YETSAPIU 2:18 - BAIBEL (BSI)

¹⁸ Ino mlachekeu eno qepe qhichekeu kiunomu ighenguno akiqipu lakhimu shitsumlae kughengu ino ithikeuno niye tipaqo pesu ishelo ighinikemi qhivetsu kepu shini cheni ke;

Sumi Naga CL (Re-edited) Bible (BSI)

¹⁸ I no aghimeshi mla chekeu kümtsü azüküzüe, kughengu ni ye ti kümtsü I thiu ighini ye akemi sala qhivetsü masa nani,

YETSAPIU 2:18 Referans Kwoze

LESHELE 49:10

Kumtsuno ithulu anike alokutsumi ghithive cheni, mbomzumi ghi titoive cheni, kumtsuno panowu kua-kini kutami qhivetsu cheni.

LESHELE 39:6

timi kuxuye yekukhu nguno alau kumoe. Pano kiu kiu shianamu kiumu kuhae; Paye kinikulu kutsu puaghiluvi, ikemu khuno tipau luve nani kela mthae.

1 Kor. 3:10

Alhou no kupukini itsukeu peitha puzu aki kishimi shitsami lakhi toi shieno ino aboqha hu qhawoke, ikemu kutamino tipau shou shipuku ani. Pututano paye tipau shou kishi shipuku nikeno jukutokupuyi masakeu ani.

Luke 12:20

Ikemu Alhou no pa vilo pi, ‘No aghuzuu! Hipa jino okuxu kuhaveni cheni, ike nono olikhi oghenguno hi kumtsu pekutsu puakeu khuwu shivepe nani kya?’ ”

YETSAPIU 9:9

Alhou no ayeghi hipaulo adou kuxu otsupuakeu xuake thaqhulo totimi nono kimiyechekeu sasu alokivi kuxu xulo. Ti adou tsala kumtsu aghakiqi shialo, kughengu owu shiluksa ghenguno noye tipau likhi ithulu nanike.

YETSAPIU 5:18

Ino kiu phulukeno tiye hike; Thime kumtsu nguno akiviu timino shi akepushi akeuye Alhou no akuxu ikhonhei pa tsukeulo pano kiu mlalukeno tipau chu-sho no alopivi akepue; hino timi sajeke.

YETSAPIU 4:3

Ikemu hikuma nguno akiviuno punumove keqou pavike, panonguye ayeghiqhalo alhoksa kumla ithulupe chemoke.

YETSAPIU 2:26

Alhou no alokutsu, akighithi eno alokiqi pesu pa pulou shichekemi tsucheni ikemu pano axinemi pelo qeluno pekikelu chenipe tishianguno panoqono aghikeu pesu pa pulou shichekemi tsu niyeke.Hi kumtsu adouke. Hiye amlhu kugha ju puha ake paphike.

YETSAPIU 1:13

Niye alokutsu shino ayeghiqhalo kiu shive ani keno kumtsu phukide kuda juniye imlo tsuke. Hiye timiqo pelo mighimghai shi apeniye Alhou no akuxu kusapu pe timi nuliqo shou betsuke.

YETSAPIU 1:3

Okuxulo kushiniye ichhe ime mla acheni kya?

LESHELE 17:14

Ayeghi hipaulo khunono lunishikeu pighi cheni keno tipaqo launo ixaphelo, O AMPEU, Nono panoqo ghenguno aghimepu kutopuakeu pesu panongu ghimeqhilo, pano tianuli ghenguno lukumkhashi kutotsulo eno pano tianuliqo wu atianuli shou ghi kuto tsulo!

YETSAPIU 2:11

Tileno ino khijejehi mlalu eno tipaqo mlaniaye niye kishi akaveshi shiche keno ino kumsukutoju, tipaqo kumtsu kiumu kuhae. Hiye adou kethono kiumu kuhae, amlhu kughahaju ketoike.

YETSAPIU 2:21

Kughengu khaniloye timiye alokutsu ngo akighithi eno asuqekithi peithano ime mlachekeu kumtsu qhivetsuno tipaqo ghenguno ime mlamo kemi pelo alokughunoshi peithawuvepe cheni. Hiye adouke eno hiye achipi kumoe!

YETSAPIU 3:22

Ikehu ino ithilu akeuye thime akiviu ninguno shikepushi akeuye nino kiu mlalukeno tipau pesu alovi akepue. Tinguno kutau ninguye kiumu shiakepu kuhae. Nino thive kethiu kiu shiveni cheni keno tipau ithikepu laghi kuhae.