ZAKINIU 1:10 - BAIBEL (BSI)

¹⁰ AMPEU nongu Lhou no nongu pelo atsutsulo ayepuqo jejehi kutomo shivetsu ae.

Sumi Naga CL (Re-edited) Bible (BSI)

¹⁰ Ampeu nongu Lhou no nongu kughukove tsüae, julo, itehi nongu ye atsütsü lo ayepuqo jehivae.

ZAKINIU 1:10 Referans Kwoze

ZAKINIU 10:22

Nopuasuno Ijip lo iqi kelo pano lhotsuni likhi ke ikemu itehiye AMPEU nongu Lhou no nongu pesu atsutsulo ayepu jejehi shivetsu ake.”

ZAKINIU 28:62

Atsutsulo ayepu akeu jejehi nonguno alau ikowove aghi namu nongu gholo aghulo likhi puxulu nani kughengu nonguno AMPEU Alhou gholumo kehu.

IPEKULU 32:13

Oqemi Abraham, Isak eno Jakob kumsuchilelulo. Nono tsaqutsalei keu shoqhi panoqo lau shikeuno atsutsulo ayepu akeu jehi panoqo polo kughukomi shitsuni eno nono tsunikeu shi tushoqhi vekeu yeghi pesu panoqo polo kughukomi ghenguno alhokupuju mheghi shipe nikeu shi akeu kumsuchilelulo.”

BOTHUBO 22:17

ino shishe okumghatsuni eno oti kughukoqo shishe kighishe tsunie. Panongu ye atsutsulo ayepu je-jehi eno azughi mukulo asaye je-jehi shi nani. Oti kughukoqono aghumi liwo khasulu nani:

BOTHUBO 15:5

Pano pasasu qhaghalei keu-alo saipe puzu pi, “Kunguu jupuku julo eno nono kihi kulupu aye ayepuqo kihi julo.” Pano pa vilo pi, “Opitiye tijejehi nani.”

BOTHUBO 28:14

Otikughukono ayeghi mukhu jehi nani, eno otikughukono kipelau ngo kulolau, ahuu ngo apeu qhanhawo nani. Ino no eno otikughuko kumghatsu kehu toi ashiayeh kumtsuno pano kumghatsu peniye ivilo iniju nani.

NEHEMIA 9:23

Atsutsulo ayepu jejehi nono atianuli kutomo pesu panongu tsuke, panongu pelo ayeghi leluve eno kughunaluve pe tipauye nono panongu tsuniepi pano puasu qo lau tushoqhive keuke.

IPEKULU 12:37

Ramese lono Sukot kutolo Israilmiye apukhu no chesusu wuke. Tilehi totimi ngo ititunuqo kihi kuqha mokelo timi asakithe 6,00,000 cheke.

YEKIKITHI ATUGHIU 27:23

Akukau David no Israilmi apunu mpe muku qhouye kihi moe, kughengu AMPEU no Israilmi atsutsulo ayepu kikihi toi ikowo peni pi piqhipuae.

AKIKIHI 10:36

Kugho kughomu tipauno ngoveni kelo pano ishi piche, “AMPEU ide ighilo, Israilmi qhethonhe kibo shou ighilo.”

ZAKINIU 1:11

AMPEU nongu puasu Lhou no pano tushoqhiveke toi ghuthu qhethonhe kutolo alau nongu kighishe pukutsu eno nongu pelo kinikulu shilupelo!

ZAKINIU 7:7

“AMPEU no nongu kimiye eno nongu kishelu keuye nonguno kutami nguno kutomo keghenguno kumoe; nonguye ayeghilo ashiayeh aghulou ke.

ZAKINIU 26:5

Tipathiu AMPEU gizu lono nonguno atsa hipaqo pikibewolo: ‘Ipuasuye Aramiami lakhike, itsu itsuche kemi pa kibolomi sasu Ijip lo kughuna niye wuke. Panonguno tilau wuke ghulokilo panonguye aghulo likhike ikemu akuka kumto eno anoghi shiayeh lakhi shiluve.

LESHELE 107:38

Pano pawu timi kumghatsu eno panongu pelo atianuli kutomo achenipe; eno panongu wu pichepighi puha mono khetsu acheni.

ISAIAH 51:2

Nongu pasu Abraham kumsujulo eno nongu iko ighikeu Sara kumsujulo. Kughou ino Abraham kulukeno tilehi paye atianuli kuhake, ikemu ino atianuliqo pa kumghatsu; Ino pa polo kughukomi pelo kihi khamla kepu shitsuke.

EZEKEL 16:7

Atsanibo lakhi checheyikeu toi ino opelo thuwulupeke eno noye choshiyi thuwuve, chuqumghaive eno ilimi lhothe lakhi shive. Okichhiye akoghe kivi shive eno osa thuwuve ikemu noye aphi kumsa ke.