ZAKINIU 13:4 - BAIBEL (BSI)

⁴ AMPEU pape chelo,pa sumsalo, pa gholulo eno pano ahza tsukeu pelulo; pa mllalo eno pa lau amikucho shilo.

Sumi Naga CL (Re-edited) Bible (BSI)

⁴ Ampeu nongu Lhou papelo, Pa sümsa no Pa zakütsüqo pelu lo, Pa tsa inilo, Pa huthu no Pa tsüqüpe lulo.

ZAKINIU 13:4 Referans Kwoze

Kolosiami 1:10

Tishino nonguye Ampeu pulou lono ame kua kuxu xulu, pa lokiqipu shilu, akumla kivi kumtsulo athi pithilu eno Alhou kighithi alau shilu ishi nanike.

ZAKINIU 10:20

AMPEU nongu Lhou gholulo eno pa likhi mllalo. Pa lau amikucho shi achelo eno pa jelo likhino nowu tushoqhilo.

1 Kor. 6:17

Ikemu timi khuuno Ampeu sasu kimepe ani keno paye Ampeu sasu amlo lakhi shi anike.

JEREMIYA 7:23

Ikemu ino ahza tsukeuye igholulo pike, tishianguno niye panoqo Lhou shi eno panonguye iwu timi shipeniyeke. Ino panongu vilo pikeuno ino ahza tsukeu pesu xulo pike tishianguno panoqo ghenguno thwokha akivishi achepe niyeke.

YEKIKITHI AKINIU 34:31

Pano kukami tsukucho phivilo puthugho puzu AMPEU sasu puloshoqhi shi,tiye pa ghokulu shini keu,pa mlo eno pa ngulho kumtsu suno pa yezah ngo ahza kutsu papeni keu eno kakulo yepuake toi puloshoqhi lo kiu shimasa kepu shi ani keno tipaqo mlaithani keu shike.

KUKAMI AKINIU 23:3

Pano atsukucho phivilo puthugho eno AMPEU ghokulu shinike pa lau puloshoqhi shilu, pa yezah eno ahza kutsuqo pa mlo eno angulho kuchopu suno pewo nikeu eno kakulo kiu yepuaghi keno akupulo shoqhilo sukuqhaghi akumla lono mlapiye wonikeu shoqhi shilu. Timi kumtsuno puloshoqhi pimhe wonike ghenguno tushoqhilu.

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

ZAKINIU 30:20

AMPEU nongu Lhou qhuivulo, pa gholulo eno pa lau amikucho shilo, tishi aye nongu eno nopolo kughukomi pano nopuasu Abraham, Isak eno Jakob tsuni keu shi tushoqhive keu yeghilo kushuwa xulu nanike.”

ZAKINIU 6:13

AMPEU nongu Lhou sumsalo, pa likhi mllalo eno pa jelo likhino ashoqhi shilo.

Rommi 6:13

Momu nongu phia-u axine kudau ikhipe tsughi kusakugha laghi lono peitha pekevilo. Ikemu akithi lono akuxulo saghivekemi kehu Alhou lau nongu kuxu ikhiphepe tsulo, eno nongu phia-u amikucho vehupu shi peitha penike ikhiphepe tsulo.

Luke 1:6

Pama kini kujo Alhou zulo amikuchoshi xu ache eno Ampeu no ahza eno ayeh tsukeu aghokulu shi peche.

2 John 1:6

Ninguno pano ahza tsukeu peluaye tiye kimiyekeuke. Inahu abothu lono nongu kumtsuno chiluveake, ahzakutsu huye hike: nongu kumtsu kimiyekeulo xuchelo.

SAMUEL ATUGHIU 7:3

Samuel no Israilmi vilo pi, “Tsala nonguno amlo kumtsu suno AMPEU lau xatsughu ighinishi aye, shoinami lhouqo kumtsu eno Astar lhouliu julho kumtsu phevemasa. Nonguye AMPEU lau kumtsu ikhiphe pesu tsuvelo eno pa likhi mllalo, tishi aye pano Filistiyami kuka lono pano nongu xaphe luve nani.”

ZAKINIU 6:5

Omlo kuchopu,ongulho kuchopu, eno okumto kuchopu pesu AMPEU nongu Lhou qhuivulo.

ZAKINIU 11:1

“AMPEU nongu Lhou qhuivulo eno pulhapujulo pa yezah kumtsu pelulo.