Titus 1:9 - BAIBEL (BSI)

⁹ Paye ashepe tsa hu mutotoi pelu aghimasae tishi keuno tipau pukhukulupu shilu eno kuchou kukutsutsa sasu aphiphi shimasae. Tishi anguno kuchou kukutsu pesu kutami shikumtolu eno tipau ghobide chekemi tsa theqhilu nanike.

Sümi Tiqhelimi Bible

⁹ Pükhükulu kükütsü tsa shikave keu hu pa ye tipau mutotoi pelu aghí moayesa, tishianguno pa pelo mütsümishei keu külü pesü timi kütamiqo shikumto tsü eno tipau lachile kemi ghasülu peniye ke.

Sumi Naga CL (Re-edited) Bible (BSI)

⁹ Pa shikave ketoi pa ye pükhübekulupu tsa mtotoi tsüqülu masae, tishikeu lono pa ye mtsümishei keu külütsa pesü kütsüshika eno hekibidemi sakiyi lunani.

Titus 1:9 Referans Kwoze

2 Thes. 2:15

Tighenguno athikuzumiqo, mutotoi puthugholulo, eno ninguno atsalo na yesulo namu kuchou pekishepewo nongu shikavekeu hu tsatsayi tsuqupelulo.

2 Tim. 1:13

Nono ilauno chilupua keu kuchou tsa ghola hu papechelo, eno Khristo Jisu gholo akupulu eno kikimiye akeulo xuachelo.

1 Tim. 6:3

khunono akukutsu kutau kutsupiye eno niMpeu Jisu Khristo tsa kuchoulo kuqhamoni keno eno kuchou chineyeh kukutsulo kuqhamoni keno,

1 Tim. 1:10

salha-shupukemi, kiptimino kiptimi sasu kughupakemi, timi kughasawo jekemi, akimkimi, akimki shepe shikemi momu kuchou kukutsu nguno bidelau kiukiumu shikeu ghenguno ayezah mlape puacheni,

Piyeküsü 3:3

Tishiaye, kiu oshikave akeno eno nono kiu chiluve akeno kumsuchilelulo; tipau pechelo eno oxine launo xaideghilo. Nono idathughimo aye, niye kupukami lakhi toi ighi nani, eno ino kiu tuqhudo lono olau ighini cheni keno noye mtha nani.

1 Tim. 1:15

Hiye kumtsu ikhilu puzu pulukepu tsapi lakhie, tiye axinemi xalunike Khristo Jisu no ayeghiqha lau ighie. Niye axinemi kumtsu nguno alhoksau ke;

Titus 2:1

Ikemu noye kuchou kukutsulo kiu shilopi puanikeno tipautho pesu kutsupiyelo.

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

2 Tim. 4:3

Kughengu timino kuchou kukutsu lumonike ghuloki ighi nani, ikemu muthomuzayi keu kini xapu panongu gho-apulou shipenishi kelauno panonguno ininishi akeu likhi pitsupenikemi akukutsumi sawo qhi nani.

1 Thes. 5:21

ikemu thwokha kumtsu chhejulo kiu akivi keno tsuqukhoyi luvelo;

AHOLE 23:23

Kuchou, alokutsu, akighithi eno akukumsu kivi, hipaqoye ame tsukuzuke oghenguno tipaqoye ame kushoke jekevilo.

JOB 2:3

AMPEU no pi, “Noye iqeu Job jukuto ju akema? Pa toi kemi amikucho achipiu kuxu xukemi eno axine theqhikulumi lakhimu ayeghilo kuhae. Kumu shimo amu opelo pa kutsavepe lopi nono ihakutho kemu itehi kuto pa mikucho phe mphie.”

Piyeküsü 3:11

Niye keyi ighini cheni; nono peakeu mutotoi tsuqupe alo, tishianguno khuu pelomu owu tokulu saxu suxalu vepemonike.

Piyeküsü 2:25

ikemu ino ighimoke kutolo nonguno kiu ani keno tipau mutotoi tsuqupe alo.

Jude 1:3

Kimiyechekemiqo, niye tolukivi thaqhu pukaputsa puzu ningu ghenguno xakulupu aqu shiakeu ghili pesu nongu lau yelu akeulo, nongu vilo Alhou no ghuthu khavino kumtsu ghenguno akupulupu pawu timiqo tsupe puakeu hu nonguye tipau susho masakepi qhuiniju ani.

2 Tim. 2:25

eno pa mujochekemi lau shikithetsu kelo agholauno shimasae. Ishiake Alhou no tipaqo pelo amlo xaidelupeno kuchou ithi peluvi.

2 Tim. 2:2

Thopimi kutomo kua lono ino pikulhache keu tsaqo nono chilupua keu hu ikhilulo, eno tipau pesu nono pulubekulumi, khunoqono kutami kutsupiyelu nani keno tipaqo lau pichebetsulo.

1 Tim. 4:9

Hiye kuchoutsake eno qhoyi ikhiluno pulukepue.

1 Tim. 1:19

akupulu tsuqupe eno alokumsu akivi pupuzu aghukishi akivi shilupeniyeke. Timi khamino pano lolo alokumsu akeu pevekeu lono pano kupulu shipusavae.

Apostolmi 18:28

Kughengu pano kutsalakile kepulo mutotoi shi puzu aqo-aho gholo kighekelo Judamiqo gheqhi, eno Jisu ye Khristo kepi kuchoyesu lono kichepiye ke.

JOB 27:6

Imikucho tsuqupe aphie eno ti phemo nani. Ino xuighive keulo imlo ithavekepu lakhimu kuhae.

1 Kor. 14:24

Ikemu nongu kumtsuno Alhou tsape shiaye pulumokemi momu inapughami lakhino iloghi kelo, pano kiu chilukeno tipaqono pa kichepheve nani eno tipaqono pa vilo kiu pikepu keno pi nani.

2 Tim. 3:14

Ikemu nouye khikhi oshikapiyeve akeno eno nono mutsuqheyi pulu ani keno tipaulo chechelo, eno khuu launo tipau shikalukeno ithilo,