ZAKINIU 13:13 - BAIBEL (BSI)

¹³ noshiayehlo ame kuhamithe kemi khamino taun lo akemi musu sasu nonguno khilemu mlla chemokeu kutau lhou mllanike sawuve keu nonguno chiluvike.

ZAKINIU 13:13 Referans Kwoze

1 John 2:19

Timi hipaqoye kuchouno niqonihomi kumoe ikehu ningu launo wuvae. Panonguye niqonihomi keaye panonguye nigholo ngo aghini cheke. Ikemu panonguye wuvae, tipau kiqiye panonguye niqomi kumo kepi mutsuqheyi ithive peniyeke.

ZAKINIU 13:2

tiye nongu msu sasu alhou kutau puzuu nonguno mlla chemokeu lhou qe eno mllauve peniye shi aghiluvi. Pano kiu tushoqhi keno tipauye kuchouno shikupuve namu,

Jude 1:19

Timi hipaqono kijethakeu huthuphe cheni, ayeghilo kuxu likhi amlo tsukemi, Aghungu Kimthe kuhakemiqoke.

2 Kor. 6:15

Khristo ngo Tughami pama kuqhakulupu kesha? Kupulumi lakhiye pulumokemi lakhi sasu kiu aqu shiakepu ani kya?

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

KUKAMI ATUGHIU 21:13

Timi ghusho chekeu atuna pamano Nabot ye Alhou eno akukau ghusho vea pi ngukuthuve eno pa sasu aphughi khalacheu saipeno kughupe puakeutoi atuno pa veqhi pithive.

KUKAMI ATUGHIU 21:10

Timi ghusho chekemi atuna lakhi pesu pa gizulo kughuqalo eno pama pelono paye Alhou eno akukau ghushovea ipive pelo. Tishino pa sasu aphughi khalacheu saipeno atuno veqhi pithivelo.”

SAMUEL AKINIU 20:1

Tishi ake lono ighono aghili suqe avehu kuha mithe kemi Gilgal lono ighikeu Bikri nu Sheba, Benjamin lagha lono iko ighikeuno tipa alo aghi. Pano afukolo ighasuno pi, “David ikhi qhivelo! Ninguye pa papemoe! Israilmiqo, ningu akilo woveni kholo!”

SAMUEL AKINIU 16:7

Shimei no pa ghushoqhi ghi pi, “Chevelo! Chevelo! Ghikiqhiu! Akumla lhoksa kishiu!

SAMUEL ATUGHIU 25:17

Tighenguno tipau ghili kumsuluno kiu shimasa keno kughakutha shilulo. Kughengu shikupusa ningu mpeu eno pa laghaqo kumtsu shou ighiniye kuto ani. Paye pa gho kumoaye kutami tsa ini nichemoe!”

SAMUEL ATUGHIU 2:12

Eli nuliqo ye ighono timi lhoksami shive. Panonguye AMPEU lau kumu amlo tsumove.

XAKUTHAMI 20:13

Itehi Gibea lo timi khunoqono alhoksa kumla shikeno tipaqo niulo phesuve tsulo, tishi aye nino tipaqo heqhi pithiveno alhoksa kumla hipau Israil yeghi lono ikhipeveni ke.” Ikemu Benjamin lo timiqono Israilmino tishi piamu kumu atsa initsumoe.

XAKUTHAMI 19:22

Panonguno chu-sho no alokughuno shi ngo akelono aphughi lo timi lhoksamino ighino aki suhu pesu ngoluve. Panonguno ahukikha kukhu eno ighamuku amchou vilo pi, “Itehi ogholo ighikeu timi hilau pipelo! Ningu ye pa sasu ashiaji kuqhani shi ani!”

ZAKINIU 13:6

“Othikuzuu, onu, onga momu nono kimiye chekeu nipu momu oshou kuchou namu tuqhouno ovilo kutau lhou mllanike ohakite aghiluvike, nongu eno nopuasuqono khilemu mlla chemo keu lhou mlla peniye shi aghiluvike.

1 John 3:10

Alhou nuli ngo Tughami nuliqo dolo kutuqu akeuye hipau lonoke: khunono achipiu shi chemo keno Alhou laumi kumoe eno khunono athikuzumi kimiye chemo keno tipaqoye Alhou laumi kumoe.

YEKIKITHI AKINIU 13:7

Tipa shelo, pano ame kuhakemi kusakughami amqo lakhi hekutsu kumqoke eno panonguno Solomon nu Rehoboam shou panoqo gho pulou inadapuku ke, paye alhothe eno puju shiju keu kuha kehu tipaqo mujochile mlave.

KUKAMI AKINIU 17:21

AMPEU no Israilmi pesu Judami launo kututa shivetsu kethiu, Israilmiye Jeroboam, Nebat nu pesu panongu kukau shiluve. Jeroboam no panongu pesu AMPEU launo kututa shivetsu eno panongu sasu ighono lhoksakugha xine kuxulo sailove.

SAMUEL AKINIU 23:6

Ikemu Alhou sumokemi timiqoye asahu ikhipeve ketoi peve nani; khuunomu a-u kumsa ye panongu bumo nani.

SAMUEL ATUGHIU 25:25

Kimiyeno, Nabal ghenguno kumu omlo shimo tsukevilo, paye kumu avehu kuha! paye pa je kiqi shi tumhotuzu lono xuacheni. Nono oqemi hapuwuke ghulokilo niye tile kuhae, Akijeu.

SAMUEL ATUGHIU 10:27

ikemu timi khami kumu avehu kuhakeqono pi, “Kishi puzu timi hipauno nilau kiu akivi kumla shilunia?” Panonguno Saul piputha eno kumu agho suwo pa tsumoe. Ikemu paye inaqhoive ke.

ZAKINIU 4:19

Atsutsu lo kiu ithulu ani keno tsukinhe aqhi momu ayepuqo mlla eno qenikeulo msuluve pekevilo. AMPEU nongu Lhou no timi kutami pelo tipaqo mlla penike tsuve ake.

ZAKINIU 13:12

“AMPEU Alhou no nongu tsukeu taunqolo nonguno kughunaluve kelo,

ZAKINIU 13:14

Tikithipu uyeu sutsa chilu aye abo akeshi phujulo eno alhoksa tikithipu kuchouno shipuaghi aye,

ZAKINIU 17:4

Tipa tsa chilu kelo nonguno akivishi tipau phukide kudajulo. Kuchouno alhoksa hikithipu Israil lo shipuaghi aye,