ZAKINIU 1:19 - BAIBEL (BSI)

¹⁹ “AMPEU ni Lhou no ahza kiu nitsu keno ninguno tipau shike. Ninguno Sinai Toghi qhiveno aghaghi eno kumsa kimshipu sayeqha katha susu Amarimi naghuto la kudau wuke. Ninguno Kades Barnea tokelo,

Sumi Naga CL (Re-edited) Bible (BSI)

¹⁹ “Tishino Ampeu ni Lhou zakütsü kiqi lono, ningu no Horeb lono chesü Amorimi ato yeghi lo wucheke laghi lo kümsapu sayeqha nongu no ithulu keu kathasü wuno Kadesh-barnea lo ighie.

ZAKINIU 1:19 Referans Kwoze

ZAKINIU 1:2

Sinai Toghi lono Kades Barnea kudau izuwuni kelo Edom lo naghuto la pulakeloye atsala chighi qhaqhi luchenike.

JEREMIYA 2:6

Panonguye Ijip lono ino xaphe saghi keghi panonguno niye khuu kela mthake; ino timi kughunamoke alo panoqo sapiye: asayeqha eno balu saye toghi yeghilo, qhayikeu eno akumsapu yeghilo, timi khuumu ngochemokeu alo eno khiu nomu kicheghuzu shichemokeu alo.

ZAKINIU 8:15

Akumsa kuighupu sayeqha kathasu pano nongu sawuke tile tughu kupu pighi ngo achuwapaza acheke. Qhai azu kuhake yeghi tipaulo pano nongu ghenguno atuqu kuloghi lono azu qoipeghi peke.

ZAKINIU 32:10

‘Panonguno asayeqha lo itsuche kelono pano panoqo phulu, tiye kughukughalei amlhuno fuchighikeu sayeqhae. Pano panoqo susholu eno tucho hejuluve tiye pa likhi pa susholu akeshie.

AKIKIHI 13:26

Paran sayeqha lo Kades ipikeu alo Muse ngo Aron eno Israilmi laghaqo lau ighi. Panonguno kiu ithulu keno tipau pesu pitsu eno axathi panonguno sughikeu pesu panongu piyeke.

AKIKIHI 10:12

eno Israilmiye Sinai Sayeto lono chesu wuve. Khungkusu huno Paran Sayeqha shou ngove.

AKIKIHI 32:8

Nongu papunoqo ghi ino Kades Barnea lono panoqo pelo ayeghi xujuwu peniye puwu keulo titoi shiveke.

ZAKINIU 1:7

Aghazu xavelo eno iqe wuvelo. Amarimi naghuto qhalo eno tokujo kumtsulo wulo-Jodan khilalo, naghutoqha kudau eno Mediteriya Zughi sukumxalo wulo. Kanan yeghilo eno Libanon naghutoqo hechesu aghoki kije Eufrati kutolo wulo.

ZAKINIU 1:20

ino pike,’Itehi nonguye Amarimi naghuto qhalo ighiluvae, tipauye AMPEU ningu Lhou, nipuasu Lhou no ningu tsu anike. Julo, hu anike. Pano ahza tsuveke toi wulo eno ngoluvelo. Izuicho kevilo momu msakevilo.’

ZAKINIU 2:7

“AMPEU nongu Lhou no nonguno mlakeu thwokhalo kishi nongu kumghatsu keno kumsuchilelulo. Nonguno asayeqha hipapahi vechesu itsusu wuchekelo pano nongu tucho hijuke. Paye hi ampe lhobidi nongu gholo aighiveake eno nonguye nonguno avehupu shikeu kumtsu ithuluke.

AKIKIHI 14:14

panonguno ayeghi hipaulo kughuna akemiqo vilo pinani. Timi hipaqono chilu puakeuno, AMPEU no ningu sasu acheni, kughou owu khungkusu no ningu shou ngoveni keno tileno vezalei oithuluve ani, puchouno khungkusu tsukucho lakhi lono eno putholo ami tsukucho lakhi lono ningu zuu cheni kepi ithi akhanike.

JOSHUA 10:41

Joshua yeghiqhaye apeu Kades Barnea lono Gaza zumku Goshen bocho sukuqha ghi shive.