Titus 1:13 - BAIBEL (BSI)

¹³ Hipa tsaye kuchoue. Highenguno noye panongu ghegheyi sakiyilo, tishianguno panonguye kuchou kupulu shilupe nike,

Sümi Tiqhelimi Bible

¹³ Küghakiche hipau ye kuchou ke. Tighenguno panongu vilo mükamüghai alomipi lo, tishianguno panongu pelo panongu küpülü lo thebeilu pe

Sumi Naga CL (Re-edited) Bible (BSI)

¹³ Ashepe hipau ye kuchoue. Tighenguno gheghei panongu sakiyi lo, tishianguno panongu pelo aküpülü lo mtsümishei luno

Titus 1:13 Referans Kwoze

Titus 2:2

Muchomi shivekeqo vilo pano kupululo, kimiyekinilo eno kutuu kululo iquneyishi, tsaqutsaleyishi eno alikhiahakhalu ishilopi nono panongu vilo pilo.

1 Tim. 5:20

Khunoqono axine shicheni keno mishi zulono alomi pilo, tishianguno kutami pelo musave penike.

Titus 2:15

Thime hipaqo pe pilo: nowu timi shikumto eno sakiyi nikeu kuka kumtsu peithalo. Timi khuu pelomu ojukunatha pekevilo.

2 Tim. 4:2

atsa pesu pikulhalo, ado achipilo na monamu mutazu tipau pialo; mutsuqheyi shilupe, sakiyikepulo sakiyi, shikumto kepulo shikumto eno kheakulushi kutsupiyelo.

2 Kor. 13:10

Ino nongu launo putou akelono hipau yelu akeuye ino ighini kelo Ampeu no akuka yeh itsukeu peitha puzu mghachhoi nongu peithamoniyeke. Akuka yeh tsukeu huye kutsaleve peniyeke kumo puzu shiqhepuku peniyeke.

1 Tim. 4:6

Nono akukutsutsa hipaqo pesu athikuzumiqo lau tsuluaye noye Khristo Jisu qemi kivi lakhi ake, eno akupulu tsa ngo kuchou kukutsu nono pulhapuju pepimhe chekeu huno no ampi lojiputhulu nani.

AHOLE 27:5

Timi lakhi shikumzuni keulo pa mlo shimove kepushi aghi namu pekipheshi pa sakiyive keu pavie.

LESHELE 141:5

Timi kivimiye ikimiye kelauno ishikighime eno isakiyi pelo, ikemu niye alhoksami launo khilemu agigihu ikhilumo nani, kughengu niye pulhapuju panoqo lhoksa kumla ghochile inikhu acheni.

LESHELE 119:80

Ipelo thwokhalo ozahkutsu ghokulu shino tomlavekeu kukujo launo ngolupelo.

ACHINE 19:17

“Kutami shou axesu pukukevilo ikemu kidi mlano akeu pa sasu kuptsathalulo, tishianguno pa ghenguno noye axine shimo kepushilo.

1 Tim. 1:10

salha-shupukemi, kiptimino kiptimi sasu kughupakemi, timi kughasawo jekemi, akimkimi, akimki shepe shikemi momu kuchou kukutsu nguno bidelau kiukiumu shikeu ghenguno ayezah mlape puacheni,