SAMUEL AKINIU 4:2 - BAIBEL (BSI)

² Ishboshet ye kijemi kini aghuleu nikelo atou Bana ngo Rekhab pama ache eno pamaye Rimon nuke eno Benjamin lagha Berot lono ighikemike. (Berot ye Benjamin lagha ipi kihiluvi.

Sumi Naga CL (Re-edited) Bible (BSI)

² Tipa ghuloki lo Saul nu ye akilemi mqo lo kepten kini ache, lakhi je no Baanah eno lakhiu no Rekhab, pama ye Benjamin lagha lo Beerothmi Rimmon nuli ke (kughengu Beeroth ghi Benjamin gholo lakhi shi kihi cheke);

SAMUEL AKINIU 4:2 Referans Kwoze

JOSHUA 18:25

Tipa gholo Mizpa, Khefera, Moza, Rekem, Irpel, Tarala, Zela, Hailep, Jebus (momu Jerusalem,) Gibia eno Kiriat Jearim ishi aphughi chighi bidi gholo hokumxa taun kuqhaghi ani. Tipadono Benjamin shiyeh bolomino ithulukeu yeghike.

JOSHUA 9:17

Tighenguno Israilmino chesu tipaqo phughi Gibeon, Chefira, Beerot, eno Kiriat Jarim qolo wu.

KUKAMI AKINIU 6:23

Tighenguno Israil kukauno panongu ghenguno ighono aghulhu kije kutotsu; eno panonguno tsaqutsalei chu-sho luvekethiu panongu kighide puwovetsu. Tinguno tilauye Siriyami ye Israil yeghi leighimove.

KUKAMI AKINIU 5:2

Panonguno Israilmi sasu aghushi kelono Siriyamino Israilmi anga lakhi sasu ighi, khuu athiuye Naaman nipu qeliu shiluvekeno.

SAMUEL AKINIU 3:22

Tipathiu kushuwa kumolo Joab ngo David qholo kijemi kutami aghushi lono anhemgha kutomo panongu gholono hakho sughilu. Abner ye tipa ghulokilo Hebron lo David gholo ngomono cheve, kughengu David no sukusho pa tsukeu qholono pa phepuwove.

SAMUEL AKINIU 4:5

Ishboshet no puchou kulho kiqhi do lu akelo Rekhab ngo Bana pamano pa kilo puchouno ighilu.

SAMUEL AKINIU 4:9

David no pama khochile, “Ino xukuau AMPEU je lono tushoqhi ani, khuuno akumsapu lono ixaphelu tsu kya?