ZAKINIU 12:17 - BAIBEL (BSI)

¹⁷ AMPEU mllakeuye kiu kiu shi aghi namu: chighi sajelo tsukeu thi, atsayi-ji, oliv teli momu nomishi ngo bheri piti tughiu jeli, nonguno AMPEU lau agho tsuni keushi tushoqhive keu, nonguno puloniqhiyi tsukeu kumllagho momu akumllagho kiukiu shi aghi namu nonguno khile xu acheni keno tipa aloye heqhi chu kevilo.

Sumi Naga CL (Re-edited) Bible (BSI)

¹⁷ Now athi, atsaizü, thazü, eno amishi ngo ambe piti tüghüu lo chighi saje, momu ashoqhi kümllagho, pulokini kümllagho, eno akimchi kümllagho thaqhü ye nongu no küghüna akeu phughi lono chumoni,

ZAKINIU 12:17 Referans Kwoze

ZAKINIU 26:14

Ino mloqa akelo niye tipau kiumu chupuamoe; ino achinepulo mithemono akelo tipau lono kiumu ikhi pesu iki lono halau ipemoke; eno tipau lono kiumu ikhi pesu kithimi ghenguno akumllagho tsupe puamoe. Niye aghokulu shike, O AMPEU; nono chighi saje ghenguno ahza tsukeu thwokha kumtsu ino shipuani ke.

ZAKINIU 12:6

Tilehi nonguno aghashikeu piti pesu mllalo eno nongu wu kutau aghashikeu gho nowu chighi saje akumllagho, nonguno AMPEU lau tushoqhive keu gho, nowu puloniqhiyi keu gho eno nowu amshi ngo bheri piti tughiuqo pesu mllalo.

ZAKINIU 26:12

“Ampe akuthukulo nowu tuxa tini lono chighi saje lakhi pesu Levimi ngo inaghami ngo mighimgha eno chimemiqo tsulo, tishianguno aqoaho kumtsulo panonguno chukepu avehupu shi akeu ithulupelo. Nonguno hipau shive puzu

ZAKINIU 12:26

Nowu akumlagho ngo nonguno tushoqhive keu ghoqo pesu mllakepu a-a lakhi akeulo pewulo.

ZAKINIU 12:11

AMPEU no a-a lakhi likhi kishetsu nani, tipa-a lono pa mlla kepushi nonguye tipa alo ino ahza tsuvekeu kumtsu pa lau sughi masake. Nonguno piti pesu aghashinikeu eno kutau aghashi kepuqo, nowu chighi saje eno akumllagho eno akimchi gho nonguno AMPEU lau tushoqhivekeqo sughilo.

1 Kor. 10:18

Israilmi ghili kumsukutojulo; khunoqono mllakeugho chuni keno panonguye akumllagho kiptialo kuposhu anike kumo kesha?

SAMUEL ATUGHIU 1:4

Elkana no pa ghakishi kumlla tsukeu kumtsulo ashi saje lakhiye pesu Peninna ngo li nuliqo tsuche.

YEKIKITHI AKINIU 31:14

Levimi Imna nu Kore no Achineki Kipelau Khagho lo Ghukhemi atou shiche keuno AMPEU lau agho sughi keu ikhilutsuni keulo eno kije pesu tsuni keulo ampi shike.