YETSAPIU 3:19 - BAIBEL (BSI)

¹⁹ Kiukiu shinamu ashekhalo timi ngo lhoxu kutauqo kishi aphiphi shiveni cheni keno tipauno kumtsu khe akhanike. Lakhi ghi lakhiu toi thive cheni, pama kinikujo aphiphi lhoxuke. Timi lhoxuye ashiaghau nguno akiviu shiwuve chenike kumoe, kughengu pama kinikujo akuxuye kiumu akiqi kuhae.

Sumi Naga CL (Re-edited) Bible (BSI)

¹⁹ Kughengu timi lau kiu shi keno tüghashi lau ghi athoshi cheni; lakhi no thive ketoi lakhiu ghi thive nani. Pama gha atuthu aphiphi, eno timi ye tüghashi nguno akiviu ke kumoe, kughengu kümtsü adoue.

YETSAPIU 3:19 Referans Kwoze

LESHELE 49:12

Timi lakhiye kije shicheke ghenguno tino akithi launo pa xamlae; tishimu paghi lhoxu kutau toi thive nani.

LESHELE 49:20

Timiye pa kuakinino khijejehi shi aghinamu vethakulu kuha ye pa ghi lhoxu kutau toi thive nanike.

YETSAPIU 2:16

Khunomu alokutsumi na anikhami pinamu kumsuchilelu chemoe. Ighinikeu tsalaloye ningu kumtsu kumsuma khave nani. Alokutsumi na anikhami namu ningu kumtsu thive nani.

YETSAPIU 2:14

Alokutsumiye khilau wucheni keno ithi ani ikemu anikhamiye tishimlae.” Ikemu shekhalo kiu shive chenikeno ningu kumtsuno ithi anike.

LESHELE 104:29

Nono ogi tsughuve aye panonguye musave cheni; nono panongu tuthu luveaye panonguye thive cheni; eno ayeghi mukhu khipau lono panongu ipeghi keno tile idewove cheni.

SAMUEL AKINIU 14:14

Ningu kumtsu thive nani; ninguye azu ayeghilo peleqhivekelo akiniu kichekumqo luchemo keu toike. Alhou ghi kithimi pesu akuxulo sughi chemoe, ikemu akukau ye timi lakhi hakughutsuve keu lono sachile sughinikeu laghiye phuphelu nani.

AKIKIHI 16:29

Timi hipaqo Alhou launo aghime hami tsumono alhoayeh kithi lono thi aye, AMPEU ye ipuwu puamoe.

YETSAPIU 7:2

Kusakusho kilo wukeuno aghulhu shiakeu kilo wukeu nguno akiviuke, kughengu akithino ningu kumtsu ngokhe akeu tsa pesu kuxumi piputo tsu acheni.

YETSAPIU 9:2

Tipaulo kutuqukeu kiumu kuhae. Amikuchomi ngo kixikilami, kivimi ngo alomokemi, achineyehlo amlo tsukemi ngo tipaulo amlo tsumokemi, aghashi pe mllachekemi ngo tishi chemokemi lau kiu shivepeniye kutopuani keno tipau aphiphishi ighi cheni. Kivimi lakhiye axinemi lakhi nguno akiviuke kumoe; ashoqhi shichekemi lakhiye tishi chemokemi lakhi nguno akiviuke kumoe.

YETSAPIU 9:12

Kughono odo oghuloki ighi nani keno noye khilemu ithimo nani. Alichhe lono paikhavi no aghau meluveke toi eno akhamelo akha meluveke toi, nino kumsumo mitheno ake lono ado lhoksa lono ningu meluve cheni.

LESHELE 49:13

Khunoqono pano likhi pano pukhu cheni keno tipaqoye kiu shive cheni keno julo, panowu kuakini shou amlo kiqishi acheni keno tipano kuxu shekha julo.

YETSAPIU 1:14

Ayeghilo shiakeu kumtsu ino ithulu khaveno ino piani, hi kumtsu adouke. Hiye amlhu kugha hajukeu toike.

YETSAPIU 1:17

Ino imlo kuchopu tsupuzu akighithi ngo mbomzu dolo kutuqu akeu alokutsu ngo anikha kuma dolo kutuqu akeu ithiniye pukaputsa. Ikemu ino phulukeuno highi amlhu kugha haju akeu paphie.