YETSAPIU 7:5 - BAIBEL (BSI)

⁵ Alokutsumino osakiyikeuye mbomzumino osheqhekeu nguno akiviuke.

Sumi Naga CL (Re-edited) Bible (BSI)

⁵ Mbomzümi lephe ini akepu ye alokütsümi no sakiyi keu ini akeu pavie.

YETSAPIU 7:5 Referans Kwoze

LESHELE 141:5

Timi kivimiye ikimiye kelauno ishikighime eno isakiyi pelo, ikemu niye alhoksami launo khilemu agigihu ikhilumo nani, kughengu niye pulhapuju panoqo lhoksa kumla ghochile inikhu acheni.

Piyeküsü 3:19

Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.

AHOLE 13:18

Akukutsu tsa milive kemi salaye athokha eno akukujo ke. Khunono shikumzu tsukeu chiluni keno paye kutamino gihu cheni.

AHOLE 27:6

Shompami lakhiye pano oghuza aghi namu akivipu ghengunoke. Ikemu aghumi lakhino pau pesu obighilo vape aye ti jukutolo!

AHOLE 17:10

Tsukhuyi kemiye ghuthu lakhi sakiyikeu lono kutomo shikaluve cheni ikemu kughuzumiye ghuthu 100 ghaqhi kethiuno ti shikaluvi.

AHOLE 13:13

Nono akukutsu kivi milive aye akupuna khuanike; akukutsu kivi papeche aye oxalu nani.

AHOLE 9:8

Khilemu alikhi akishekulumi shikumzutsu kevilo; tipau ghenguno paye omithi nani. Ikemu nono alokutsumi lakhi shikumzutsu aye paye ogihu nani.

LESHELE 69:12

Alaghilalo panonguno ighili kugha, eno shokumzumino ighili ale iqino pheke.

AHOLE 6:23

Panoqo zahkutsuye yevuqai keu kuvu lakhike; panoqono shikithetsu keuye kishi xuamasa keno oshika nani.

AHOLE 25:12

Pujushijuve kemino ghutu keu tsa pesu ininishikemi tsukeuye shunano shikeu amekusho anguthi momu shuna aghileu pesu achila mla puakeu nguno akiviuke.

YETSAPIU 7:4

Mbomzumi mloye pulhapuju alokivi likhi kumsu acheni ikemu alokutsumiye akithi kumsuju acheni.

YETSAPIU 9:17

Ayehkipemi lakhi no kughuzumi hoholo asheshu akeu tsa inini kepuye alokutsumi lakhino iqunei shino piakeu tsa inikeu pavike.

YETSAPIU 12:11

Alokutsuno piqhi keu tsaqoye akussu kumtsu pesu bheri la kichepiye keu toi ke, eno ahole pekikepe akeqoye ayishu mutotoi yesupe puakeu toike. Tipaqoye Alhou no tsupuakeu, pano ningu kumtsu kheju kuto achekeu ke.