YEKIKITHI AKINIU 1:14 - BAIBEL (BSI)

¹⁴ Pa khurkulu ghushimi 1,100 kuto khurshi - ghushimi 12,000 qhiluve, tipaqo dolo khamiye Jerusalem lo qhi eno kutamiye aphughi a-a kututa lo qhive.

Sumi Naga CL (Re-edited) Bible (BSI)

¹⁴ Solomon no khurkulu ngo khurshimi hekütsü kelo khurkulu 1,400 eno khurshimi 12,000 aghi. Pa no tipaqo pesü khurkulu phughiqo lo qhive eno hami no Jerusalem lo pa gholo qhive.

YEKIKITHI AKINIU 1:14 Referans Kwoze

KUKAMI ATUGHIU 4:26

Solomon ye pawu khurkulu sunhekeu khurshi tsu 40,000 eno khurshi kusami 12,000 ishi ache.

YEKIKITHI AKINIU 9:25

Akukau Solomon ye khurkulu ngo khurshi ghenguno ghi aki chebo 4,000 ake eno aghushilo peitha chekeu khurshi 12,000 hamiye Jerusalem lo qhipua che ikemu kutau qoye aphughi kutauqolo qhipua che.

KUKAMI ATUGHIU 9:19

Tilikhi kumono athi pekutsu kepu phughiqo, khurkulu sakichemi ngokepu phughi, khurkulu qhikepu phughi eno Jerusalem kupunulo ai-sui vekelo kuphukulupu shi hekutsukeu phughi, Libanon to eno pa kuka qholo ayeghi kumtsu aphughi shikithe pesu qhilukhave.

KUKAMI ATUGHIU 10:16

Solomon no azuto kijeje kini mlae, azuto lakhi khilo shuna kilogram tsuni suno mla.

ZAKINIU 17:16

Akukauye pawu ghushimi ghenguno khurshi kutomo qhikevilo eno khurshi qhupenike paye Ijip lo timi puwu kevilo, kughengu AMPEU no pive ake pawu timiqoye khilemu tilau idewo kepu kumoke.

KUKAMI ATUGHIU 5:6

Tighenguno owu timiqo Libanon lo puwuno ighenguno Kedar subo yeqhitsulo. Iwu timiqo no owu timiqo sasu kuqhano mla nani eno ino kiu kiumu owu xakutha kiqi lono ajume panongu tsuni. Kughengu nono ithi anike, ninguye Sidonmi toi tokta ghatha thikemi kuhae.”

YEKIKITHI AKINIU 8:6

Ba lat phughi, pano khilehi kuchukini kike eno kiyepuwuche keno tipaqo phughi kumtsu eno khilehi pano pawu khurshi ngo khurkulu qhiche keu phughiqo. Jerusalem lo ngo Libanon eno pano ayehpe akeu qhalo aki kuloghi ghenguno pano akukughu shikeu kumtsu pano shiqhilu.