YETSAPIU 8:16 - BAIBEL (BSI)

¹⁶ Kugho kughomu ayeghi hipaulo kiu shiani keno ithinike eno alokutsu shinike ino pukaputsa kelo, ino shijukeu kiqilo noye putho pucho idaithu ngo akepu shiauve cheni

Sumi Naga CL (Re-edited) Bible (BSI)

¹⁶ Kughou I no alokütsü ithi nike, ayeghi lo kiu shiani keno ithi nike, eno kishi putho pucho lomu timi no zühu chemo keno ithi nike pükapütsa keno,

YETSAPIU 8:16 Referans Kwoze

YETSAPIU 2:23

Nono xuake kupujulo nono shikeu kumtsu kumu kuhae ikemu amlo kusa eno amlo ghujupu likhike. Putholo thotsu okukumsu akulho qhimlae. Hi kumtsu adouke.

YETSAPIU 1:13

Niye alokutsu shino ayeghiqhalo kiu shive ani keno kumtsu phukide kuda juniye imlo tsuke. Hiye timiqo pelo mighimghai shi apeniye Alhou no akuxu kusapu pe timi nuliqo shou betsuke.

LESHELE 127:2

Xu anike ghenguno aka-aghashi mla anikepi itheno ithuve eno munu zu ishikeu adouke, eno ichhe-ime mlakeu lono achuqupu chu ishikeu adouke; kughengu AMPEU no pano kimiye kemi pelo zuhukulupu tsucheni.

YETSAPIU 8:9

Ayeghiqha hipaulo thwokha thime shiakeu ino kumsuju akelono ino hipaqo kumtsu ithuluke, ayeghiqhalo timi khamino akuka pepuzu kutami pelo panoqo qholo ichhe ime chenipe.

YETSAPIU 8:7

Ningu gholo khunomu kiu shive nani kela ithi chemoe eno ningu vilo pitsu nikeu khumu kuhae.

YETSAPIU 7:25

Ikemu akighithi ngo phujunikeulo ilikhi imlo suke; niye alokutsu phulunikeulo amlo tsuke eno ino iniju achekeu khokichile phucheke eno kixikila ngo anikhaye kiutoi kela ithinikeu pukaputsake.

YETSAPIU 5:12

Akumla kishimi lakhiye pano chukumkha aghiluvi momu chuzulakeu shi aghiluvi ikemu paye putholo akivishi zuhulu cheni. Kinimi lakhiye kupukuno shi ani kemu pa mlo kutakihi kelauno zuhumlano auve cheni.

YETSAPIU 4:8

Timi lakhiye pa likhi acheni, paye anu mu athikuzumi mu kuhae ikeghi pulhapuju ime mla acheni eno pa kinikululo aghakiqi khilemu kuhae. Paye khuu ghenguno tishi ime mla acheni eno pa likhi pa lokughuno shi nikeu miliveno acheni kya? Highi adouke eno xuakelo akijikusa pu lakhie.

BOTHUBO 31:40

Ipuzu niye, puchouye akushuno ighaqhi eno puthoye akumkono ipichiqhie eno niye zuhumlae.

YETSAPIU 1:14

Ayeghilo shiakeu kumtsu ino ithulu khaveno ino piani, hi kumtsu adouke. Hiye amlhu kugha hajukeu toike.

YETSAPIU 1:17

Ino imlo kuchopu tsupuzu akighithi ngo mbomzu dolo kutuqu akeu alokutsu ngo anikha kuma dolo kutuqu akeu ithiniye pukaputsa. Ikemu ino phulukeuno highi amlhu kugha haju akeu paphie.