ZAKINIU 15:23 - BAIBEL (BSI)

²³ Ikemu tipaqo jih chukevilo; tishinike zuqhulo tiye azu toi ayeghilo kighijivelo.”

Sumi Naga CL (Re-edited) Bible (BSI)

²³ Lhoxü tipau ji likhino chumoni; ti ye azü pele keshi ayeghi lo kighijive lo.

ZAKINIU 15:23 Referans Kwoze

ZAKINIU 12:16

Ikemu nonguye tipaqo jih chukevilo; nonguye azu peleve keshi tipaqo jih ayeghilo kighijivelo.

ZAKINIU 12:23

Tishi keulo ashi gholo ahji akeu chu kevilo kughengu akuxuye ahjilo anike eno nonguye ashi gholono akuxu ghi chu kevilo.

ACHINE 7:26

Israilmi ye khile khile xu aghi pinamu panonguye khilemu ashi aghau jih chukevilo.

EZEKEL 33:25

“Ni, Akughushu MPEU no kiu piani keno tipau panoqo vilo pilo: Nonguye ashilo ahji pususu aphi lono tipau chuke. Nonguno asu-atu julho mllake. Nonguno ghiqhi chenike. Kiu lono ayeghiye nongu wu kepi kumsu kepushi ani kya?

SAMUEL ATUGHIU 14:32

ikehu panonguye aghumi launo kiu suxalu keno tipaqo shou hitoi shive, bheri eno amshiqo pututa a-a lono ghiqhipuzu aji pususu aphi lono chuve.

Apostolmi 15:20

Ikemu panoqo lau yesu yepe puwu kepu eno panoqo vilo asu-atu chineno kitiqevekeu chuqupu chupemonike, salha shupu pemonike; eno tsukiqhikeu lhoxu ngo ahji ishi chumokepu shi pivekepue.

BOTHUBO 9:4

Ikemu akuxu akeu shi, tiye tile aji apulaghi nonguno chukevilo.

ACHINE 17:10

Israilmi na aqoaholo inaghami xu achekemi namu timi khuuno ashilo ahji a-ghi chuni keno AMPEU no pa junishimove nani eno paye pawu timi kepi kihisumove nani.

ACHINE 19:26

“Ashilo ahji apulaghi tipau chukevilo. Kuduu jeli lakhimu shikevilo.

SAMUEL ATUGHIU 14:33

Tileno panonguno Saul vilo pi, “Julo, timiqoye aji gholono chuvekeu ghenguno AMPEU lau axine shivae.” Pano pi, “Nonguye jekuchumiqo! Atuqu kije lakhi pesu hileno ishou kulupukulo.”

ZAKINIU 12:15

“Ikemu nonguno khile xuni keno tipa-a lono notsuaqu heqhino chulu nani. AMPEU no nongu tsukeu khijehi chunishi keno chulu nani. Achinelo mithena mithemo namu nongu kumtsu aqhu ashe shi chuke toi tipaqo chulu nani.

ZAKINIU 12:24

Ahji pesu achuqupu shi peitha kevilo; tishimono tiye azu toi ayeghilo kighijivelo.