YETSAPIU 6:9 - BAIBEL (BSI)

⁹ Hiye adouke, hiye amlhu kughaju puhakeu paphike. Nono kiu ani keno tipaulo aghakiqhishi akeuno kutau kiuala lunishikeu nguno akiviuke.

Sumi Naga CL (Re-edited) Bible (BSI)

⁹ Anhethi no ithulu akeu no aposünhei niye itsü chekeu nguno akiviu ke. Hi ghi adou eno amülhü küghaju püha keu paphi ke.

YETSAPIU 6:9 Referans Kwoze

YETSAPIU 1:14

Ayeghilo shiakeu kumtsu ino ithulu khaveno ino piani, hi kumtsu adouke. Hiye amlhu kugha hajukeu toike.

JOB 31:7

Ipukhune suqhepimi puaghi aye, eno imlo pelo inhethi papewu puaghi aye, momu axine iu lo dapesu aghi aye;

YETSAPIU 11:9

Lhothemiqo, olhothe ghulokilo alovi alo, nono lhothemi shiakelo likhimu alokivishi alo. Nono kiu shinishikeno shialo eno oghakiqipu shialo. Ikemu nono kiukiu shikeno Alhou no oshou kughathabe nani kepi kumsululo.

YETSAPIU 6:2

Alhou no kuakini, agigihupu ngo tinhemgha pesu timi khami tsu cheni, iye, pano lunishi akeu jeli kumtsu tsucheni, ikemu Alhou no timi tipau pelo tipaqo peitha pemove cheni eno tusumi pelo tipaqo peithaluvepe cheni. Hiye adouke eno vimo kutuke.

YETSAPIU 5:18

Ino kiu phulukeno tiye hike; Thime kumtsu nguno akiviu timino shi akepushi akeuye Alhou no akuxu ikhonhei pa tsukeulo pano kiu mlalukeno tipau chu-sho no alopivi akepue; hino timi sajeke.

YETSAPIU 4:4

Itaghi ino ithulukeuno timino tokulu shiniaye aghime eno aka aveshi mlacheni, tiye pano kisughumi juminekeu ghengunoke. Ikemu hiye adouke. Hiye amlhu kughahaju puhakeu paphi ke.

YETSAPIU 2:11

Tileno ino khijejehi mlalu eno tipaqo mlaniaye niye kishi akaveshi shiche keno ino kumsukutoju, tipaqo kumtsu kiumu kuhae. Hiye adou kethono kiumu kuhae, amlhu kughahaju ketoike.

YETSAPIU 1:2

Adou mu adouke ipi Yetsapiuno pi. Akuxuye adouke, thwokha kumtsu adouke.

JEREMIYA 2:20

Akughushu AMPEU no pi, “Israil, puzuu nomu noye ikuka gha hebideke; Nono imlla nikeu eno igholu nikeu lo mopike. Naghuto qhemghai keu kumtsu eno asu minipho qholo nono lhoipeghi penikeu lhouqo mllake.

YETSAPIU 1:17

Ino imlo kuchopu tsupuzu akighithi ngo mbomzu dolo kutuqu akeu alokutsu ngo anikha kuma dolo kutuqu akeu ithiniye pukaputsa. Ikemu ino phulukeuno highi amlhu kugha haju akeu paphie.