xakutha piye chemoke.”

ISAIAH 33:15

Nonguno achipiu picheni eno shicheni aye nonguye xukulupu shinani. Nongu kuka peitha puzu kumlhomi pishiqhino kulugho lukevilo. Timi ghiqhinike kumqu kemiqo gholo ilokevilo momu kutau alhoksa kumla shikevilo.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

AHOLE 24:28

Akiqi akivi kuha keloye timi kutami shou thopi tsa pipuku kevilo momu pa ghili akumo akukuhau pikevilo.

SAMUEL ATUGHIU 12:3

Ino hile aphi lono tsalatsa ino kiwala kuqupimi puaghi aye itehino AMPEU eno pano kishephetsu keu akukau zulono ingukulu velo. Ino khuwala wu amshi momu gadaha lupuaghi aye, ino pishi piyi puaghi aye momu khuala qodaneda keu shipuaghi aye, ino khuala lau kulugho lupuaghi aye, ino thime hipaqo mlapuaghi aye, tipau thelilo lochileveni.”

SAMUEL ATUGHIU 8:3

Pamaye pama papuno shi piyekeu kuxu laghi papemoe; ikemu kishino pisa ithulu masakeno tiu likhi amlo tsusheuve, ikehu pamaye timi launo kulugho luveno khilemu amikucho shi atsa kugha xathatsu moe.

IPEKULU 18:21

Ikemu tinguno alauno, pilu shilukemi khami kishelu puzu timiqo sakiphemi shipenike susu kepue: 1000 sakiphemi, 100 sakiphemi, lhopungu sakiphemi eno chighi sakiphemi ishi. Panonguye Alhou sukumsami, pukhubekulumi eno tuqhouno kulugho chumo kemi shimasake.

IPEKULU 23:3

momu kumlhomi shou kughatha akelo pa lau agi jukevilo.

ZAKINIU 16:18

“AMPEU Alhou no nongu tsukeu taun kumtsulo kughakuthami ngo kijemi sukusu shipe qhilo. Timi tipaqoye agi jumono timiqo shou kughatha tsulo.

SAMUEL ATUGHIU 8:1

Kughou Samuel no kitemi shiwuve keno, pano pa nuli pesu Israil lo xakuthau shivetsu.

LESHELE 15:5

Khunono akighishe lumono pawu pisa puna cheni eno pimimokemi shou akipimi tsuniye kulugho luchemo keno; Timi hitoi shichekemiye khilemu iqemo nani.

AHOLE 15:27

Amikuchokumo lono kighisheluniye pukaputsa aye noye akibolomi sasu akupunalo ilove nani. Kulugho tsukeu lukevilo eno noye axushu nanike.

AHOLE 18:5

Pimivekemi saphuveno pimimokemi pelo kuchou xakutha ithumlave pekeuye achipi kumoe.

AHOLE 31:5

Panonguno ajishove aye, panonguye ayezah kumsumave cheni eno timiqono avehupushi akeu achipiuqo kughuchovetsu cheni.

ZAKINIU 27:25

‘Timi khuuno pimimo kemi heqhinike pisa luni keno Alhou no musuini keu pa shou ani.’ Eno timi kumtsuno khochileni, ‘Amen!’

EZEKEL 18:8

akighishe luchemo momu alau luvetsu chemo, alhoksa jelilo chhosumo eno timi dolo kuchou xakutha peitha cheni keno