Rommi 8:5 - BAIBEL (BSI)

⁵ Kughengu khunoqono timi lhoaye pano lolo akeu papeghi xunikeno pano mlo kukumsuye timi lhoaye puloulo kumsupukupe acheni. Ikemu khunoqono Aghungu papeghi xuni keno pano mlokukumsuye Aghungu puloulo kumsupukupe acheni.

Sümi Tiqhelimi Bible

⁵ Timi lhoaye lono xüche kemiqo kükümsü ye timi lhoaye no kiu shinishi cheni keno tipaqo shou kümsüpuku pe acheni; ikemu Aghungu pape ghi xüche kemiqo kükümsü ye Aghungu no kiu pulo cheni keno tipaqo shou kümsüpuku pe acheni.

Sumi Naga CL (Re-edited) Bible (BSI)

⁵ Kughengu khunono ashi gholau no xücheni keno, pano mlo ye ashi lo thimeqo shou kümsü pukupe acheni, ikemu khunono Aghungu gholau no xücheni keno, pano mlo ye Aghungu küdau kümsü pukupe acheni.

Rommi 8:5 Referans Kwoze

1 Kor. 2:14

Ikemu Aghungu Kimthe sumono xuchekemiye Alhou Ghungu launo kumghagho ighilu chemoe. Pa ghenguno tipaqoye mbomzuke eno paye tipaqo ithikuthumlae, kughengu Aghungu likhino tipaqoye amekuapu kiu keno kiqiphelu cheni.

John 3:6

Ashi lono kiu punu keno tiye ashie, eno Aghungu lono kiu punu keno tino Aghungue.

Rommi 8:9

Kuchouno Alhou Ghungu nongu lolo ani aye, nonguye timi lhoaye nongu lolo akeuno pikeu toi xuamoe, nonguye Aghungu no pikeu toi xuanie. Khuu khumu Khristo Ghungu aghimo aye tipaqoye pawu kumoe.

Mark 8:33

Ikemu Jisu no tsughu ighieno pa khopemiqo jupuzu Pitor lomi pi, “Ilauno chevelo, Satan! Kughengu noye Alhou launo ighikeu kukumsu kumsumo puzu timi kukumsu kumsu ani.”

2 Kor. 10:3

Kughengu ninguye ayeghilo xu anamu ayeghilo ghushi nanu xapusu aghu shichemoe.

2 Peter 2:10

eno tiye akhotoshi khunono pano shiajilo mithekumo ngosukumla lhoksapu shi cheni eno Alhou no ayehkipe tsukeu mithichekemi shou anani. Kichile kukutsumiqoye tsatsayi agho agho shi cheni eno akimthe jukuvu pepukemi pipusa nikeulo musaighu keu kuhae.

Ephesiami 5:9

Kughengu akuvulo chechekeu lono akivipu, achipiu eno kuchou ipeghilupe cheni.

1 Kor. 15:48

Khunoqono ayeghi laumi keno panonguye ayeghi mukhuno lhokeu timi toike; khunoqono kungugha laumi keno panonguye kungugha launo ighikeu timi toike.

Galatiami 5:17

Kughengu timi lhoayeno minekeuye Aghungu no shipenishi keu launo bidelauke; eno Aghungu no kiu shinishi keno timi lhoayeno mine keu launo bidelauke; kughengu hikumaye lakhino lakhi sasu kumghokile cheni eno tipau kiqiye nono kiu shinishikeno tipau shipemoniyeke.