ZAKINIU 1:44 - BAIBEL (BSI)

⁴⁴ Tileno naghuto hupaqolo achekeqo Amarimino akhi takeshi nongu shou ikughike. Panonguno Horma kutolo nongu haighike eno Edom lo naghuto ghakhu lono nongu leluveke.

Sumi Naga CL (Re-edited) Bible (BSI)

⁴⁴ Tileno ato yeghi lo küxümi Amorimi no akhi tache keshi nongu shou ikughi no Seir lono Hormah kutolo nongu leve.

ZAKINIU 1:44 Referans Kwoze

LESHELE 118:12

Panonguno akhi toi kutuqu pesu isumxaluve, ikemu asahuli gholo ami aketoi panonguye pitiqhive, tiye AMPEU kuka lono ino panoqo kutsave!

AKIKIHI 14:45

Tileno Amalekmi ngo Kananmi tilau kughuna akemi no Israilmi hale ighi no panoqo theqhiluve eno Horma kutolo hakuqosu ighike.

ISAIAH 7:18

“Tipa tsalanino, AMPEU no kutughukeu shighi miji kunani, tiye Ijip lo aghokiqo kudauno Ijipmino amthuno taighikeshi ighipeniyeke eno Asiriyami pelo akhi taighi keshi pano yeghi kudauno ighi peniyeke.

AKIKIHI 21:3

AMPEU no panongu shoqhi chiluveno panongu pelo Kananmi shou toluve penike kuphutsu. Ikehu Israilmino tipaqo ngo panongu phughi qhoi kutsaleve eno tipa a pesu Horma kuvetsu.

ZAKINIU 32:30

Kishi puzu qhethonhe lakhiye milakhino leluve, qhethonhe chighiye mikinino leluve kya? AMPEU, pano Lhou ye pano qhive; pano wu akumto Lhou ye panoqo tsupuwuve.

ZAKINIU 28:25

“AMPEU no noghumiqo pelo noshou tokulupu shive penani. Nonguno aqha lakhi kudauno panoqo leighi nani ikemu nonguye panoqo launo apanagha kuhapove nani, eno nongu shou kiu shi ani kela tipau ithulu pesu ayeghilo timi kumtsu no thughuive nani.

JOSHUA 7:5

Ai mino Israilmi timi shighi tsugho pithive eno panongu phughi liwo lono hasusu Shebarim kutolo ha ighi eno panonguye amlo have no msave.