SAMUEL AKINIU 22:3 - BAIBEL (BSI)

³ Ilhou no isusholu cheni, pa gholoye niye ichi ighukepu kuha. Pano azuto lakhi toi ishokhalu cheni; pano ishokha cheni eno ixalu cheni. Paye ixakuluuke; pano ashiaghu kishi lono ishokhalu, eno ixaphelu cheni.

Sumi Naga CL (Re-edited) Bible (BSI)

³ I Lhou, I tuqu, I no Pa launo sükusho luchenie, I züto, eno I xakulu kibo, I sükusho-a eno I küghütshü-a, I xakuluu; kütsakungo keu lono Nono I xalue.

SAMUEL AKINIU 22:3 Referans Kwoze

LESHELE 9:9

AMPEU ye aghimelo akemi kughutshupuake, shiluksa ghulokilo ghenguno akughutshupuake.

ISAIAH 12:2

Alhou ye ixakuluu; niye pa pukhuni eno musaichivemo nani AMPEU no akuka eno akumto itsuke; paye ixakuluu

AHOLE 18:10

AMPEU ye aliwo kumto lakhi toike amikuchomino tipaulo wuluno xulu nani.

AHOLE 30:5

“Alhou ye pano piqhivekeu kumtsu pelu cheni. Pa sukusho phuighikemi kumtsu ghenguno paye azuto lakhi toike.

LESHELE 46:11

AMPEU Akughushuuye ningu sasu ani; Jakob Lhou ye nino ijehlu chenike.

LESHELE 18:2

AMPEU ye ituqu iliwo, ixaphekuluu, iLhou ye ituqu, pano isusholu cheni. Paye izuto, ixakulupu kuka eno ikumto-a.

ZAKINIU 33:29

Israil, noye kiu toi alokivipu kela Otoikemi milakhimu kuhae AMPEU no xalukeu shiayeh lakhie. AMPEU ampino ozuto eno ozuta, osusho eno tokulu otsunikeue. Oghumi qono kimiyekutu tsulopi oqhuiniju ighi nani, nono panoqo nedaqoda nani.

BOTHUBO 15:1

Hipa tikhau AMPEU tsa kungunhetsu lono Abram lau ighino pi, “Abram, musa kevilo, ino oshokha kulupu zuto ke ino ojume ighono kije shitsuni.”

IBRIMI 2:13

Pano highi pike, “Ino Alhou pukhubeni.” Itaghi pano highi pike, “Alhou no atianuli itsukemiqo sasu niye hilau anie.”

Luke 1:69

Pano pawu timiqo kuphunike eno panongu xaphe nike ghenguno ighie.

LESHELE 144:2

Paye isushokuluu eno ino ihje luchekeu, ino itshulu chekeu eno ixakuluu, ino ihjelunike pa pukhu chekeuke. Pano ashiayehqo iqholo hasughi cheni.

LESHELE 59:16

Ikemu niye okuka kumto ghili le pheni; inaqhe atsu-tsu owu iqemokeu kikimiye shipili ani cheni. Noye ino su ijehlu chekeuke, shiluksa ghulokilo isushokuluu.

LESHELE 14:6

Alhoksamino kumlhomi kukughu hexavetsu cheni; ikemu AMPEU no sushokuluu ke.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

ISAIAH 32:2

Panoqo lakhikhino amlhu launo susholukeu toi nani eno pasapaghalo itshuluke-a toi nani. Panonguye asayeqhalo aghokiti qowu ake toi nani, asutsuni kuhake-alo atuqu kuloghi yekukhu toi nani.

LESHELE 140:4

O AMPEU, kixikilami usugha launo isusholulo; heqhi buqhichekemi launo ipukhape qhilo; panonguno ipuxaqhiniye kuchughuke.

LESHELE 55:9

O AMPEU! panonguno kuchughu keu hexavetsulo eno panongu tsapi kubangve tsulo. Kughengu aphughilo heqhibuqhikeu eno kusuxakilekeu niye ithulu ani,

LESHELE 46:7

AMPEU Akughushu ye nisasu ani; Jakob Lhou ye nino ijehluchenike.

Luke 1:71

Hi puzuuno pawu tungkupumi akimthemi kichi vechewono pi puakeu toi:

LESHELE 140:11

Akimki lono kutami pipusa chekemi pelo a-a shilupe kevilo; alhoksa pelo heqhi buqhi chekemi qhive pe eno kutsavepelo.

LESHELE 140:1

O AMPEU, alhoksami launo ixaphelulo; heqhi buqhikemi launo ipukhape qhitsulo.

LESHELE 86:14

Aqhekuzamino ishou ikughi ani, O Alhou; timi yikusa lojino ipithiveniye pukaputsa ani-timi hipaqoye ojukutomokeqo ke.

LESHELE 84:11

AMPEU ye nisusho chekeu eno akimthe jekipi kukau, pano kupukini eno agigihu pesu nikumghatsu cheni. Khunono achipiu shicheni keno paye thime kivi lakhimu pano lau tsumokeu shimo nani.

LESHELE 84:9

O Alhou, nikukau kumghatsulo, nono kisheluvekeu kukau!

LESHELE 72:14

Nedaqodakeu eno heqhi buqhi keu lono pano panoqo xaphelu cheni; Panongu kuxuye pa zulo amekushoke.

LESHELE 71:7

Timi kutomo ghenguno ikuxuno kichekipiyeu shi acheni, kughengu nono isusholukeu liwo ke.

LESHELE 61:3

Kughengu noye ino ijehluche keuke, ighumi launo ishokhalu chekeu liwoke.

LESHELE 46:1

Alhou ye nino ijehlu chekeu eno nikumto, shiluksa do kumtsulo kuphu tsunike kutope ani.

LESHELE 28:7

AMPEU ye ikumto eno izuto, pa lau ino pukhube cheni. Tighenguno pano ikuphutsu eno ilopivitsuke, eno ino alokivi le phepesu pa shikimthitsu cheni.

LESHELE 27:5

Shiluksa tsalalo pano isushope kusuluve nani; Pa chineki qholo pano ipesu kusuluve nani; eno atuqu qhemghai keu shou pano ipe qhive nani.

LESHELE 5:12

O AMPEU, nono amikuchomi kumghatsu cheni; okikimiyeno azuto toi panoqo susholu cheni.

LESHELE 3:3

Ikemu AMPEU nono isuhope akeuno izutoke, nono ijekipipu eno ikutsu peqhetsu chekeu.

SAMUEL AKINIU 22:51

Alhou no tokulu kije pesu pa kukau tsuke; pano kishephelukeu lau tamo mithe pa kikimiye piyeke, David lau eno pa polo kughukoqo lau alhokuthu kikimiye piyeke.

SAMUEL AKINIU 22:49

eno ighumiqo launo ixapheluve. O AMPEU, nono ighumi shou tokulu itsuke eno xesuxenimi launo ishokhaluve.

SAMUEL ATUGHIU 2:1

Hanna no inikhu: “AMPEU no alokivi pesu imlo chhitsu; Niye ighono alovi ani pano ilau mlatsukeu ghenguno! Ino ighumiqo junu anie; Alhou no ikuphu tsukeu ghenguno niye kiutoi alokiqi kelae!

ZAKINIU 32:37

Tithiuno AMPEU no pawu timiqo vilo iniju nani, ‘Nonguno akumto lhou kepi pukhu chekeqo khile ani kya?

Titus 3:6

Kughengu Alhou no ningu shou kupukunoshi Aghungu Kimthe puwu tsue,

Titus 3:4

Ikemu kughou Alhou wu iqemokeu kikimiye ngo akivipu hu pephepiye keno,

Luke 1:47

Ilolo alokivi ani, Alhou ye ixakuluu ke.

JEREMIYA 16:9

Ni, Aqokitikhi MPEU no Israil Lhou no kiu pikepu shi nani keno inialo. Ino alokivi, ahukulu sutsa eno kulakupu ghulhu lokivi sutsaqo inaqhoivetsu nani. Hilehi akemi timiqoye hipau shikeu ithuluke kuto xu nani.”

ISAIAH 45:21

Ighilo eno kughakutha alo nongu wu atsa kukughapu pesu ighilo; angulami dolono atsa kighinikile jupelo. Kiu shive nani keno khuuno khaghino asheazu shi pikya? Tiye ni, AMPEU timi xaluchekeu Lhou no kutau lhou kuhake ipike kumo kesha?”

LESHELE 32:7

Noye ikughutshua lakhike, shiluksa lono nono ixalu cheni. Owu xakulule ino ighamuku pheni kughengu nono isusholuke.

LESHELE 142:4

Ino isumxa jukelo, ikuphunikemi lakhimu ithumlae, ighenguno ihjelukepu kuhave, khunomu ijukutoni kemi kuhave.

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

SAMUEL ATUGHIU 2:2

‘Khunomu AMPEU toi akimthe kuhae; khumu pa toikeu kuhae, ningu Lhou toi sushokuluu kuhae.’

SAMUEL AKINIU 22:31

Alhou hipau pa kumlaqoye kiutoi kupukulu kya! Pa tsaqoye kiutoi pukhube kulu kya! Khunono pa sukusho phucheni keno panongu kumtsu lau paye azuto lakhi toike.

SAMUEL AKINIU 22:47

AMPEU ye xukuau! Isukushou sheqhelo! Alhou kumto kumgha khuuno ixalu keno pa ghili piphe alo!

SAMUEL AKINIU 23:3

Israil Lhou no pivae; Israilmi sukushouno ivilo pi: “Akukau achipishi ayeh pechekeu, Alhou sumsa ghi pa zulo ayehpe chekeu,

IPEKULU 15:2

AMPEU ye akumtoshi isushokuluu; ixaluchekeuye pake. Paye iLhou eno ino pa sheqheni, ipu Lhou ke, Paye kiu toi kije keno tipau ghili ino pheni.

LESHELE 9:10

Eno khunono oje ithiani keno tipa qoye oshou pukhube cheni, kughengu khunono ophuju cheni keno noye tipaqo pheve chemo.

LESHELE 46:2

Ikehu ayeghi sukinileve eno naghutono azughi kutholo iluqive,