YETSAPIU 8:17 - BAIBEL (BSI)

¹⁷ eno tishi ke ghi Alhou no kiu shiani keno khilemu ithiwo tolu chemoe. Nono kiu papu shi pukaputsa namu noye khilemu phupheluni chemoe. Alokutsumino panono ithivea kepi piaghiluvi ikemu panonguye tishimla aphie.

Sumi Naga CL (Re-edited) Bible (BSI)

¹⁷ tileno I no Alhou kümla kümtsü ithulue, ti ye kiu kishi ani keno timi ye khilemu ithi khamlae. Timi no kishi pükapütsa anamu phuphe luni chemoe. Alokütsümi no ithivae pi aghi namu, pau ghi phuphe mlae.

YETSAPIU 8:17 Referans Kwoze

YETSAPIU 3:11

Pano thwokha ghenguno ado achipiu qhipe puatsuake. Pano ningu pelo ighi nikeu ghili ithi peniye ningu tsupe puani ikemu pano kiu shicheni keno tipau aghakiqishi ithiwoto kulupu khilemu ningu tsumoke.

Rommi 11:33

Alhou wu kuakiniye kiutoi akumzapu kela! Pa lokutsu eno pa kighithiye kiutoi kuthokuzu kela! Pano kughathakeu khuno lhekide kudailu kepu eno pano khile kishi cheni kela khuno ithikuthu kulupu kya?

LESHELE 73:16

Ikemu kughono ino hipaqo kupuna kumsujuni keno hiye ighenguno kushokutsupu shive,

ISAIAH 40:28

Nonguye mtha kesha? Nonguye chimla kesha? AMPEU ye alhokuthu achekeu Lhou ke; pano ayeghiqha lhopheke. Paye khilemu akulhoshive momu qeinaive chemo. Khunomu pa kukumsu vetha lukha chemoe.

JOB 5:9

Pano ninguno lhemlakeu thime kije mla cheni. Pa kumzapu kumla ye kihi khamlae.

YETSAPIU 11:5

Totimi lakhi polo anga mishipu akeu kuxu kishieno tishive cheni keno ithi kuthuwomla kehutoi noye Alhou no thwokha mlape puakeu ithini chemoe.

LESHELE 40:5

O AMPEU iLhou, okumzapu kumla eno okukumsu nilau tsukeu ghili khunomu pikha mlae. Osasu kimghi akepu khumu kuhae. Ino tipaqo pikulha eno asheshu anamu tiye kihikhaluni chemoe.

LESHELE 104:24

AMPEU, nono thime kutomo mlape puani! kiu lokutsu lono pano lhokelae! Ayeghiye owu lhoxuqono chhitoi ani.

YETSAPIU 1:13

Niye alokutsu shino ayeghiqhalo kiu shive ani keno kumtsu phukide kuda juniye imlo tsuke. Hiye timiqo pelo mighimghai shi apeniye Alhou no akuxu kusapu pe timi nuliqo shou betsuke.

YETSAPIU 7:13

Alhou no mlakeu kumsukutojulo. Alhou no ihoghulai shipe puakeu kishi puzu khuuno tipau sukumzuluni kya?