YETSAPIU 2:26 - BAIBEL (BSI)

²⁶ Alhou no alokutsu, akighithi eno alokiqi pesu pa pulou shichekemi tsucheni ikemu pano axinemi pelo qeluno pekikelu chenipe tishianguno panoqono aghikeu pesu pa pulou shichekemi tsu niyeke.Hi kumtsu adouke. Hiye amlhu kugha ju puha ake paphike.

Sumi Naga CL (Re-edited) Bible (BSI)

²⁶ Kughengu khuu no Pa pulou shi keno Alhou no alokütsü, akighithi, eno alokiqi pesü tsü cheni, ikemu Pa no axinemi pelo hekütsü eno kikepe qhino Alhou lopushi chekemi tsüvepe cheni. Hi ghi adou eno amülhü küghaju püha chekeu ke.

YETSAPIU 2:26 Referans Kwoze

AHOLE 13:22

Timi kivimiye pa tianuli kutolo kinikulu qhipuatsulu cheni ikemu axinemiw kinikuluye amikuchomi lau wuve cheni.

AHOLE 28:8

Nono punakeu akighishe lucheni eno kutami shou adokivi luvecheni aye owu kinikuluye khunono kumlhomi kimiye kupu cheni keno tipano lau wuve nani.

John 16:24

Itehi kutolo nonguye ije lono kiumu khujumphike; khulo eno nongu tsu nanike, tishianguno nongu lokivi shikupulu penike.

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

Luke 1:6

Pama kini kujo Alhou zulo amikuchoshi xu ache eno Ampeu no ahza eno ayeh tsukeu aghokulu shi peche.

JOB 32:8

Ikemu timi lolo anguagha akeu, eno Tuchomujokulu Lhou tuthuno panongu pelo ithi tsaqui lu cheni peke.

BOTHUBO 7:1

AMPEU no Noha vilo pi, “No eno okibolomi kumtsu ashukaki lo ilovelo, kughengu hipau tiqhelimi gholo olikhino izulo amikuchou shi aghi keu ino ithulue.

YETSAPIU 1:14

Ayeghilo shiakeu kumtsu ino ithulu khaveno ino piani, hi kumtsu adouke. Hiye amlhu kugha hajukeu toike.

JOB 38:36

Khuno aqholo alokutsu qhitsu kya? Momu khuno amlolo kumsukulu sutsu kya?

LESHELE 39:6

timi kuxuye yekukhu nguno alau kumoe. Pano kiu kiu shianamu kiumu kuhae; Paye kinikulu kutsu puaghiluvi, ikemu khuno tipau luve nani kela mthae.

LESHELE 51:6

Noye akikhi eno kuchou avehupushi anike, tighenguno olokutsu pesu imlo tuqhou shika piye tsulo.

AHOLE 2:6

Kughengu AMPEU no alokutsu tsucheni eno pa kichi no akighithi ngo vethakulu ighi cheni.

YETSAPIU 1:13

Niye alokutsu shino ayeghiqhalo kiu shive ani keno kumtsu phukide kuda juniye imlo tsuke. Hiye timiqo pelo mighimghai shi apeniye Alhou no akuxu kusapu pe timi nuliqo shou betsuke.

YETSAPIU 2:25

Pa launo kumoaye noye chukepu kiu ani kya? Momu khuno alokughuno shikulupu kya?

YETSAPIU 3:10

Ino ithianike Alhou no ape kimshi pesu ningu shou bepuatsu ake.