RUTH 1:17 - BAIBEL (BSI)

¹⁷ Nono khileno thini keno nighi tile no thini eno tileno ikumo qhopenie. Akithi nguno kutauno nikujo kututa shivepe aye AMPEU pelo aghime kitikhi ishou betsu peniu.”

Sumi Naga CL (Re-edited) Bible (BSI)

¹⁷ Nono khileno thini keno ni ghi tileno thini eno tileno I shiqho peni. Akithi nguno kütauno nikujo dolo kütüta shivepe aye Ampeu no alaushi I ghime peni.”

RUTH 1:17 Referans Kwoze

SAMUEL ATUGHIU 3:17

Tileno Eli no iniju, “AMPEU ye ovilo kiu shile pikya? kumu kusukevino ivilo lhelo. Nono pano pikeu kumtsu ivilo pimove aye Alhou no ighono aghime kije otsu nani.”

KUKAMI AKINIU 6:31

“Alhou pelono ipithive peniu, tsala ino ishino Elisha pithimlave aye” ipi akukauno ashoqhi shive.

KUKAMI ATUGHIU 2:23

Tileno Solomon no AMPEU je lono ighono ashoqhi lakhi shi. “Hi Adonija no qhuiniju akeulo pa kuxu puhatsumo aye Alhou pelo ni-u pithive peni!

SAMUEL AKINIU 19:13

David no panongu pelono Amasa vilo pitsupeniye ishipi, “Noye ilaghamike. Ishi nguno hilauno ino okugha pesu Joab zuqhulo aghushimi shou ampi shipeniae. Tsalatsa ino tipau shikupumo aye Alhou pelono iheqhi pithive peniu!”

KUKAMI ATUGHIU 20:10

Benhadad launo sughikeu pi ighi: “Ino timi kumzapushi saghino ophughi hipau shipusave tsuno panongu u lo akughupu thime akeqo pewuvetsuni. Tsala ino tishimoaye alhouqo pelono iheqhi vepelo!”

SAMUEL ATUGHIU 25:22

Tsala thanau tokumolo ino pawu kiptimi khijehi anikeno tipaqo lakhimu ghumono pithive moaye Alhou pelono niu heqhi peni!”

SAMUEL AKINIU 3:35

Atsala kupuju timi qono David pelo kiuala chupeni ke pukaputsae, ikemu pano ishi ashoqhi shi, “Atsala ilomphi lono ino kiuala chuve aye Alhou pelo iheqhi pithive peni!”

Apostolmi 11:23

Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto.

KUKAMI ATUGHIU 19:2

Lino asutsa lakhi Elija lau puwu: “Nono kiutoi tungkupumi lau mlakeno thoghi tsalalo hipa ghulokilo okuxu ghi panongu toi pithilumo aye alhouqo pelo niu heqhi pithive peniu!”

SAMUEL AKINIU 3:9

AMPEU no David lau piqhi puaketoi Saul kukaphu eno pa lagha kumtsu pesu David tsuveno pano Israil eno Juda yeghi kumtsulo, aghakhu cheku ashekha lono ashekha kutolo akukau shiluve peni. Hipau shikupumo aye Alhou no iheqhi pithive peni!”

Apostolmi 20:24

Alhou wu kupukini tsakiviu pesu kutughu nikeu kumlapu saje khikhi Ampeu Jisu no itsukeno tipau puzuchekeu shikupuluni malapi ani kethono ikuxu pesu ilikhi isala amekuapu shilu ani kemala pi kihichemoe.

RUTH 1:16

Ikemu Rut no pi, “Ivilo oqhivelo pikevilo eno opapenikeu ihachile tsukevilo, kughengu nono khile wunikeno nighi wuni eno nono khile ngoni keno nighi tile ngoni; owu timi pe iwu timi shini eno oLhou pesu iLhou shini.

RUTH 4:15

Anu hipau pelo olau akuxu kithe sughi peni, eno oteasu lo sushokulu otsu peni. Omukishiu no anu hipau punu tsue, liye okimiye cheni eno liye anu tsuni nguno alau oju aloniae.”

SAMUEL ATUGHIU 14:44

Saul no pa vilo pi, “Tsala opithimove aye Alhou no iheqhi pithive nani!”

SAMUEL ATUGHIU 20:13

Tsala pano opithiveni keu kukumsu lhoksa aghi aye niye ovilo pimono ngomlae eno opelo polu pemo keloye AMPEU pelono iheqhi pithive peni, AMPEU no ipu gholo aketoi pa pelono osa chepeniu!

SAMUEL AKINIU 15:21

Ikemu Ittai no khochile pi, “Akukau akijeu, ino AMPEU je lono tushoqhi anike tsala akithipushi aghimu niye nono khila khila wunamu ogholo wunie.”

KUKAMI ATUGHIU 13:31

Akumo qhovekethiu tungkupuu huno panuliqo vilo ishi pi, “Kughou ino thive nikeno ikumo ghi pa phi ije ghi qhotsulo

LESHELE 45:10

O akukau nipu shiniye akeu kulaliu! ino kiu pini keno inilo, q1 Owu timi eno nokibolomi kumsuma velo.